„Það er ódýrast og best og fljótlegast að kála þessum dýrum“ Hólmfríður Gísladóttir skrifar 20. september 2024 10:44 Jón segir fjármögnun ætti að vera auðvelda, það sem skorti sé vilji og áhugi. „Ég hef vakið athygli á þessu eiginlega í hvert einasta skipti sem þetta kemur upp, það er að segja að bjarndýr þvælist hingað. Sem gerist endrum og sinnum, öðru hvoru, og hefur gerst í gegnum söguna.“ Þetta segir Jón Gnarr, listamaður og fyrrverandi borgarstjóri og forsetaframbjóðandi, sem er áhugasamur um að leitað verði annarra leiða til að taka á móti bjarndýrum hér á landi en með því að skjóta þau. „Þetta eru merkilegar skepnur,“ sagði Jón í samtali við Bítið á Bylgjunni í morgun. „Þetta eru tignarleg dýr og þetta er stærsta bjarnartegundin og þetta er stærsta landdýrið á norðurhveli jarðar. Og ég hef talað fyrir því og bent á það að þetta er dýr sem er skilgreint í „viðkvæmri stöðu“, sem er næsta stig við að vera í útrýmingarhættu.“ Jón segir ógnina felast í breytingum á náttúrulegum heimkynnum ísbjarnarins, aðallega vegna hlýnunar. Hann kallar eftir því að menn „hittist og ræði“ hvort hægt sé að grípa til annarra úrræða en að skjóta dýrin. Sjálfur hefur hann varpað fram hugmynd á Facebook um „The Icelandic Polar Bear Project“; stórt og afgirt svæði, til að mynda við Drangjökul, þangað sem dýrin yrðu flutt og gefið gott líf. „The Icelandic Polar Bear Project fengi vafalaust mikla umfjöllun í erlendum fjölmiðlum og myndi laða að fjölda gesta. Á Ísafirði mætti reisa Setur um hvítabirni. Ég er viss um að þetta yrði atvinnuskapandi og jákvæð lyftistöng,“ segir Jón í færslunni. Þá bætir hann við í annarri færslu að það sé rangt að hvítabjörnin sé ekki í útrýmingarhættu. „Hann telst til viðkvæmra tegunda sem er næsta stig við útrýmingarhættu, Viðkvæmar tegundir eru þær tegundir sem eru líklegar til að lenda í hættu á útdauða ef aðstæður breytast ekki. Viðkvæm tegund er flokkur í flokkunarkerfi Alþjóðlegu náttúruverndarsamtakanna IUCN.“ Jón bendir meðal annars á að ekki sé skortur á landrými á Íslandi. „Ég hef alveg séð, þó að margir hjá lögreglunni og forsvarsmenn sem eru í því að fella þessi dýr segi að það sé ómögulegt, að það sé algjörlega ómögulegt að ná svona dýrum lifandi, þá veit ég að það er ekki rétt. Vegna þess að ég hef horft á það mikið af náttúrulífsþáttum þar sem fólk keyrir um á Land Rover Defender og skýtur fíla með pílum í rassinn og þeir sofna. Og það er verið að skoða tannskemmdir hjá þeim og svona. Þú veist, ég veit alveg að þetta er hægt,“ segir Jón. „Það þarf bara ákveðinn útbúnað og þjálfun til að gera þetta.“ Jón segir hvítabjörnin njóta vaxandi velvildar í heiminum og fólki sé umhugað um örlög hans. Hann sé enda orðin táknmynd fyrir bráðnun jökla. Þannig ætti ekki að verða stórt vandamál að fjármagna verkefni af þessu tagi, til að mynda með alþjóðlegum fjárframlögum frá sjóðum og einstaklingum. Íslendingar hafi fyrri reynslu af því að halda villtum dýrum, til að mynda Keikó. „Í þessu felast tækifæri til atvinnusköpunar, í tengslum við ferðamennsku og rannsókna til dæmis.“ Jón, sem lofaði ísbirni í Húsdýragarðinn fyrir borgarstjórnarkosningarnar 2010, segir fyrst og fremst skorta vilja og áhuga. „Það er ódýrast og best og fljótlegast að kála þessum dýrum. Það kostar minnst. Og hitt er vesen sem krefst úfærslu og lausna. Og ég held að það væri alveg hægt að gera það. Ef næsti hvítabjörn sem kemur til landsins, ef hann væri fangaður, fluttur til dæmis í eitthvert gerði, til dæmis með rafmagnsgirðingu eða einhvers konar girðingu sem dýrið gæti ekki komist út úr, alveg örugglega, og við myndum lýsa því yfir alþjóðlega að við værum hætt að drepa þessi blessuðu dýr þegar þau koma hingað, taka frekar á móti þeim...“ Jón segir vitað að „heimaríkin“ vilji ekki taka við dýrunum en hér væri hægt að nefna dýrið, til dæmis Laufeyju ef það væri kvenkyns, og vekja þannig athygli. Hann bendir á dæmi, hvítabjörnin Knút, sem fæddist í dýragarðinum í Berlín árið 2006 og naut mikilla vinsælda áður en hann drapst 2011. Það sé hins vegar grunnt á fordómum og ótta í garð villtra dýra og nefnir „hysteríu“ gagnvart geitungum og kóngulóm. „Það þarf einhverja sérútbúna menn hérna með einhverja eiturkúta og við lokum börnin okkar inni og skjálfum af ótta þegar við sjáum kónguló hangandi utan á húsinu okkar. Þetta er svo mikil della. Og fjölmiðlar því miður ala oft á þessu. Eins og það sé einhver raunverulega ástæða til að vera skelfingu lostinn, sem er í undantekingatilvikum.“ Hvítabirnir Dýr Dýraheilbrigði Dýragarðar Mest lesið Segist hafa tryllst þegar Hafdís hótaði forræðissviptingu Innlent Bein útsending: Páfakjör í Páfagarði Erlent „Hann var með háðslegt glott, þetta var svo lítið mál“ Innlent Sagðir hafa stolið viðkvæmum rannsóknargögnum frá lögreglu og saksóknara Innlent Til skoðunar hvort hægt sé að innheimta leigu beint af tekjum Innlent Efla eftirlit með áfengissölu á íþróttaleikjum Innlent Borin út úr Bríetartúni: „Það er búið að ræna mig öllu“ Innlent Vilja að ríkisstarfsmenn geti starfað til 73 ára aldurs Innlent „Íslenskir bankar eru með belti, axlabönd, sikrisnælur og hjálma“ Innlent Segjast hafa skotið niður indverskar herþotur Erlent Fleiri fréttir Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Sjá meira
Þetta segir Jón Gnarr, listamaður og fyrrverandi borgarstjóri og forsetaframbjóðandi, sem er áhugasamur um að leitað verði annarra leiða til að taka á móti bjarndýrum hér á landi en með því að skjóta þau. „Þetta eru merkilegar skepnur,“ sagði Jón í samtali við Bítið á Bylgjunni í morgun. „Þetta eru tignarleg dýr og þetta er stærsta bjarnartegundin og þetta er stærsta landdýrið á norðurhveli jarðar. Og ég hef talað fyrir því og bent á það að þetta er dýr sem er skilgreint í „viðkvæmri stöðu“, sem er næsta stig við að vera í útrýmingarhættu.“ Jón segir ógnina felast í breytingum á náttúrulegum heimkynnum ísbjarnarins, aðallega vegna hlýnunar. Hann kallar eftir því að menn „hittist og ræði“ hvort hægt sé að grípa til annarra úrræða en að skjóta dýrin. Sjálfur hefur hann varpað fram hugmynd á Facebook um „The Icelandic Polar Bear Project“; stórt og afgirt svæði, til að mynda við Drangjökul, þangað sem dýrin yrðu flutt og gefið gott líf. „The Icelandic Polar Bear Project fengi vafalaust mikla umfjöllun í erlendum fjölmiðlum og myndi laða að fjölda gesta. Á Ísafirði mætti reisa Setur um hvítabirni. Ég er viss um að þetta yrði atvinnuskapandi og jákvæð lyftistöng,“ segir Jón í færslunni. Þá bætir hann við í annarri færslu að það sé rangt að hvítabjörnin sé ekki í útrýmingarhættu. „Hann telst til viðkvæmra tegunda sem er næsta stig við útrýmingarhættu, Viðkvæmar tegundir eru þær tegundir sem eru líklegar til að lenda í hættu á útdauða ef aðstæður breytast ekki. Viðkvæm tegund er flokkur í flokkunarkerfi Alþjóðlegu náttúruverndarsamtakanna IUCN.“ Jón bendir meðal annars á að ekki sé skortur á landrými á Íslandi. „Ég hef alveg séð, þó að margir hjá lögreglunni og forsvarsmenn sem eru í því að fella þessi dýr segi að það sé ómögulegt, að það sé algjörlega ómögulegt að ná svona dýrum lifandi, þá veit ég að það er ekki rétt. Vegna þess að ég hef horft á það mikið af náttúrulífsþáttum þar sem fólk keyrir um á Land Rover Defender og skýtur fíla með pílum í rassinn og þeir sofna. Og það er verið að skoða tannskemmdir hjá þeim og svona. Þú veist, ég veit alveg að þetta er hægt,“ segir Jón. „Það þarf bara ákveðinn útbúnað og þjálfun til að gera þetta.“ Jón segir hvítabjörnin njóta vaxandi velvildar í heiminum og fólki sé umhugað um örlög hans. Hann sé enda orðin táknmynd fyrir bráðnun jökla. Þannig ætti ekki að verða stórt vandamál að fjármagna verkefni af þessu tagi, til að mynda með alþjóðlegum fjárframlögum frá sjóðum og einstaklingum. Íslendingar hafi fyrri reynslu af því að halda villtum dýrum, til að mynda Keikó. „Í þessu felast tækifæri til atvinnusköpunar, í tengslum við ferðamennsku og rannsókna til dæmis.“ Jón, sem lofaði ísbirni í Húsdýragarðinn fyrir borgarstjórnarkosningarnar 2010, segir fyrst og fremst skorta vilja og áhuga. „Það er ódýrast og best og fljótlegast að kála þessum dýrum. Það kostar minnst. Og hitt er vesen sem krefst úfærslu og lausna. Og ég held að það væri alveg hægt að gera það. Ef næsti hvítabjörn sem kemur til landsins, ef hann væri fangaður, fluttur til dæmis í eitthvert gerði, til dæmis með rafmagnsgirðingu eða einhvers konar girðingu sem dýrið gæti ekki komist út úr, alveg örugglega, og við myndum lýsa því yfir alþjóðlega að við værum hætt að drepa þessi blessuðu dýr þegar þau koma hingað, taka frekar á móti þeim...“ Jón segir vitað að „heimaríkin“ vilji ekki taka við dýrunum en hér væri hægt að nefna dýrið, til dæmis Laufeyju ef það væri kvenkyns, og vekja þannig athygli. Hann bendir á dæmi, hvítabjörnin Knút, sem fæddist í dýragarðinum í Berlín árið 2006 og naut mikilla vinsælda áður en hann drapst 2011. Það sé hins vegar grunnt á fordómum og ótta í garð villtra dýra og nefnir „hysteríu“ gagnvart geitungum og kóngulóm. „Það þarf einhverja sérútbúna menn hérna með einhverja eiturkúta og við lokum börnin okkar inni og skjálfum af ótta þegar við sjáum kónguló hangandi utan á húsinu okkar. Þetta er svo mikil della. Og fjölmiðlar því miður ala oft á þessu. Eins og það sé einhver raunverulega ástæða til að vera skelfingu lostinn, sem er í undantekingatilvikum.“
Hvítabirnir Dýr Dýraheilbrigði Dýragarðar Mest lesið Segist hafa tryllst þegar Hafdís hótaði forræðissviptingu Innlent Bein útsending: Páfakjör í Páfagarði Erlent „Hann var með háðslegt glott, þetta var svo lítið mál“ Innlent Sagðir hafa stolið viðkvæmum rannsóknargögnum frá lögreglu og saksóknara Innlent Til skoðunar hvort hægt sé að innheimta leigu beint af tekjum Innlent Efla eftirlit með áfengissölu á íþróttaleikjum Innlent Borin út úr Bríetartúni: „Það er búið að ræna mig öllu“ Innlent Vilja að ríkisstarfsmenn geti starfað til 73 ára aldurs Innlent „Íslenskir bankar eru með belti, axlabönd, sikrisnælur og hjálma“ Innlent Segjast hafa skotið niður indverskar herþotur Erlent Fleiri fréttir Hafi verið rangkynjuð oftar en hún geti talið og segir transfóbíu bitna á öllum „Þetta er mál sem varðar ekki einungis kaþólsku kirkjuna“ „Íslenskir bankar eru með belti, axlabönd, sikrisnælur og hjálma“ „Þetta er svona eitraður kokteill” Til skoðunar hvort hægt sé að innheimta leigu beint af tekjum Hefur áhyggjur af því að Amgen „gleypi Íslenska erfðagreiningu og spýti því út“ Efla eftirlit með áfengissölu á íþróttaleikjum Páfaspenna, drykkjulæti og umdeildur útburður „Hann var með háðslegt glott, þetta var svo lítið mál“ Skora á stjórnvöld að skoða áhrifin af hærra veiðigjaldi á Vestfirði Konan í gæsluvarðhaldi í mánuð til viðbótar Sagðir hafa stolið viðkvæmum rannsóknargögnum frá lögreglu og saksóknara Bein útsending: Staða ungs fatlaðs fólks á húsnæðis- og leigumarkaði Segist hafa tryllst þegar Hafdís hótaði forræðissviptingu Ekkert sem bendi til málþófs um veiðigjöld Þeir sem gangi inn sem páfaefni gangi út sem kardinálar Skorað á Ísraela og átök hafin milli Indlands og Pakistans Ekki hægt að renna sér í Lágafellslaug næstu vikuna Rekstur Reykjanesbæjar fram úr vonum vegna hærri útsvarstekna Veiðigjöldin enn rædd en þó ekki á dagskrá í dag Sex evrópskir utanríkisráðherrar skora á Ísrael Stútur á 106 þar sem hámarkshraði var sextíu Vilja að ríkisstarfsmenn geti starfað til 73 ára aldurs Alþingi hafi mistekist að tryggja þjóðinni eðlilegan hlut Boða sprengingar við Hvammsvirkjun í allt sumar Moskítóflugur muni koma til Íslands Áberandi ráðamenn „keppist við að hnykla vöðva sína, beita hótunum og þvingunum“ Ekki inni í myndinni að fyrirkomulag hvalveiða haldist óbreytt Fékk rætin skilaboð vegna veðmála eftir að hafa klikkað á vítum Borin út úr Bríetartúni: „Það er búið að ræna mig öllu“ Sjá meira