Martinez varð heimsmeistari með argentínska landsliðinu árið 2022 og mun taka þátt í titilvörn þeirra á Copa America. Það er þó óvíst hvort hann megi taka þátt á Ólympíuleikunum síðar í sumar.
„Ég vil spila á Ólympíuleikunum, en fæ því ekki ráðið sjálfur. Félagið hefur bannað mér það margoft. Ég hef alltaf sett argentínska landsliðið í fyrsta sæti og mun þræta við félagið ef ég þarf. Mikilvægast af öllu er Copa America, svo Ólympíuleikarnir, mig dreymir um gull,“ sagði Martinez í samtali við argentínska fjölmiðilinn TyC Sports.
Aston Villa hefur þegar bannað Lucas Digne og Moussa Diaby að taka þátt á Ólympíuleikunum með franska landsliðinu.
Ólympíuleikarnir í fótbolta verða frá 26. júlí til 9. ágúst. Enska úrvalsdeildin hefst 17. ágúst.
