Greinir á hvort námið hafi verið lagt niður degi eftir banaslys Tómas Arnar Þorláksson skrifar 28. ágúst 2024 11:56 Íris Ragnarsdóttir Pedersen, meðstjórnandi í Félagi fjallaleiðsögumanna og kennari við FAS. Vísir/Vilhelm Kennari í jökla- og fjallaleiðsögn segir að menntamálaráðuneytið hafi tilkynnt Framhaldsskólanum í Austur Skaftafellssýslu (FAS) degi eftir banaslys í íshelli að nám í greininni verði lagt niður um áramótin. Hún segir að menntaðir og reyndir jöklaleiðsögumenn hefðu aldrei farið inn í íshellinn á sunnudaginn. Ráðuneytið hafnar því að hafa lagt til að námið yrði lagt niður. Samkvæmt heimildum fréttastofu voru fjallaleiðsögumennirnir tveir sem störfuðu á Breiðamerkurjökli er banaslys varð á sunnudaginn með afar litla reynslu af jöklaleiðsögn og uppfylltu ekki kröfur Vatnajökulsþjóðgarðar. Íris Ragnarsdóttir Pedersen, meðstjórnandi í Félagi fjallaleiðsögumanna og kennari við FAS, segir að reyndir og vel menntaðir leiðsögumenn hefðu ekki farið inn í íshellinn við þær aðstæður sem voru. Greinir á um hvort að námið hafi verið fellt niður Hún tekur fram að það sé einkar kaldhæðnislegt að tilkynnt hafi verið að fjármagn frá menntamálaráðuneytinu til námsins verði skert degi eftir banaslysið. „Í ljósi atburða síðustu daga langar mig að koma þessu á framfæri. Á sama tíma og ráðherrar tala um að auka öryggi í ferðaþjónustunni og að tryggja eigi öryggi ferðamanna, á að leggja niður eina nám landsins í jökla- og fjallaleiðsögn,“ sagði Íris um málið í Facebook-færslu. Hjalti Andrason, upplýsingafulltrúi hjá mennta- og barnamálaráðuneytinu, segir þessar staðhæfingar Írisar ekki vera réttar. „Við höfum hvorki heimildina til að leggja niður eitthvað nám á vegum framhaldsskóla, þeir taka ákvörðun um það sjálfir, né höfum við lagt það til. Þetta er bara ekki rétt,“ segir hann. Íris sakar ríkisstjórnina um tvískinnung. „Við erum slegin yfir því. Bæði vegna tímasetningu og því að ráðherrar tala um aukið öryggi og aukna fagmennsku í greininni og vilja svo ekki greiða fyrir það að fólk mennti sig í fjalla- og jöklaleiðsögn.“ „Annars heldur þetta villta vestur áfram“ Hún bætir við að það eina sem geti komið í veg fleiri slys í íshellum sé að leiðsögumenn séu menntaðir og með reynslu af greininni til að geta metið aðstæður að hverju sinni. „Til þess að geta haft þá dómgreind þá þarftu að hafa farið í gegnum ákveðna menntun og þarft að vera búinn að vera í þessum bransa í fleiri en nokkrar vikur. Annars tekst þetta ekki og annars heldur þetta villta vestur áfram.“ Annar ísbogi hefði getað hrunið líka Íris er í björgunarsveit á svæðinu og var með þeim fyrstu á vettvang. „Við hlaupum inn í helli og komumst að því að við höfðum farið undir svona ísboga sem við vildum ekki fara undir aftur. Lokum þeim inngangi til að koma í veg fyrir að fleiri fara þar undir. Sá hefði getað hrunið þar samdægurs líka. Þegar við komum á staðinn er einn slasaður og annar látinn og enn þá viðskiptavinir inn í hellinum og auðvitað leiðsögumennirnir í miklu áfalli.“ Hafna því að hafa lagt námið niður Í tilkynningu á vef Stjórnarráðsins áréttar mennta- og barnamálaráðuneytið að ráðuneytið hafi ekki lagt til eða krafist þess að fjallamennskunám Framhaldsskólans í Austur-Skaftafellssýslu (FAS) verði lagt niður. „Mennta- og barnamálaráðuneytið leggur ekki niður nám í framhaldsskólum landsins. Framhaldsskólar taka sjálfir ákvörðun um sitt námsframboð. Ráðuneytið hefur átt samtal við skólann um rekstur hans og rætt leiðir til að tryggja áframhaldandi námsframboð, þ.m.t. á fjallamennskunámi,“ segir í tilkynningunni. Stöðva fjármagn til námsins Frétt uppfærð klukkan 13:43. Vísir hefur reynt að ná sambandi við Lind Völundardóttur, skólameistara FAS, ítrekað í dag án árangurs til að fá á hreint hvort menntamálaráðuneytið eða skólinn sjálfur standi á bak við það að námsbrautin verði lögð niður. Íris segir í samtali við Vísi að í raun sé menntamálaráðuneytið að leggja niður námið með því að skera á fjármagn frá ríkinu til námsbrautarinnar. „Þau segja að við fáum ekki fjármagn til að reka þetta fram yfir áramót, svo hvað er það annað en að leggja það niður? Þetta eru fáránleg vinnubrögð hjá ráðuneytinu. Þau segja bara þið fáið ekki fjármagn til að halda áfram eftir áramót. Bara á þessa námsbraut. Þau eru bara að segja einhver önnur orð en þau eru alveg jafn mikið að leggja það niður ef þau ætla ekki að fjármagna það.“ Spurð hvort að það sé engin leið til að halda náminu áfram þrátt fyrir að menntamálaráðuneytið skeri niður fjármagn til námsins svarar Íris því neitandi. „Skólinn er ríkisrekinn. Í fullu námi sem er 60 einingar er að hámarki hægt að taka 150 þúsund í skólagjöld fyrir árið. Við megum ekki taka hærri skólagjöld og því þurfum við stuðning frá ráðuneytinu því þetta er dýrara nám en hefðbundið bóknám því ég einn kennari get ekki farið með 30 manns á skriðjökul og tryggt að allir séu öruggir. Við verðum að vera með fleiri kennara.“ Vatnajökulsþjóðgarður Ferðamennska á Íslandi Slys á Breiðamerkurjökli Mest lesið Segist hafa tryllst þegar Hafdís hótaði forræðissviptingu Innlent Bein útsending: Páfakjör í Páfagarði Erlent „Hann var með háðslegt glott, þetta var svo lítið mál“ Innlent Sagðir hafa stolið viðkvæmum rannsóknargögnum frá lögreglu og saksóknara Innlent Segjast hafa skotið niður indverskar herþotur Erlent Vilja að ríkisstarfsmenn geti starfað til 73 ára aldurs Innlent Borin út úr Bríetartúni: „Það er búið að ræna mig öllu“ Innlent Moskítóflugur muni koma til Íslands Innlent Auka njósnir og eftirlit á Grænlandi Erlent Efla eftirlit með áfengissölu á íþróttaleikjum Innlent Fleiri fréttir „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Álfurinn í landsliðsbúningi í ár Líflátshótanir í kjölfar veðmála og óttaslegin eftir útburð Sjá meira
Samkvæmt heimildum fréttastofu voru fjallaleiðsögumennirnir tveir sem störfuðu á Breiðamerkurjökli er banaslys varð á sunnudaginn með afar litla reynslu af jöklaleiðsögn og uppfylltu ekki kröfur Vatnajökulsþjóðgarðar. Íris Ragnarsdóttir Pedersen, meðstjórnandi í Félagi fjallaleiðsögumanna og kennari við FAS, segir að reyndir og vel menntaðir leiðsögumenn hefðu ekki farið inn í íshellinn við þær aðstæður sem voru. Greinir á um hvort að námið hafi verið fellt niður Hún tekur fram að það sé einkar kaldhæðnislegt að tilkynnt hafi verið að fjármagn frá menntamálaráðuneytinu til námsins verði skert degi eftir banaslysið. „Í ljósi atburða síðustu daga langar mig að koma þessu á framfæri. Á sama tíma og ráðherrar tala um að auka öryggi í ferðaþjónustunni og að tryggja eigi öryggi ferðamanna, á að leggja niður eina nám landsins í jökla- og fjallaleiðsögn,“ sagði Íris um málið í Facebook-færslu. Hjalti Andrason, upplýsingafulltrúi hjá mennta- og barnamálaráðuneytinu, segir þessar staðhæfingar Írisar ekki vera réttar. „Við höfum hvorki heimildina til að leggja niður eitthvað nám á vegum framhaldsskóla, þeir taka ákvörðun um það sjálfir, né höfum við lagt það til. Þetta er bara ekki rétt,“ segir hann. Íris sakar ríkisstjórnina um tvískinnung. „Við erum slegin yfir því. Bæði vegna tímasetningu og því að ráðherrar tala um aukið öryggi og aukna fagmennsku í greininni og vilja svo ekki greiða fyrir það að fólk mennti sig í fjalla- og jöklaleiðsögn.“ „Annars heldur þetta villta vestur áfram“ Hún bætir við að það eina sem geti komið í veg fleiri slys í íshellum sé að leiðsögumenn séu menntaðir og með reynslu af greininni til að geta metið aðstæður að hverju sinni. „Til þess að geta haft þá dómgreind þá þarftu að hafa farið í gegnum ákveðna menntun og þarft að vera búinn að vera í þessum bransa í fleiri en nokkrar vikur. Annars tekst þetta ekki og annars heldur þetta villta vestur áfram.“ Annar ísbogi hefði getað hrunið líka Íris er í björgunarsveit á svæðinu og var með þeim fyrstu á vettvang. „Við hlaupum inn í helli og komumst að því að við höfðum farið undir svona ísboga sem við vildum ekki fara undir aftur. Lokum þeim inngangi til að koma í veg fyrir að fleiri fara þar undir. Sá hefði getað hrunið þar samdægurs líka. Þegar við komum á staðinn er einn slasaður og annar látinn og enn þá viðskiptavinir inn í hellinum og auðvitað leiðsögumennirnir í miklu áfalli.“ Hafna því að hafa lagt námið niður Í tilkynningu á vef Stjórnarráðsins áréttar mennta- og barnamálaráðuneytið að ráðuneytið hafi ekki lagt til eða krafist þess að fjallamennskunám Framhaldsskólans í Austur-Skaftafellssýslu (FAS) verði lagt niður. „Mennta- og barnamálaráðuneytið leggur ekki niður nám í framhaldsskólum landsins. Framhaldsskólar taka sjálfir ákvörðun um sitt námsframboð. Ráðuneytið hefur átt samtal við skólann um rekstur hans og rætt leiðir til að tryggja áframhaldandi námsframboð, þ.m.t. á fjallamennskunámi,“ segir í tilkynningunni. Stöðva fjármagn til námsins Frétt uppfærð klukkan 13:43. Vísir hefur reynt að ná sambandi við Lind Völundardóttur, skólameistara FAS, ítrekað í dag án árangurs til að fá á hreint hvort menntamálaráðuneytið eða skólinn sjálfur standi á bak við það að námsbrautin verði lögð niður. Íris segir í samtali við Vísi að í raun sé menntamálaráðuneytið að leggja niður námið með því að skera á fjármagn frá ríkinu til námsbrautarinnar. „Þau segja að við fáum ekki fjármagn til að reka þetta fram yfir áramót, svo hvað er það annað en að leggja það niður? Þetta eru fáránleg vinnubrögð hjá ráðuneytinu. Þau segja bara þið fáið ekki fjármagn til að halda áfram eftir áramót. Bara á þessa námsbraut. Þau eru bara að segja einhver önnur orð en þau eru alveg jafn mikið að leggja það niður ef þau ætla ekki að fjármagna það.“ Spurð hvort að það sé engin leið til að halda náminu áfram þrátt fyrir að menntamálaráðuneytið skeri niður fjármagn til námsins svarar Íris því neitandi. „Skólinn er ríkisrekinn. Í fullu námi sem er 60 einingar er að hámarki hægt að taka 150 þúsund í skólagjöld fyrir árið. Við megum ekki taka hærri skólagjöld og því þurfum við stuðning frá ráðuneytinu því þetta er dýrara nám en hefðbundið bóknám því ég einn kennari get ekki farið með 30 manns á skriðjökul og tryggt að allir séu öruggir. Við verðum að vera með fleiri kennara.“
Vatnajökulsþjóðgarður Ferðamennska á Íslandi Slys á Breiðamerkurjökli Mest lesið Segist hafa tryllst þegar Hafdís hótaði forræðissviptingu Innlent Bein útsending: Páfakjör í Páfagarði Erlent „Hann var með háðslegt glott, þetta var svo lítið mál“ Innlent Sagðir hafa stolið viðkvæmum rannsóknargögnum frá lögreglu og saksóknara Innlent Segjast hafa skotið niður indverskar herþotur Erlent Vilja að ríkisstarfsmenn geti starfað til 73 ára aldurs Innlent Borin út úr Bríetartúni: „Það er búið að ræna mig öllu“ Innlent Moskítóflugur muni koma til Íslands Innlent Auka njósnir og eftirlit á Grænlandi Erlent Efla eftirlit með áfengissölu á íþróttaleikjum Innlent Fleiri fréttir „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Álfurinn í landsliðsbúningi í ár Líflátshótanir í kjölfar veðmála og óttaslegin eftir útburð Sjá meira