Máttur orðanna: Breyting á orðavali getur breytt hugarfarinu Ingrid Kuhlman skrifar 6. nóvember 2024 08:03 Orðin sem við veljum til að lýsa upplifunum og tilfinningum eru ekki bara verkfæri til samskipta; þau móta einnig hvernig við skynjum og túlkum heiminn í kringum okkur. Orð geta verið uppörvandi og styrkjandi; þau geta veitt okkur innblástur og hvatningu. Á hinn bóginn geta neikvæð orð haft djúpstæð og jafnvel skaðleg áhrif, allt frá því að veikja sjálfsmyndina til þess að hafa bein áhrif á heilastarfsemina. Neikvæð orð geta sem dæmi örvað framleiðslu stresshormóna eins og kortisóls. Þess vegna er afar mikilvægt að við séum meðvituð um orðaval okkar, ekki bara í samskiptum við aðra heldur líka við okkur sjálf. Hér fyrir neðan eru nokkrir lykilþættir er varða orðaval. Vertu meðvitaður um hvernig þú lýsir neikvæðum tilfinningum Orðin sem við notum til að lýsa neikvæðum tilfinningum hafa mikil áhrif á það hvernig við upplifum þær og vinnum úr þeim. Að segja „Ég er gjörsamlega uppgefinn“ hefur sem dæmi neikvæðari undirtón en að segja „Ég er dálítið þreyttur, ég þarf smá hvíld“. Neikvæð orð hafa tilhneigingu til að magnast í huganum og geta haft neikvæð áhrif á sjálfsmyndina. Því er mikilvægt að vanda orðavalið. Notaðu „ekki enn þá“ Þegar við stöndum frammi fyrir áskorunum eða erum að vinna að markmiðum okkar er mikilvægt að viðhalda bjartsýni. Ein einföld en áhrifarik aðferð er að breyta orðavalinu. Í stað þess að segja „Ég get ekki lært þetta“ mætti segja „Ég hef ekki lært þetta enn þá“. Þessi breyting í orðanotkun gefur til kynna að þú sért að reyna og ætlar að halda áfram að bæta færni þína. Með þessu orðalagi verður áskorunin að tækifæri til vaxtar, frekar en óyfirstíganleg hindrun. Aðskildu persónuna frá gjörðum þínum Þegar við notum orð eins og „heimsk“ eða „löt“ til að lýsa okkur sjálfum, getur það haft neikvæð áhrif á sjálfsmyndina. Mikilvægt er að forðast að líta á mistök sem persónulegan galla. Í stað þess að segja „Ég er vonlaus forritari“, gætir þú sagt „Mér tókst ekki að leysa þetta forritunarverkefni“. Með þessari orðabreytingu gerir þú greinarmun á gjörðum þínum og sjálfsmynd þinni, sem hjálpar þér að viðhalda jákvæðara sjálfsmati. Skiptu út skyldu fyrir tækifæri Orðaval okkar getur haft áhrif á hvernig við upplifum skyldur og tækifæri. Sem dæmi er munur á því að þurfa að mæta í ræktina og að ætla að mæta í ræktina. Orðið „þurfa“ getur ýtt undir tilfinningu um þvingum eða kvöð, en þegar við segjum að við „ætlum“ eða „fáum“ að gera eitthvað, er áherslan á val og tækifæri. Þetta breytta orðaval getur hjálpað okkur við að sjá verkefni í jákvæðara ljósi og gera þau meira spennandi. Hættu að bera þig saman við aðra Samanburður við aðra getur leitt til óþarfa neikvæðni og óánægju með sjálfan sig. Til að viðhalda vellíðan og efla sjálfstraust er mikilvægt að forðast óhollan samanburð. Í stað þess að hugsa, „Hún er betri en ég“ er gagnlegt að spyrja sjálfan sig: „Hvernig get ég orðið besta útgáfan af mér?“ Með þessu móti leggur þú áherslu á eigin þróun og vöxt í stað þess að eyða orku í óraunhæfan samanburð við aðra. Endurskilgreindu veikleika þína Við höfum öll veikleika, en með því að sjá þá sem tækifæri til vaxtar getum við umbreytt þeim í styrkleika. Ef við lítum sem dæmi á „þrjósku“ sem „ákveðni“ sjáum við einstakling með vilja og getu til að standa fast á sinni sannfæringu. Að vera „tilfinningaríkur“ er stundum verið álitinn veikleiki, en hægt er að endurskilgreina það sem „tilfinningalegt næmi“ eða „að standa ekki á sama“. Þetta eru dýrmætir eiginleikar í störfum og aðstæðum sem krefjast góðra samskipta og innsæis. Með því að endurskilgreina veikleika okkar getum við nýtt þá sem verkfæri til að styrkja okkur. Viðurkenndu áskoranir án þess að gefast upp Að segja „Þetta er of erfitt“ getur skapað þá tilfinningu að við séum ófær um að leysa verkefnið. Með því að breytum orðavalínu í „Þetta gæti tekið smá tíma“, opnum við fyrir þrautseigju og möguleika. Slík orðanotkun viðurkennir að þótt verkefnið sé krefjandi, þá sé það yfirstíganlegt með tíma og þolinmæði. Forðastu orðalagið "Ég er bara…" Orðalagið “Ég er bara...“ gefur í skyn að við metum framlag okkar og hæfileika minna en ástæða er til. Í stað þess að kalla sig „bara heimavinnandi húsmóður“ gæti verið áhrifaríkara að segja „framkvæmdastjóri heimilisins“. Þetta orðalag dregur fram mikilvægi hlutverksins og sýnir hvernig valin orð geta speglað sjálfsvirðingu og virðingu fyrir þeim verkefnum sem þú sinnir. Breytum hugsun og hegðun með orðavali Breytingar á orðavali geta haft veruleg áhrif á hugarfarið og eru einföld en öflug leið til að hvetja til jákvæðari hugsunar og hegðunar. Með því að velja orð sem stuðla að vexti og jákvæðni, getum við breytt því hvernig við hugsum um áskoranir og tækifæri, og jafnframt haft jákvæð áhrif á hegðun okkar í daglegu lífi. Höfundur er leiðbeinandi og ráðgjafi hjá Þekkingarmiðlun og með meistaragráðu í jákvæðri sálfræði. Viltu birta grein á Vísi? Sendu okkur póst. Senda grein Ingrid Kuhlman Mest lesið Krafan sem kvennahreyfingin gleymdi Guðmundur Ingi Þóroddsson Skoðun Samstaða - afl sem breytir samfélaginu Heiða Björg Hilmarsdóttir Skoðun Við erum ekki eign annarra! Anna Lizzy Wichmann Skoðun Börn geta ekki beðið – krefjumst tafarlausra aðgerða! Elín H. Hinriksdóttir,Bóas Valdórsson,Árný Ingvarsdóttir,,Anna Lára Steindal,Alma Ýr Ingólfsdóttir Skoðun Afglæpavæðing veðmála Gunnar Pétur Haraldsson Skoðun Gleðilegan kvennafrídag og gleðilegt kvennaár Helena Hafþórsdóttir O’Connor Skoðun Þjónn, það er bakslag í beinasoðinu mínu Hlédís Maren Guðmundsdóttir Skoðun Enn er verk að vinna – upprætum ofbeldi á vinnustöðum Brynhildur Heiðar- og Ómarsdóttir Skoðun Sterkara námslánakerfi – raunveruleg framför fyrir námsmenn París Anna Bergmann,Sigurður Kári Harðarson Skoðun Hvað er svona merkilegt við það? Hópur starfsfólks Jafnlaunastofu Skoðun Skoðun Skoðun Íslenskur her og íslensk leyniþjónusta Steingrímur Jónsson skrifar Skoðun Er jafnrétti fyrir allar? Anna Bergþórsdóttir skrifar Skoðun Ættu konur að fara í háskólanám? Lísa Margrét Gunnarsdóttir,Íris Björk Ágústsdóttir skrifar Skoðun Enn einn dagur í baráttunni Ásta F. Flosadóttir skrifar Skoðun Verðmætasköpunarlaust haust Jón Gunnarsson skrifar Skoðun Enginn grunnur fyrir nýju starfsleyfi Ísteka Rósa Líf Darradóttir,Guðrún Scheving Thorsteinsson skrifar Skoðun Krafan sem kvennahreyfingin gleymdi Guðmundur Ingi Þóroddsson skrifar Skoðun Börn geta ekki beðið – krefjumst tafarlausra aðgerða! Elín H. Hinriksdóttir,Bóas Valdórsson,Árný Ingvarsdóttir,,Anna Lára Steindal,Alma Ýr Ingólfsdóttir skrifar Skoðun Einfaldar lausnir á vaxtamálavanda bankanna Guðmundur Ásgeirsson skrifar Skoðun Sættum okkur ekki við óbreytt ástand - tillögur Sjálfstæðisflokksins um úrbætur Diljá Mist Einarsdóttir skrifar Skoðun Hvað er sköpun í skólastarfi? Bryngeir Valdimarsson skrifar Skoðun Afglæpavæðing veðmála Gunnar Pétur Haraldsson skrifar Skoðun Gleðilegan kvennafrídag og gleðilegt kvennaár Helena Hafþórsdóttir O’Connor skrifar Skoðun Sterkara námslánakerfi – raunveruleg framför fyrir námsmenn París Anna Bergmann,Sigurður Kári Harðarson skrifar Skoðun Konur Íslands og alþjóðakerfið í takt Þorgerður Katrín Gunnarsdóttir skrifar Skoðun Hvað er svona merkilegt við það? Hópur starfsfólks Jafnlaunastofu skrifar Skoðun Við erum ekki eign annarra! Anna Lizzy Wichmann skrifar Skoðun Sameinuðu þjóðirnar 80 ára: Framtíðin er okkar Eva Harðardóttir skrifar Skoðun Til hamingju með 24. október Þorbjörg S. Gunnlaugsdóttir skrifar Skoðun Enn er verk að vinna – upprætum ofbeldi á vinnustöðum Brynhildur Heiðar- og Ómarsdóttir skrifar Skoðun Samstaða - afl sem breytir samfélaginu Heiða Björg Hilmarsdóttir skrifar Skoðun Einu sinni enn Álfhildur Leifsdóttir,Hólmfríður Jennýjar Árnadóttir skrifar Skoðun Skuggahliðar á þéttingu byggðar Þórarinn Hjaltason skrifar Skoðun Er ofbeldi gagnvart eldri borgurum vandamál á Íslandi? Björn Snæbjörnsson,Sigurður Ágúst Sigurðsson skrifar Skoðun Jöfn skipting skulda og eigna í sambúð Sævar Þór Jónsson skrifar Skoðun Samstaða - afl sem breytir samfélaginu Heiða Björg Hilmarsdóttir skrifar Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson skrifar Skoðun Ólögleg veðmálastarfsemi á Íslandi Hákon Skúlason skrifar Skoðun Bætum fleiri stólum við borðið Ingibjörg Lilja Þórmundsdóttir skrifar Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar Sjá meira
Orðin sem við veljum til að lýsa upplifunum og tilfinningum eru ekki bara verkfæri til samskipta; þau móta einnig hvernig við skynjum og túlkum heiminn í kringum okkur. Orð geta verið uppörvandi og styrkjandi; þau geta veitt okkur innblástur og hvatningu. Á hinn bóginn geta neikvæð orð haft djúpstæð og jafnvel skaðleg áhrif, allt frá því að veikja sjálfsmyndina til þess að hafa bein áhrif á heilastarfsemina. Neikvæð orð geta sem dæmi örvað framleiðslu stresshormóna eins og kortisóls. Þess vegna er afar mikilvægt að við séum meðvituð um orðaval okkar, ekki bara í samskiptum við aðra heldur líka við okkur sjálf. Hér fyrir neðan eru nokkrir lykilþættir er varða orðaval. Vertu meðvitaður um hvernig þú lýsir neikvæðum tilfinningum Orðin sem við notum til að lýsa neikvæðum tilfinningum hafa mikil áhrif á það hvernig við upplifum þær og vinnum úr þeim. Að segja „Ég er gjörsamlega uppgefinn“ hefur sem dæmi neikvæðari undirtón en að segja „Ég er dálítið þreyttur, ég þarf smá hvíld“. Neikvæð orð hafa tilhneigingu til að magnast í huganum og geta haft neikvæð áhrif á sjálfsmyndina. Því er mikilvægt að vanda orðavalið. Notaðu „ekki enn þá“ Þegar við stöndum frammi fyrir áskorunum eða erum að vinna að markmiðum okkar er mikilvægt að viðhalda bjartsýni. Ein einföld en áhrifarik aðferð er að breyta orðavalinu. Í stað þess að segja „Ég get ekki lært þetta“ mætti segja „Ég hef ekki lært þetta enn þá“. Þessi breyting í orðanotkun gefur til kynna að þú sért að reyna og ætlar að halda áfram að bæta færni þína. Með þessu orðalagi verður áskorunin að tækifæri til vaxtar, frekar en óyfirstíganleg hindrun. Aðskildu persónuna frá gjörðum þínum Þegar við notum orð eins og „heimsk“ eða „löt“ til að lýsa okkur sjálfum, getur það haft neikvæð áhrif á sjálfsmyndina. Mikilvægt er að forðast að líta á mistök sem persónulegan galla. Í stað þess að segja „Ég er vonlaus forritari“, gætir þú sagt „Mér tókst ekki að leysa þetta forritunarverkefni“. Með þessari orðabreytingu gerir þú greinarmun á gjörðum þínum og sjálfsmynd þinni, sem hjálpar þér að viðhalda jákvæðara sjálfsmati. Skiptu út skyldu fyrir tækifæri Orðaval okkar getur haft áhrif á hvernig við upplifum skyldur og tækifæri. Sem dæmi er munur á því að þurfa að mæta í ræktina og að ætla að mæta í ræktina. Orðið „þurfa“ getur ýtt undir tilfinningu um þvingum eða kvöð, en þegar við segjum að við „ætlum“ eða „fáum“ að gera eitthvað, er áherslan á val og tækifæri. Þetta breytta orðaval getur hjálpað okkur við að sjá verkefni í jákvæðara ljósi og gera þau meira spennandi. Hættu að bera þig saman við aðra Samanburður við aðra getur leitt til óþarfa neikvæðni og óánægju með sjálfan sig. Til að viðhalda vellíðan og efla sjálfstraust er mikilvægt að forðast óhollan samanburð. Í stað þess að hugsa, „Hún er betri en ég“ er gagnlegt að spyrja sjálfan sig: „Hvernig get ég orðið besta útgáfan af mér?“ Með þessu móti leggur þú áherslu á eigin þróun og vöxt í stað þess að eyða orku í óraunhæfan samanburð við aðra. Endurskilgreindu veikleika þína Við höfum öll veikleika, en með því að sjá þá sem tækifæri til vaxtar getum við umbreytt þeim í styrkleika. Ef við lítum sem dæmi á „þrjósku“ sem „ákveðni“ sjáum við einstakling með vilja og getu til að standa fast á sinni sannfæringu. Að vera „tilfinningaríkur“ er stundum verið álitinn veikleiki, en hægt er að endurskilgreina það sem „tilfinningalegt næmi“ eða „að standa ekki á sama“. Þetta eru dýrmætir eiginleikar í störfum og aðstæðum sem krefjast góðra samskipta og innsæis. Með því að endurskilgreina veikleika okkar getum við nýtt þá sem verkfæri til að styrkja okkur. Viðurkenndu áskoranir án þess að gefast upp Að segja „Þetta er of erfitt“ getur skapað þá tilfinningu að við séum ófær um að leysa verkefnið. Með því að breytum orðavalínu í „Þetta gæti tekið smá tíma“, opnum við fyrir þrautseigju og möguleika. Slík orðanotkun viðurkennir að þótt verkefnið sé krefjandi, þá sé það yfirstíganlegt með tíma og þolinmæði. Forðastu orðalagið "Ég er bara…" Orðalagið “Ég er bara...“ gefur í skyn að við metum framlag okkar og hæfileika minna en ástæða er til. Í stað þess að kalla sig „bara heimavinnandi húsmóður“ gæti verið áhrifaríkara að segja „framkvæmdastjóri heimilisins“. Þetta orðalag dregur fram mikilvægi hlutverksins og sýnir hvernig valin orð geta speglað sjálfsvirðingu og virðingu fyrir þeim verkefnum sem þú sinnir. Breytum hugsun og hegðun með orðavali Breytingar á orðavali geta haft veruleg áhrif á hugarfarið og eru einföld en öflug leið til að hvetja til jákvæðari hugsunar og hegðunar. Með því að velja orð sem stuðla að vexti og jákvæðni, getum við breytt því hvernig við hugsum um áskoranir og tækifæri, og jafnframt haft jákvæð áhrif á hegðun okkar í daglegu lífi. Höfundur er leiðbeinandi og ráðgjafi hjá Þekkingarmiðlun og með meistaragráðu í jákvæðri sálfræði.
Börn geta ekki beðið – krefjumst tafarlausra aðgerða! Elín H. Hinriksdóttir,Bóas Valdórsson,Árný Ingvarsdóttir,,Anna Lára Steindal,Alma Ýr Ingólfsdóttir Skoðun
Sterkara námslánakerfi – raunveruleg framför fyrir námsmenn París Anna Bergmann,Sigurður Kári Harðarson Skoðun
Skoðun Enginn grunnur fyrir nýju starfsleyfi Ísteka Rósa Líf Darradóttir,Guðrún Scheving Thorsteinsson skrifar
Skoðun Börn geta ekki beðið – krefjumst tafarlausra aðgerða! Elín H. Hinriksdóttir,Bóas Valdórsson,Árný Ingvarsdóttir,,Anna Lára Steindal,Alma Ýr Ingólfsdóttir skrifar
Skoðun Sættum okkur ekki við óbreytt ástand - tillögur Sjálfstæðisflokksins um úrbætur Diljá Mist Einarsdóttir skrifar
Skoðun Sterkara námslánakerfi – raunveruleg framför fyrir námsmenn París Anna Bergmann,Sigurður Kári Harðarson skrifar
Skoðun Enn er verk að vinna – upprætum ofbeldi á vinnustöðum Brynhildur Heiðar- og Ómarsdóttir skrifar
Skoðun Er ofbeldi gagnvart eldri borgurum vandamál á Íslandi? Björn Snæbjörnsson,Sigurður Ágúst Sigurðsson skrifar
Skoðun Er kominn tími til að loka álverinu á Grundartanga og kísilverinu á Húsavík – fyrir framtíð íslands? Sigvaldi Einarsson skrifar
Skoðun Hvers virði er starfsleyfið okkar? Eva Hauksdóttir,Katrín Sigurðardóttir,Laufey Elísabet Gissurardóttir,Steinunn Bergmann,Þóra Leósdóttir skrifar
Börn geta ekki beðið – krefjumst tafarlausra aðgerða! Elín H. Hinriksdóttir,Bóas Valdórsson,Árný Ingvarsdóttir,,Anna Lára Steindal,Alma Ýr Ingólfsdóttir Skoðun
Sterkara námslánakerfi – raunveruleg framför fyrir námsmenn París Anna Bergmann,Sigurður Kári Harðarson Skoðun