Innlent

Reyndi að stinga lög­reglu af á torfæruhjóli

Sólrún Dögg Jósefsdóttir skrifar
Fimm gistu fangageymslur í nótt og 89 má eða verkefni voru skráð í kerfi lögreglunnar frá klukkan fimm í gær.
Fimm gistu fangageymslur í nótt og 89 má eða verkefni voru skráð í kerfi lögreglunnar frá klukkan fimm í gær. Vísir/Vilhelm

Lögreglan á höfuðborgarsvæðinu handtók tvo einstaklinga eftir líkamsárás í miðborginni í nótt. Þeir gista nú fangageymslur.

Þetta kemur fram í dagbók lögreglunnar frá klukkan fimm í gær til klukkan fimm í morgun. Frekari upplýsingar liggja ekki fyrir.

Lögregla sinnti eftirliti með veitinga- og skemmtistöðum í miðborginni og víðar í Reykjavík. Allir staðir sem voru heimsóttir reyndust í lagi. Að auki sinnti lögregla umferðareftirliti en fram kemur að allnokkrir ökumenn hafi verið sektaðir fyrir umferðarlagabrot. Þar á meðal einn í Kópavogi sem reyndi að stinga lögreglu af á torfæruhjóli. Lögreglumönnum tókst þó að að hafa hendur í hári hans. 

Í Hafnarfirði var tilkynnt um veiðimenn í vanda en tilkynnandi hafði áhyggjur að flætt hefði að þeim. Veiðimennirnir höfðu aftur á móti engar áhyggjur og vildu enga aðstoð fá.

Þá sinnti lögregla allnokkrum tilkynningum um samkvæmishávaða í póstnúmerum 101 og 105. 




Fleiri fréttir

Sjá meira


×