Orri tilkynnti fréttirnar á Instagram-síðu sinni og birti þar mynd úr ómskoðuninni og af Sylvíu með tvö óléttupróf.
Árið 2024 hefur verið gæfuríkt fyrir Orra. Hann skoraði fimm mörk í sex leikjum fyrir FC København áður en hann var seldur til spænska liðsins Real Sociedad fyrir 20 milljónir evra sem var metsala frá danska félaginu. Þá gekk honum líka frábærlega með landsliðinu og skoraði þar þrjú mörk í átta leikjum.
Fréttir af stúlkunni tilvonandi er þó örugglega hápunktur ársins hjá Seltirningnum og Sylvíu.
