Þetta staðfestir Grímur Grímsson yfirlögregluþjónn hjá miðlægri rannsóknardeild lögreglu í samtali við Vísi. Ekki þótti ástæða til að fara fram á gæsluvarðhald yfir mönnunum sem allir eru á þrítugsaldri. Grímur segir að enn sé nokkura aðila leitað vegna málsins.
Ekki sá sami og varð fyrir skotárás
Til skoðunar er hvort árásin tengist annari hnífstunguárás á Litla-Hrauni degi áður. Maðurinn sem varð fyrir árásinni er ekki í lífshættu en hlaut alvarlega áverka.
Sögur hafa verið uppi um að sá sem varð fyrir árásinni í Grafarvogi sé sá sami og varð fyrir skotárás í Úlfársárdal í byrjun mánaðar. Grímur segir að það sé ekki rétt, en verið sé að rannsaka hvort tengsl séu á milli árásanna.
