Tískutal er fastur liður á Vísi þar sem rætt er við ólíka einstaklinga um þeirra persónulega stíl og hvernig tíska nýtist þeim í daglegu lífi. Klæðaburður er sannarlega fjölbreytt listform en við fáum að skyggnast inn í ólíka fataskápa og fræðast nánar um það merkilega tjáningarform sem tíska er fyrir hverjum og einum viðmælanda.
Hvað finnst þér skemmtilegast við tískuna?
Hvað hún skiptir litlu máli í stóra samhenginu. Það er bara sjúklega gaman að klæða sig í eitthvað rugl.
Hver er uppáhalds flíkin þín og af hverju?
Loðnu kúrekastígvélin mín. Ég dýrka flíkur úr feldi og mig hafði dreymt um kúrekastígvél í mörg ár, síðan fann ég beggja heima blöndu í þessum stígvélum.
Eyðirðu miklum tíma í að velja föt hverju sinni?
Já ég geri það því miður, ég hef mætt seint í þó nokkur boð vegna þess.
Hvernig myndirðu lýsa stílnum þínum?
Klassík og kjaftæði.
Hefur stíllinn þinn breyst mikið í gegnum tíðina og hvernig þá?
Hann hefur það, ég fór úr því að vera saggandi í Supreme yfir í ruglið sem ég klæðist í dag.
Ég er líka algjör dellukall. Eina vikuna gæti ég gengið einungis í skoppara fötum og þá næstu eins og karakter úr Tim Burton mynd.
Mér finnst gaman að hafa fjölbreytileika í stílnum mínum.
Hvaðan sækirðu innblástur í tískunni?
Héðan og þaðan, aðallega þaðan. Ég skoða mikið gamlar tískusýningar. Dior ss05 og Rick Owens fw17 eru í miklu uppáhaldi eins og er.
Nýturðu þess að klæða þig upp?
Já mér finnst það geggjað. Fátt toppar tilfinninguna þegar rétta outfittið dettur.
Ertu með einhver boð og bönn þegar það kemur að klæðaburði?
Bannað að vera boring.
Hver er eftirminnilegasta flík sem þú hefur klæðst og af hverju?
Kaldal derhúfan sem frændi minn gerði fyrir mig þegar ég var sjö ára. Hún hefur verið límd við hausinn á mér í þrettán ár og það er farið að sjást vel á henni.
Býrðu yfir einhverju góðu ráði þegar það kemur að tísku?
Vertu í því sem þér finnst flott, það eru allir of uppteknir af sjálfum sér til að vera að skipta sér að því sem þú ert í.
Nýturðu þess að klæða þig upp?
Já mér finnst það geggjað. Fátt toppar tilfinninguna þegar rétta outfittið dettur.
Hér er hægt að fylgjast með Krumma Kaldal á samfélagsmiðlinum Instagram.
