Sport

Gunnar náði vigt og er klár í bar­dagann

Henry Birgir Gunnarsson skrifar
Gunnar Nelson á vigtinni í London í morgun. Hann er í frábæru standi og klár í bardagann.
Gunnar Nelson á vigtinni í London í morgun. Hann er í frábæru standi og klár í bardagann. vísir/getty

Gunnar Nelson steig á vigtina í London í morgun og venju samkvæmt var hann ekki í neinum vandræðum með að ná réttri þyngd.

Það er því allt klárt fyrir bardaga hans og Kevins Holland í o2 höllinni í London annað kvöld.

Þetta verður fyrsti bardagi Gunnars í rúm tvö ár og hans síðasti á samningi sínum við UFC. Þetta gæti því hæglega verið síðasti bardagi hans á ferlinum. Tíminn mun leiða það í ljós.

Holland barðist aftur á móti síðast í janúar. Hann barðist líka þrisvar á síðasta ári og er því ekki að glíma við neitt ryð.

Holland á 40 bardaga að baki í MMA. Hann hefur unnið 26 þeirra og tapað 13.

Bardagakvöldið í London verður í beinni á Vodafone Sport og hefst klukkan 20.00 annað kvöld. Hægt er að kaupa áskrift á stod2.is.

MMA

Mest lesið


Fleiri fréttir

Sjá meira


×

Mest lesið