Siðblindur raðlygari sem sýndi aðra hlið út á við Samúel Karl Ólason skrifar 10. september 2024 10:44 Caroline, Florian og David, börn Dominique og Gisele, segjast vilja heyra föður þeirra útskýra mál sitt. Því vilja þau að réttarhöldunum verði frestað ef hann hafi ekki heilsu til að bera vitni. EPA-EFE/GUILLAUME HORCAJUELO Dominique Pelicot, sem byrlaði eiginkonu sinni ólyfjan og fékk tugi manna til að nauðga henni yfir tíu ára tímabil, átti að bera vitni í dag í réttarhöldunum gegn honum og fimmtíu öðrum mönnum í dag. Það gekk hins vegar ekki eftir, vegna veikinda Pelicots, og verður réttarhöldunum mögulega frestað þar til hann hefur náð sér. Þegar réttarhöldin hófust í Avignon í Frakklandi í morgun sagði Roger Arata, dómari málsins, að sýni hefðu verið tekin úr Pelicot en niðurstöður lægju ekki fyrir. Hann sagðist vera að íhuga að fresta réttarhöldunum í nokkra daga svo Pelicot gæti náð heilsu á ný. Samkvæmt frétt Le Parisien gæti dómarinn tekið ákvörðun um frestun seinna í dag. Pelicot var einungis í tvær mínútur í dómsal í gær á meðan Beatrice Zavarro, lögmaður hans, tilkynnti að hann væri með magakveisu og mögulega sýkingu í þvagfærum. Hann var því ekki í salnum þegar ýmsir sérfræðingar báru vitni í málinu og ræddu þeir þann mann sem Pelicot hefur að geyma og möguleg geðræn vandamál hans. Beatrice Zavarro, lögmaður Dominique Pelicot.EPA/GUILLAUME HORCAJUELO Gisele Pelicot, konan sem brotið var á, styður frestun réttarhaldanna ef Pelicot getur ekki setið í dómsal. Lögmaður hennar segir að hvorki hún né börn þeirra vilji bera vitni án þess að hann sé í salnum. Þá vilja þau einnig heyra hvað hann hefur um ásakanirnar gegn honum að segja. Siðblindur og raðlygari Einn sérfræðinganna sem bar vitni í gær, Dr. Paul Bensussan, sálfræðingur, sagði Pelicot siðblindan og varaði við því að líklega væri lítið mark á yfirlýsingum hans. Hann væri raðlygari og byggi ekki yfir vott af einlægni. Annar sagði Pelicot líta á aðrar manneskjur sem hluti sem hann mætti leika sér að og sagði einni að lítið væri að marka hann vegna ítrekaðra lyga. Hann sagði Pelicot eingöngu segja sannleikann ef hann hefði engra annarra kosta völ. Til marks um það má benda á að Pelicot er einnig sakaður um að hafa reynt að nauðga nítján ára konu árið 1999. Við yfirheyrslur neitaði hann ítrekað að hafa komið að því máli en játaði seinna meir eftir að greining lífsýna bendlaði hann með beinum hætti við árásina. Hann hefur einnig verið ákærður fyrir nauðgun og morð á 23 ára konu árið 1991 en Pelicot neitar því að hafa framið morðið. Sjá einnig: Játar að hafa leyft tugum karla að nauðga konu sinni Þrátt fyrir að honum hafi verið lýst sem siðblindum raðlygara hefur Pelicot tekist að leyna þeirri hlið fyrir fjölskyldu sinni og flestum nágrönnum í áratugi. Gisele sagði í dósmal að hún hefði aldrei heyrt hann tala illa um konur eða jafnvel blóta. Þau höfðu verið gift frá 1973. Áðurnefndir sérfræðingar sögðu Pelicot í raun hafa klofinn persónuleika. Hann hefði skipt sér í tvennt og sýnt umheiminum þá hlið sem hann vildi sýna, samkvæmt frétt Le Monde. Brutu á Gisele yfir áratug Frá 2011 til 2020 er vitað til þess að Pelicot (71) byrlaði Gisele (72) og að minnsta kosti 72 menn nauðguðu henni í að minnsta kosti 92 skipti. Þar að auki nauðgaði hann henni einn oftar en hundrað sinnum. Nauðganirnar myndaði hann og skráði ítarlega á meðan hann hvatti mennina áfram eða tók þátt í því að nauðga þáverandi eiginkonu sinni. Af 51 manni sem hefur verið ákærður, Pelicot þar með talinn, eru átján í haldi en 32 ganga lausir. Einn hefur aldrei fundist. Mennirnir sem hafa verið ákærðir eru frá 26 til 74 ára gamlir. Réttarhöld sem þessi fara yfirleitt fram fyrir luktum dyrum en konan, Gisele, fór fram á opin réttarhöld. Frakkland Kynferðisofbeldi Erlend sakamál Mál Dominique Pélicot Mest lesið Tuttugu og tveir látnir eftir sjálfsmorðsárás í kirkju Erlent Trump hellir sér yfir flokksbróður sinn: „MAGA ætti að losa sig við þennan aumkunarverða aumingja“ Erlent Sjálfboðaliðar að bugast: Mikil örvænting meðal gæludýraeigenda Innlent Sagt að hann gæti ekki klárað námið en gerði það samt Innlent Bíll við bíl frá Ártúnsbrekku upp í Mosfellsbæ Innlent Kjarnavopnvædd klerkastjórn sé ógn við Norðurlönd Innlent Vaktin: Bandaríkin gera árásir á Íran Erlent Hvalfjarðargöng eru lokuð Innlent Vara við því að ölvuðu fólki sé boðið að sitja að sumbli í Lystigarðinum Innlent Álftapar með fjóra unga við Hótel Rangá vekur athygli Innlent Fleiri fréttir Tuttugu og tveir látnir eftir sjálfsmorðsárás í kirkju Trump hellir sér yfir flokksbróður sinn: „MAGA ætti að losa sig við þennan aumkunarverða aumingja“ Tíu Íslendingar í Íran og fjórir í Ísrael Aðdragandinn: Hótanir og árásir á hótanir og árásir ofan Embættis- og ráðamenn tjá sig um árásina Vaktin: Bandaríkin gera árásir á Íran Árás Bandaríkjanna á Íran: „Íran, yfirgangsseggur Miðausturlandanna, verður að boða til friðar“ Bandaríkjamenn gera loftárásir á Íran Átta látnir hið minnsta eftir að kviknaði í loftbelg Ísraelar bíði ekki eftir grænu ljósi Trump Leiðtogi í hvítrússnesku andspyrnuhreyfingunni frjáls Tugir látnir eftir þeir reyndu að sækja sér mat Tilnefna Bandaríkjaforseta til friðarverðlauna Nóbels Óvissu erlendra nemenda tímabundið eytt Aðgerðasinninn látinn laus en Hvíta húsið hyggst brottvísa Hátt í sjö hundruð látist í árásum Ísraela Takmarkið „enn sem komið er“ ekki að steypa klerkastjórninni af stóli Árásir halda áfram meðan fundað er í Genf Hyggst eftirláta á annað hundrað börnum sínum Telegram-auðinn Skrefi nær því að leyfa dauðvona fólki að leita sér dánaraðstoðar Sporvagni ekið inn í matarvagn í Gautaborg Danskur ráðherra kann ekki að meta auglýsingar Meta Hafnar tillögu um að verja fimm prósentum í varnamál Utanríkisráðherrar funda um Íran í Genf Frestar aftur TikTok-banni Kynnti sér mögulegar árásir: „Að klára verkið þýðir að rústa Fordo“ Áhlaup ICE og óvissan veldur vandræðum Farið í gegnum „kolefnisþakið“ eftir þrjú ár Sagði Khamenei „nútíma Hitler“ og að markmiðið sé að fella hann Geimskipið sprakk á jörðu niðri Sjá meira
Þegar réttarhöldin hófust í Avignon í Frakklandi í morgun sagði Roger Arata, dómari málsins, að sýni hefðu verið tekin úr Pelicot en niðurstöður lægju ekki fyrir. Hann sagðist vera að íhuga að fresta réttarhöldunum í nokkra daga svo Pelicot gæti náð heilsu á ný. Samkvæmt frétt Le Parisien gæti dómarinn tekið ákvörðun um frestun seinna í dag. Pelicot var einungis í tvær mínútur í dómsal í gær á meðan Beatrice Zavarro, lögmaður hans, tilkynnti að hann væri með magakveisu og mögulega sýkingu í þvagfærum. Hann var því ekki í salnum þegar ýmsir sérfræðingar báru vitni í málinu og ræddu þeir þann mann sem Pelicot hefur að geyma og möguleg geðræn vandamál hans. Beatrice Zavarro, lögmaður Dominique Pelicot.EPA/GUILLAUME HORCAJUELO Gisele Pelicot, konan sem brotið var á, styður frestun réttarhaldanna ef Pelicot getur ekki setið í dómsal. Lögmaður hennar segir að hvorki hún né börn þeirra vilji bera vitni án þess að hann sé í salnum. Þá vilja þau einnig heyra hvað hann hefur um ásakanirnar gegn honum að segja. Siðblindur og raðlygari Einn sérfræðinganna sem bar vitni í gær, Dr. Paul Bensussan, sálfræðingur, sagði Pelicot siðblindan og varaði við því að líklega væri lítið mark á yfirlýsingum hans. Hann væri raðlygari og byggi ekki yfir vott af einlægni. Annar sagði Pelicot líta á aðrar manneskjur sem hluti sem hann mætti leika sér að og sagði einni að lítið væri að marka hann vegna ítrekaðra lyga. Hann sagði Pelicot eingöngu segja sannleikann ef hann hefði engra annarra kosta völ. Til marks um það má benda á að Pelicot er einnig sakaður um að hafa reynt að nauðga nítján ára konu árið 1999. Við yfirheyrslur neitaði hann ítrekað að hafa komið að því máli en játaði seinna meir eftir að greining lífsýna bendlaði hann með beinum hætti við árásina. Hann hefur einnig verið ákærður fyrir nauðgun og morð á 23 ára konu árið 1991 en Pelicot neitar því að hafa framið morðið. Sjá einnig: Játar að hafa leyft tugum karla að nauðga konu sinni Þrátt fyrir að honum hafi verið lýst sem siðblindum raðlygara hefur Pelicot tekist að leyna þeirri hlið fyrir fjölskyldu sinni og flestum nágrönnum í áratugi. Gisele sagði í dósmal að hún hefði aldrei heyrt hann tala illa um konur eða jafnvel blóta. Þau höfðu verið gift frá 1973. Áðurnefndir sérfræðingar sögðu Pelicot í raun hafa klofinn persónuleika. Hann hefði skipt sér í tvennt og sýnt umheiminum þá hlið sem hann vildi sýna, samkvæmt frétt Le Monde. Brutu á Gisele yfir áratug Frá 2011 til 2020 er vitað til þess að Pelicot (71) byrlaði Gisele (72) og að minnsta kosti 72 menn nauðguðu henni í að minnsta kosti 92 skipti. Þar að auki nauðgaði hann henni einn oftar en hundrað sinnum. Nauðganirnar myndaði hann og skráði ítarlega á meðan hann hvatti mennina áfram eða tók þátt í því að nauðga þáverandi eiginkonu sinni. Af 51 manni sem hefur verið ákærður, Pelicot þar með talinn, eru átján í haldi en 32 ganga lausir. Einn hefur aldrei fundist. Mennirnir sem hafa verið ákærðir eru frá 26 til 74 ára gamlir. Réttarhöld sem þessi fara yfirleitt fram fyrir luktum dyrum en konan, Gisele, fór fram á opin réttarhöld.
Frakkland Kynferðisofbeldi Erlend sakamál Mál Dominique Pélicot Mest lesið Tuttugu og tveir látnir eftir sjálfsmorðsárás í kirkju Erlent Trump hellir sér yfir flokksbróður sinn: „MAGA ætti að losa sig við þennan aumkunarverða aumingja“ Erlent Sjálfboðaliðar að bugast: Mikil örvænting meðal gæludýraeigenda Innlent Sagt að hann gæti ekki klárað námið en gerði það samt Innlent Bíll við bíl frá Ártúnsbrekku upp í Mosfellsbæ Innlent Kjarnavopnvædd klerkastjórn sé ógn við Norðurlönd Innlent Vaktin: Bandaríkin gera árásir á Íran Erlent Hvalfjarðargöng eru lokuð Innlent Vara við því að ölvuðu fólki sé boðið að sitja að sumbli í Lystigarðinum Innlent Álftapar með fjóra unga við Hótel Rangá vekur athygli Innlent Fleiri fréttir Tuttugu og tveir látnir eftir sjálfsmorðsárás í kirkju Trump hellir sér yfir flokksbróður sinn: „MAGA ætti að losa sig við þennan aumkunarverða aumingja“ Tíu Íslendingar í Íran og fjórir í Ísrael Aðdragandinn: Hótanir og árásir á hótanir og árásir ofan Embættis- og ráðamenn tjá sig um árásina Vaktin: Bandaríkin gera árásir á Íran Árás Bandaríkjanna á Íran: „Íran, yfirgangsseggur Miðausturlandanna, verður að boða til friðar“ Bandaríkjamenn gera loftárásir á Íran Átta látnir hið minnsta eftir að kviknaði í loftbelg Ísraelar bíði ekki eftir grænu ljósi Trump Leiðtogi í hvítrússnesku andspyrnuhreyfingunni frjáls Tugir látnir eftir þeir reyndu að sækja sér mat Tilnefna Bandaríkjaforseta til friðarverðlauna Nóbels Óvissu erlendra nemenda tímabundið eytt Aðgerðasinninn látinn laus en Hvíta húsið hyggst brottvísa Hátt í sjö hundruð látist í árásum Ísraela Takmarkið „enn sem komið er“ ekki að steypa klerkastjórninni af stóli Árásir halda áfram meðan fundað er í Genf Hyggst eftirláta á annað hundrað börnum sínum Telegram-auðinn Skrefi nær því að leyfa dauðvona fólki að leita sér dánaraðstoðar Sporvagni ekið inn í matarvagn í Gautaborg Danskur ráðherra kann ekki að meta auglýsingar Meta Hafnar tillögu um að verja fimm prósentum í varnamál Utanríkisráðherrar funda um Íran í Genf Frestar aftur TikTok-banni Kynnti sér mögulegar árásir: „Að klára verkið þýðir að rústa Fordo“ Áhlaup ICE og óvissan veldur vandræðum Farið í gegnum „kolefnisþakið“ eftir þrjú ár Sagði Khamenei „nútíma Hitler“ og að markmiðið sé að fella hann Geimskipið sprakk á jörðu niðri Sjá meira
Trump hellir sér yfir flokksbróður sinn: „MAGA ætti að losa sig við þennan aumkunarverða aumingja“ Erlent
Trump hellir sér yfir flokksbróður sinn: „MAGA ætti að losa sig við þennan aumkunarverða aumingja“ Erlent