Hringurinn er í eigu malasískrar viðskiptakonu sem hafði verið gestur á hótelinu. Á föstudag kvartaði hún til lögreglu þar sem hún fann hringinn ekki.
Hún sagðist hafa lagt hringinn á borð inni á herberginu sínu á meðan hún fór að versla. Þegar hún kom til baka hafi hringurinn hins vegar verið horfinn.
Hringurinn hafði þó einungis dottið á gólfið og verið ryksugaður upp af starfsmanni. Konan var farin til London en er nú á leið til Parísar aftur til að ná í hringinn. Á meðan er hann í vörslu lögreglunnar.
