Sluppu með sigur og hafa haldið oftast hreinu

Nottingham Forest vann 1-0 gegn Manchester United í þrítugustu umferð ensku úrvalsdeildarinnar og hefur þar með haldið hreinu oftast allra liða í deildinni. Rauðu djöflarnir voru hársbreidd frá því að jafna leikinn undir lokin.

Anthony Elanga kom heimamönnum yfir snemma leiks eftir frábæran sprett upp allan völlinn. Ryan Yates átti stoðsendinguna þegar hann hreinsaði hornspyrnu burt.

Forest ógnaði annars lítið og boltinn var að mestu hjá Manchester liðinu, sem fékk fjölda góðra færa. Gestunum tókst ekki að jafna leikinn en lokamínúturnar voru æsispennandi.

Harry Maguire var hættulegasti maður vallarins í uppbótartímanum. Fékk fyrst fínt skallafæri í uppbótartíma en var með varnarmann hangandi á sér og tókst ekki að stýra boltanum í netið. Skömmu síðar átti hann skot að marki sem miðvörðurinn Murillo hreinsaði af marklínunni. Forest slapp þar með sigurinn.