Unglingarnir í unglingadeildinni Greip, sem tóku þátt í áheitagöngunni eftir hádegi í gær í flottu og fallegu veðri. Tveir björungarsveitarbílar með blikkandi ljósum fylgdu hópnum.Magnús Hlynur Hreiðarsson
Þeir voru einstaklega duglegir unglingarnir í Björgunarsveit Biskupstungna í gær þegar þau tóku þátt í áheitagöngu frá Reykholti í Bláskógabyggð á Borg í Grímsnesi.
Gengir voru um 20 kílómetrar með sjúkrabörur þar sem í var stór hátalari með tónlist og fullt af rusli, sem krakkarnir týndu með fram veginum á göngu sinni. Um var að ræða unglingadeildina Greip. Ágóðinn, sem safnast af göngunni verður notaður til að kaupa búnað, fara í æfingaferðir og annað, sem þarf að nýta í starfi.
Til að styðja deildina má senda upplýsingar á netfangið annamaria@tintron.is eða að leggja inn á eftirfarandi reikning.
151 – 05 – 060621 og kennitalan er 520288 – 1049
Hátalarinn var stillt í botn með tónlist í sjúkrabörunum á meðan unglingarnir gengu með þær 20 kílómetra. Alls konar rusl var líka týnt upp í börurnar.Magnús Hlynur HreiðarssonÞessir inniskór fundust til dæmis út í vegkanti og óska eftir eiganda sínum.Magnús Hlynur Hreiðarsson
