Faðir ráðherra og föðurbróðir svara fyrir sig á heimasíðunni Hrútar Kolbeinn Tumi Daðason skrifar 3. október 2023 12:39 Ásmundur Einar segist aldrei hafa verið yfirheyrður eða ákærður vegna málsins. Hann segir um harmleik að ræða sem hann hafi stimplað sig út úr fyrir nokkrum árum. Vísir/Arnar Bræðurnir Daði og Valdimar Einarsson hafa komið á fót heimasíðunni Hrútar. Þar vilja þeir koma á framfærum sjónarmiðum sínum um áralangar fjölskyldudeilur sem hverfst hafa um jörðina Lambeyrar undanfarna mánuði. Daði Einarsson er faðir Ásmundar Einars Daðasonar mennta- og barnamálaráðherra. Þrjár frænkur Ásmundar hafa haldið úti hlaðvarpinu Lömbin þagna ekki. Þar hafa þær sakað Daða og Valdimar um skemmdarverk og Ásmund Einar um innbrot í útihús. Daði og Valdimar hafa ekki tjáð sig um ásakanirnar að neinu ráði til þessa. Nú er heimasíða komin í loftið þar sem snert er á fjölskylduharmleiknum frá nokkrum sjónarhornum. Bræðurnir segja á vefsíðunni að ástæður fyrir fjölskyldudeilum séu alltaf persónulegar og tilfinningasamar. „Ekki síst vegna áratuga ágreinings sem kraumar án þess að komi til beinna átaka eða uppgjörs. Áratuga ágreiningur leiðir oft til þess að deilur erfast á milli kynslóða og engin varanleg lausn er fundin eða hnútur bundinn á endann. Afskipti almennings eru oft í lok deilna vegna þess að annar málsaðili hefur ekki náð sínu fram og brýst þá út með „sannleikann og réttlætið“ að leiðarljósi en hinn aðilinn stendur eftir hljóður og vafinn „ósannindum og óréttlæti“,“ segir á heimasíðunni. Ekki aftur snúið frá árinu 1983 Daði og Valdimar segja Skúla, föður Ásu Skúladóttur sem haldið hefur úti Lömbin þagna ekki, og Danýju eiginkonu hans hafa hrakið Einar Valdimar föður systkinanna frá Lambeyrum á Hornafjörð. „Án þess að rekja nákvæmlega málsatvik, þá varð niðurstaðan sú að afi Ásu, Einar Valdimar hafnaði alfarið áformum Skúla og Dagnýjar að hefja búskap á Lambeyrum, en Sigríður Skúladóttir, móðir Skúla, gerði Skúla og Dagnýju grein fyrir þeim málalokum í júní 1983.“ Frá því augnabliki hafi ekki verið aftur snúið hvað varðaði fjölskylduna. „Skúli og Dagný fluttu frá Lambeyrum nokkrum dögum seinna. Þetta var ekki aðeins erfiður tími fyrir Einar Valdimar og Sigríði, heldur alla fjöldskylduna. Einar Valdimar kom aftur að Lambeyrum sama dag og Skúli og Dagný fluttu frá Lambeyrum.“ Daði og Valdimar telja Ásu ekki hafa fengið fræðslu um þessi mál frá foreldrum sínum. Skúli hafi ekki talað við föður sinn síðustu 24 árin sem hann lifði. Dætur Skúla telji samband foreldra þeirra við Einar Valdimar hafa hafa verið náið en nærfjölskyldan viti betur. „Andrúmsloftið var þrungið í þau örfáu skipti sem Skúli eða Dagný voru í samveru við Einar Valdimar, til dæmis við jarðarfarir eða fjölskyldusamkomur.“ Segja ráðuneytið hafa brugðist skyldu sinni Bræðurnir Daði og Valdimar saka auk þess Skúla, föður Ásu, um að stunda fjársvik á Lambeyrum. Ríkissjóður hafi greitt 30 milljónir til félagsins Dön ehf. í formi ríkisstyrkja vegna sauðfjárræktar. Félagið hafi þó ekki framleitt eitt kíló af kjöti. „Hvorki Dön. ehf eða hluthafar í félaginu hafa átt sauðkind, fjárhús, tún eða stundað sauðfjárrækt og Lambeyrar standa ekki undir því að vera lögbýli samkvæmt búvörulögum,“ segir á síðunni. Brot úr umfjöllun bræðranna Valdimars og Daða á vefsíðunni Hrútar. Dön ehf. er í eigu systkinanna Skúla Einarssonar, Valdísar Einarsdóttur og Lilju Einarsdóttur auk Sævars Þorbjörnssonar, eiginmanns Lilju. Daði og Valdimar hafi í fimm ár barist gegn þessu styrktargreiðslum til eigenda Dön ehf. en án árangurs. Líta þeir svo á að matvælaráðuneytið hafi ekki sinnt skyldu sinni gagnvart skattgreiðendum. Ása og systur hennar hafa sakað Lögregluna á Vesturlandi um að rannsaka ekki meint innbrot barnamálaráðherra og ítrekuð skemmdarverk Daða og Valdimars á jörðinni á Lambeyrum. Barnamálaráðherra hefur neitað að sjá sig um meint innbrot í samtali við fréttastofu. Hann vísaði í yfirlýsingu frá í júlí þar sem hann minnti á að hann hefði hvorki verið yfirheyrður né ákærður. Daði og Valdimar boða umfjöllun um lögregluna á nýju heimasíðunni. Sá kafli er þó enn í vinnslu. Deilur um jörðina Lambeyrar Dalabyggð Framsóknarflokkurinn Landbúnaður Mest lesið Sagður hafa tæmt sjóði flokksins og rekur nýja stjórn úr húsnæðinu Innlent Halla forseti blandar sér í götuljósaumræðuna Innlent Mikill viðbúnaður vegna eftirfarar á Sæbraut Innlent Reiða fram rúma milljón fyrir Jakub Innlent Málið rannsakað sem tilraun til manndráps Innlent Telja Múmínlundinn klárt brot á höfundarétti Innlent Tilraun langtímakjarasamninga hafi mistekist Innlent Steini frá Straumnesi látinn Innlent Óku á yfir 60 og missa ökuréttindin Innlent Málið týndist í kerfinu og reyndist á endanum fyrnt Innlent Fleiri fréttir Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Þingmenn ekki svo heppnir að fá tvöföld laun Standa saman gegn „óskiljanlegri“ ósk Vegagerðarinnar Helgi leiðir nefnd um atvinnumál í Norðurþingi Nú má heita Kareem Link Baggio og Anóra Vava Star Kerfið bilaði og atkvæði greidd upp á gamla mátann Ánægja með gjaldfrjálsar skólamáltíðir en fjármögnunin áskorun Verðbólga eykst og Alþingi í óvissu Gerðu úttekt á skrifstofu Ríkissáttasemjara Stærsti árgangur sögunnar fer í framhaldsskóla: „Það verður þétt setið í skólastofunni“ Flakk á fylginu og brunamótamatið vanáætlað Lögregla varar við „Nígeríubréfum“ og öðrum netglæpum Veita engar upplýsingar um tilboðið í Háholt Nýju tilboði í Háholt svarað með gagntilboði Tilkynningum til barnaverndar fjölgaði um tíu prósent árið 2024 Tveir skjálftar úti á Reykjaneshrygg Sjá meira
Daði Einarsson er faðir Ásmundar Einars Daðasonar mennta- og barnamálaráðherra. Þrjár frænkur Ásmundar hafa haldið úti hlaðvarpinu Lömbin þagna ekki. Þar hafa þær sakað Daða og Valdimar um skemmdarverk og Ásmund Einar um innbrot í útihús. Daði og Valdimar hafa ekki tjáð sig um ásakanirnar að neinu ráði til þessa. Nú er heimasíða komin í loftið þar sem snert er á fjölskylduharmleiknum frá nokkrum sjónarhornum. Bræðurnir segja á vefsíðunni að ástæður fyrir fjölskyldudeilum séu alltaf persónulegar og tilfinningasamar. „Ekki síst vegna áratuga ágreinings sem kraumar án þess að komi til beinna átaka eða uppgjörs. Áratuga ágreiningur leiðir oft til þess að deilur erfast á milli kynslóða og engin varanleg lausn er fundin eða hnútur bundinn á endann. Afskipti almennings eru oft í lok deilna vegna þess að annar málsaðili hefur ekki náð sínu fram og brýst þá út með „sannleikann og réttlætið“ að leiðarljósi en hinn aðilinn stendur eftir hljóður og vafinn „ósannindum og óréttlæti“,“ segir á heimasíðunni. Ekki aftur snúið frá árinu 1983 Daði og Valdimar segja Skúla, föður Ásu Skúladóttur sem haldið hefur úti Lömbin þagna ekki, og Danýju eiginkonu hans hafa hrakið Einar Valdimar föður systkinanna frá Lambeyrum á Hornafjörð. „Án þess að rekja nákvæmlega málsatvik, þá varð niðurstaðan sú að afi Ásu, Einar Valdimar hafnaði alfarið áformum Skúla og Dagnýjar að hefja búskap á Lambeyrum, en Sigríður Skúladóttir, móðir Skúla, gerði Skúla og Dagnýju grein fyrir þeim málalokum í júní 1983.“ Frá því augnabliki hafi ekki verið aftur snúið hvað varðaði fjölskylduna. „Skúli og Dagný fluttu frá Lambeyrum nokkrum dögum seinna. Þetta var ekki aðeins erfiður tími fyrir Einar Valdimar og Sigríði, heldur alla fjöldskylduna. Einar Valdimar kom aftur að Lambeyrum sama dag og Skúli og Dagný fluttu frá Lambeyrum.“ Daði og Valdimar telja Ásu ekki hafa fengið fræðslu um þessi mál frá foreldrum sínum. Skúli hafi ekki talað við föður sinn síðustu 24 árin sem hann lifði. Dætur Skúla telji samband foreldra þeirra við Einar Valdimar hafa hafa verið náið en nærfjölskyldan viti betur. „Andrúmsloftið var þrungið í þau örfáu skipti sem Skúli eða Dagný voru í samveru við Einar Valdimar, til dæmis við jarðarfarir eða fjölskyldusamkomur.“ Segja ráðuneytið hafa brugðist skyldu sinni Bræðurnir Daði og Valdimar saka auk þess Skúla, föður Ásu, um að stunda fjársvik á Lambeyrum. Ríkissjóður hafi greitt 30 milljónir til félagsins Dön ehf. í formi ríkisstyrkja vegna sauðfjárræktar. Félagið hafi þó ekki framleitt eitt kíló af kjöti. „Hvorki Dön. ehf eða hluthafar í félaginu hafa átt sauðkind, fjárhús, tún eða stundað sauðfjárrækt og Lambeyrar standa ekki undir því að vera lögbýli samkvæmt búvörulögum,“ segir á síðunni. Brot úr umfjöllun bræðranna Valdimars og Daða á vefsíðunni Hrútar. Dön ehf. er í eigu systkinanna Skúla Einarssonar, Valdísar Einarsdóttur og Lilju Einarsdóttur auk Sævars Þorbjörnssonar, eiginmanns Lilju. Daði og Valdimar hafi í fimm ár barist gegn þessu styrktargreiðslum til eigenda Dön ehf. en án árangurs. Líta þeir svo á að matvælaráðuneytið hafi ekki sinnt skyldu sinni gagnvart skattgreiðendum. Ása og systur hennar hafa sakað Lögregluna á Vesturlandi um að rannsaka ekki meint innbrot barnamálaráðherra og ítrekuð skemmdarverk Daða og Valdimars á jörðinni á Lambeyrum. Barnamálaráðherra hefur neitað að sjá sig um meint innbrot í samtali við fréttastofu. Hann vísaði í yfirlýsingu frá í júlí þar sem hann minnti á að hann hefði hvorki verið yfirheyrður né ákærður. Daði og Valdimar boða umfjöllun um lögregluna á nýju heimasíðunni. Sá kafli er þó enn í vinnslu.
Deilur um jörðina Lambeyrar Dalabyggð Framsóknarflokkurinn Landbúnaður Mest lesið Sagður hafa tæmt sjóði flokksins og rekur nýja stjórn úr húsnæðinu Innlent Halla forseti blandar sér í götuljósaumræðuna Innlent Mikill viðbúnaður vegna eftirfarar á Sæbraut Innlent Reiða fram rúma milljón fyrir Jakub Innlent Málið rannsakað sem tilraun til manndráps Innlent Telja Múmínlundinn klárt brot á höfundarétti Innlent Tilraun langtímakjarasamninga hafi mistekist Innlent Steini frá Straumnesi látinn Innlent Óku á yfir 60 og missa ökuréttindin Innlent Málið týndist í kerfinu og reyndist á endanum fyrnt Innlent Fleiri fréttir Mikill viðbúnaður vegna eftirfarar á Sæbraut Sagður hafa tæmt sjóði flokksins og rekur nýja stjórn úr húsnæðinu Halla forseti blandar sér í götuljósaumræðuna Reiða fram rúma milljón fyrir Jakub Tilraun langtímakjarasamninga hafi mistekist Málið rannsakað sem tilraun til manndráps Telja Múmínlundinn klárt brot á höfundarétti Glænýr leikskóli í Mosfellsbæ heitir Sumarhús Verðbólguvonbrigði, hraðakstur og kokkur með keppnisskap Málið týndist í kerfinu og reyndist á endanum fyrnt Segulómtækið enn óvirkt og beðið eftir þúsund lítrum af helíni „Allar kannanir eru með einhverja óvissu“ Steini frá Straumnesi látinn Áfram frestað meðan formenn funda Birgir Ármannsson kominn með málflutningsréttindi Þingmenn ekki svo heppnir að fá tvöföld laun Standa saman gegn „óskiljanlegri“ ósk Vegagerðarinnar Helgi leiðir nefnd um atvinnumál í Norðurþingi Nú má heita Kareem Link Baggio og Anóra Vava Star Kerfið bilaði og atkvæði greidd upp á gamla mátann Ánægja með gjaldfrjálsar skólamáltíðir en fjármögnunin áskorun Verðbólga eykst og Alþingi í óvissu Gerðu úttekt á skrifstofu Ríkissáttasemjara Stærsti árgangur sögunnar fer í framhaldsskóla: „Það verður þétt setið í skólastofunni“ Flakk á fylginu og brunamótamatið vanáætlað Lögregla varar við „Nígeríubréfum“ og öðrum netglæpum Veita engar upplýsingar um tilboðið í Háholt Nýju tilboði í Háholt svarað með gagntilboði Tilkynningum til barnaverndar fjölgaði um tíu prósent árið 2024 Tveir skjálftar úti á Reykjaneshrygg Sjá meira