Heiðar Örn Jónsson, slökkviliðsstjóri í Borgarbyggð staðfestir í samtali við Vísi að enginn hafi slasast. „Enginn slasaður og það komust allir út þannig þetta var bara eins gott og hugsast gat,“ segir Heiðar.
Samkvæmt upplýsingum fréttastofu varð slysið við Álftarstekk, skammt frá afleggjaranum inn í Hítardal.
Gestur Andrés Grjetarsson, vegfarandi sem fréttastofa ræddi við, segir að nú sé búið að opna fyrir umferð að nýju. Það hafi verið mikil umferð og virðist sem bíllinn hafi leitað út í kant og lent í snjó og þannig hafnað utan vegar. Nokkur hálka sé á veginum.
