Opið bréf til Bjarna Benediktssonar Margrét K Blöndal skrifar 20. janúar 2024 13:30 Hann virðist eiginlega alveg á floti, skilningurinn en kannski ekki síður söguþekking ykkar sjálfstæðismanna sem hafið tjáð ykkur um mótmæli tjaldbúðanna á Austurvelli. Það er nú vonandi að þér sé kunnugra um helstu söguþætti Austurvallar en flokksbróður þínum Birgi Þórarinssyni (sem einnig hefur tjáð áhyggjur sínar af sama máli) þ.e þá staðreynd að Jóni okkar Sigurðssyni var reist sú stytta sem við þekkjum og stendur á Austurvelli vegna þess að hann var einn helsti mótmælandi Íslandssögunnar. Einmitt vegna þess árangurs sem hlaust í kjölfar frægustu mótmæla okkar sögu og Jón Sigurðsson fór fyrir, “vér mótmælum allir”. Hefur Austurvöllur verið einn helsti vettvangur mótmæla, æ síðan. Við gætum nefnt mótmæli sem þér ættu, Bjarni Benediktsson, að vera sértaklega vel kunn þ.e þau mótmæli almennings sem brutust út seinast í mars, sérstaklega þann 30. árið 1949 þegar fréttist að Alþingi hefði samþykkt inngöngu í hernaðarbandalagið NATO. Þess sama hernaðarbandalags sem þú nú, með einörðum stuðningi þinnar ríkisstjórnar gengur nú keikur, allra erinda. Með færslu þinni í gær sem og framgöngu á undanförnum dögum hefur þú stigið fastar til jarðar en venjulega um að opinbera viðhorf þín og raunverulegt innræti, svo allir megi skilja. Þegar fjórða eldgosið í röð á stuttum tíma hófst síðastliðinn sunnudag og ljóst varð að allir íbúar Grindavíkur, sem höfðu um nokkurt skeið lifað milli vonar og ótta um framtíð sína og þurftu enn einn ganginn að leggja á flótta frá heimilum sínum, út í óvissuna, þegar heimsbyggðin öll (og þú þar meðtalinn) hafði horft upp á 100 daga atrennu viðurstyggilegs þjóðarmorðs Ísraelsstjórnar og hers á Palestínsku þjóðinni, í atrennu þar sem meira en 24 þúsund manneskjur hafa verið drepnar að kalla má í beinni útsendingu, beint fyrir framan augun á þér, þegar þér, sem hefur margsinnis og ítrekað verið gerður ljós tilgangur friðsamlegra mótmælanna á Austurvelli, þar sem Palestínskir flóttamenn hafast við í ískulda í tjaldbúðum á þessum sögulega táknræna stað og þú, meðvitaður um það hefur ekki virt viðlits beiðnir þeirra um samtal, þegar þér, sem ætti með réttu bæði að vera ljúft og skylt, í öllu falli skylt að greiða götu og virða mannréttindi þessa sama fólks á ögurstundu, þá bregstu því. Þitt viðbragð, Bjarni Benediktsson, utanríkisráðherra, við afleiðingum blóðsúthellinga og stríðsglæpa Ísraelshers á Gaza undanfarna 100 daga og náttúruhamförunum á Reykjanesskaga um síðustu helgi, aðstæður sem þér ber skilyrðislaus skylda sem ráðherra til að sinna af öllum mætti var, að þú skelltir þér erlendis á handboltaleik. Þitt innlegg, þitt svar við neyð alls þessa fólks sem hafði þurft að flýja heimili sín, lengur eða skemur og þér ber sem ráðherra skylda til að vinna öllum árum að greiða fyrir lausn mála fólks á örlagastundu þá valdir þú að fara í flippferð með vinum, til að horfa á boltaleik. Þannig sýndirðu öllu því flóttafólki, bæði palestínsku og grindvísku hvort heldur megnustu fyrirlitningu þína eða botnlausa andlega fátækt. Ég veit ekki hvort er verra. Það er í öllu falli lýsandi fyrir siðferðið, sinnuleysið og letina, sem er það eina sem þið í ríkisstjórn þessa lands sýnið í verki. Ég hef enga trú á öðru en að þú teljir að þú og þín ríkisstjórn sem nefnd er eftir vinkonu þinni Katrínu Jakobsdóttur komist áfram upp með svívirðilegt framferði gagnvart fólki í neyð, rétt eins og aðra svívirðu. Enda varstu aldeilis ekki af baki dottinn í færslu gærdagsins, hélst ótrauður áfram, hugdjarfur talandi af lítilsvirðingu um flóttafólk, viðraðir fasískar hugmyndir þínar og fyrirætlanir um herta löggæslu og drauma ykkar sjálfstæðismanna um fangabúðir fyrir fólk sem þið hyggist loka inni rétt áður en þið fleygið því út á guð og gaddinn. Svei ykkur. Megi ykkar fasísku gildi brenna upp í því heimskuvíti sem þau eru sprottin úr. Með kveðju, Margrét K.Blöndal. Höfundur er söngkona Viltu birta grein á Vísi? Sendu okkur póst. Senda grein Átök í Ísrael og Palestínu Ríkisstjórn Katrínar Jakobsdóttur Hælisleitendur Mest lesið Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun Vanhæfur Sjálfstæðisflokkur Dóra Björt Guðjónsdóttir Skoðun Myllan sem mala átti gull Andrés Kristjánsson Skoðun Fé án hirðis Þorvaldur Lúðvík Sigurjónsson Skoðun Pírati pissar í skóinn sinn Helgi Áss Grétarsson Skoðun Fáum presta aftur inn í skólana Rósa Guðbjartsdóttir Skoðun Rösk og reiðubúin fyrir landsbyggðina Hópur Röskvuliða Skoðun Goðsögnin um UFS-sjóði sem róttækar „woke"- fjárfestingar Már Wolfgang Mixa Skoðun Sjö mýtur um loftslagsbreytingar Kristinn Már Hilmarsson,Elva Rakel Jónsdóttir Skoðun Framtíð Öskjuhlíðar Magnea Gná Jóhannsdóttir Skoðun Skoðun Skoðun Mannúð og hugrekki - gegn stríðsglæpum og þjóðarmorði Ólafur Ingólfsson skrifar Skoðun Framtíð menntunar – byggjum á trausti, ekki tortryggni Helga Kristín Kolbeins skrifar Skoðun Fé án hirðis Þorvaldur Lúðvík Sigurjónsson skrifar Skoðun Gæludýr geta dimmu í dagsljós breytt Kolbrún Áslaugar Baldursdóttir skrifar Skoðun Myllan sem mala átti gull Andrés Kristjánsson skrifar Skoðun Sjö mýtur um loftslagsbreytingar Kristinn Már Hilmarsson,Elva Rakel Jónsdóttir skrifar Skoðun Pírati pissar í skóinn sinn Helgi Áss Grétarsson skrifar Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir skrifar Skoðun Fáum presta aftur inn í skólana Rósa Guðbjartsdóttir skrifar Skoðun Rösk og reiðubúin fyrir landsbyggðina Hópur Röskvuliða skrifar Skoðun Icelandic Learning is a Gendered Health Issue Logan Lee Sigurðsson skrifar Skoðun Goðsögnin um UFS-sjóði sem róttækar „woke"- fjárfestingar Már Wolfgang Mixa skrifar Skoðun Framtíð Öskjuhlíðar Magnea Gná Jóhannsdóttir skrifar Skoðun Vanhæfur Sjálfstæðisflokkur Dóra Björt Guðjónsdóttir skrifar Skoðun Mælt fyrir miklum kjarabótum öryrkja og aldraðra Inga Sæland skrifar Skoðun Mannréttindabrot og stríðsglæpir Rússa í Úkraínu Erlingur Erlingsson skrifar Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson skrifar Skoðun Ákvarðanir teknar í Reykjavík – afleiðingarnar skella á okkur Hópur Framsóknarmanna í sveitarstjórnum skrifar Skoðun Snjallborgin eða Skuggaborgin Reykjavík: Gervigreindarknúið höfuðborgarsvæði Björgmundur Örn Guðmundsson skrifar Skoðun Getur Sturlunga snúið aftur? Leifur B. Dagfinnsson skrifar Skoðun Vaka stendur með Menntavísindasviði í verki Gunnar Ásgrímsson skrifar Skoðun Vorbókaleysingar Henry Alexander Henrysson skrifar Skoðun Er þetta í alvöru umdeild skoðun fámenns hóps? Snorri Másson skrifar Skoðun Liðveisla fyrir öll Atli Már Haraldsson skrifar Skoðun Réttur til endurtektarprófa: Jafnræði í námi fyrir alla stúdenta Vera Mist Magnúsdóttir,Guðlaug Eva Albertsdóttir skrifar Skoðun Að standa við stóru orðin Guðmundur Ari Sigurjónsson skrifar Skoðun Aðför að landsbyggðinni – og tilraun til að slá ryki í augu almennings Ingibjörg Isaksen skrifar Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson skrifar Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir skrifar Skoðun Ég virði þig og þín mörk, virðir þú mig og mín mörk ? Rakel Linda Kristjánsdóttir skrifar Sjá meira
Hann virðist eiginlega alveg á floti, skilningurinn en kannski ekki síður söguþekking ykkar sjálfstæðismanna sem hafið tjáð ykkur um mótmæli tjaldbúðanna á Austurvelli. Það er nú vonandi að þér sé kunnugra um helstu söguþætti Austurvallar en flokksbróður þínum Birgi Þórarinssyni (sem einnig hefur tjáð áhyggjur sínar af sama máli) þ.e þá staðreynd að Jóni okkar Sigurðssyni var reist sú stytta sem við þekkjum og stendur á Austurvelli vegna þess að hann var einn helsti mótmælandi Íslandssögunnar. Einmitt vegna þess árangurs sem hlaust í kjölfar frægustu mótmæla okkar sögu og Jón Sigurðsson fór fyrir, “vér mótmælum allir”. Hefur Austurvöllur verið einn helsti vettvangur mótmæla, æ síðan. Við gætum nefnt mótmæli sem þér ættu, Bjarni Benediktsson, að vera sértaklega vel kunn þ.e þau mótmæli almennings sem brutust út seinast í mars, sérstaklega þann 30. árið 1949 þegar fréttist að Alþingi hefði samþykkt inngöngu í hernaðarbandalagið NATO. Þess sama hernaðarbandalags sem þú nú, með einörðum stuðningi þinnar ríkisstjórnar gengur nú keikur, allra erinda. Með færslu þinni í gær sem og framgöngu á undanförnum dögum hefur þú stigið fastar til jarðar en venjulega um að opinbera viðhorf þín og raunverulegt innræti, svo allir megi skilja. Þegar fjórða eldgosið í röð á stuttum tíma hófst síðastliðinn sunnudag og ljóst varð að allir íbúar Grindavíkur, sem höfðu um nokkurt skeið lifað milli vonar og ótta um framtíð sína og þurftu enn einn ganginn að leggja á flótta frá heimilum sínum, út í óvissuna, þegar heimsbyggðin öll (og þú þar meðtalinn) hafði horft upp á 100 daga atrennu viðurstyggilegs þjóðarmorðs Ísraelsstjórnar og hers á Palestínsku þjóðinni, í atrennu þar sem meira en 24 þúsund manneskjur hafa verið drepnar að kalla má í beinni útsendingu, beint fyrir framan augun á þér, þegar þér, sem hefur margsinnis og ítrekað verið gerður ljós tilgangur friðsamlegra mótmælanna á Austurvelli, þar sem Palestínskir flóttamenn hafast við í ískulda í tjaldbúðum á þessum sögulega táknræna stað og þú, meðvitaður um það hefur ekki virt viðlits beiðnir þeirra um samtal, þegar þér, sem ætti með réttu bæði að vera ljúft og skylt, í öllu falli skylt að greiða götu og virða mannréttindi þessa sama fólks á ögurstundu, þá bregstu því. Þitt viðbragð, Bjarni Benediktsson, utanríkisráðherra, við afleiðingum blóðsúthellinga og stríðsglæpa Ísraelshers á Gaza undanfarna 100 daga og náttúruhamförunum á Reykjanesskaga um síðustu helgi, aðstæður sem þér ber skilyrðislaus skylda sem ráðherra til að sinna af öllum mætti var, að þú skelltir þér erlendis á handboltaleik. Þitt innlegg, þitt svar við neyð alls þessa fólks sem hafði þurft að flýja heimili sín, lengur eða skemur og þér ber sem ráðherra skylda til að vinna öllum árum að greiða fyrir lausn mála fólks á örlagastundu þá valdir þú að fara í flippferð með vinum, til að horfa á boltaleik. Þannig sýndirðu öllu því flóttafólki, bæði palestínsku og grindvísku hvort heldur megnustu fyrirlitningu þína eða botnlausa andlega fátækt. Ég veit ekki hvort er verra. Það er í öllu falli lýsandi fyrir siðferðið, sinnuleysið og letina, sem er það eina sem þið í ríkisstjórn þessa lands sýnið í verki. Ég hef enga trú á öðru en að þú teljir að þú og þín ríkisstjórn sem nefnd er eftir vinkonu þinni Katrínu Jakobsdóttur komist áfram upp með svívirðilegt framferði gagnvart fólki í neyð, rétt eins og aðra svívirðu. Enda varstu aldeilis ekki af baki dottinn í færslu gærdagsins, hélst ótrauður áfram, hugdjarfur talandi af lítilsvirðingu um flóttafólk, viðraðir fasískar hugmyndir þínar og fyrirætlanir um herta löggæslu og drauma ykkar sjálfstæðismanna um fangabúðir fyrir fólk sem þið hyggist loka inni rétt áður en þið fleygið því út á guð og gaddinn. Svei ykkur. Megi ykkar fasísku gildi brenna upp í því heimskuvíti sem þau eru sprottin úr. Með kveðju, Margrét K.Blöndal. Höfundur er söngkona
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir skrifar
Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson skrifar
Skoðun Ákvarðanir teknar í Reykjavík – afleiðingarnar skella á okkur Hópur Framsóknarmanna í sveitarstjórnum skrifar
Skoðun Snjallborgin eða Skuggaborgin Reykjavík: Gervigreindarknúið höfuðborgarsvæði Björgmundur Örn Guðmundsson skrifar
Skoðun Réttur til endurtektarprófa: Jafnræði í námi fyrir alla stúdenta Vera Mist Magnúsdóttir,Guðlaug Eva Albertsdóttir skrifar
Skoðun Aðför að landsbyggðinni – og tilraun til að slá ryki í augu almennings Ingibjörg Isaksen skrifar
Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson skrifar
Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir skrifar
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun