Pípari sagði skólp ástæðuna fyrir kókaíninu í blóðinu Rafn Ágúst Ragnarsson skrifar 18. júní 2025 20:53 Héraðsdómur Reykjavíkur dæmdi í málinu. Vísir/Vilhelm Héraðsdómur Reykjavíkur hafnaði bótakröfu manns sem var handtekinn undir áhrifum kókaíns. Hann vildi meina að orsök þess að kókaínið hefði komist inn í blóðrásina hans væri návígi við skólp, en maðurinn er pípari. Aðdragandi málsins er sá að maðurinn var handtekinn sumarið 2023 á Suðurlandsbraut í Reykjavík og fram kemur í frumskýrslu lögreglu að hann hefði ekið á miklum hraða. Lögreglan stöðvaði bílinn til gá að ástandi og réttindum ökumannsins. Þá segir að ökumaðurinn hafi borið þess merki að vera undir áhrifum fíknefna. Hann hafi verið „með útvíkkuð sjáöldur, mjög þurr í munni, auk þess sem hann [hafi] ítrekað skellt saman tönnum.“ Héraðsdómur Reykjavíkur kvað upp dóm sinn 16. júní síðastliðinn og hann má lesa í heild sinni hér. Kókaínneysla eina skýringin Maðurinn neitaði að hafa innbyrt fíkniefni og kókaín mældist í munnvatnssýni. Hann var í kjölfarið handtekinn og færður á lögreglustöð til blóðsýnatöku. Hann var látinn laus og svo var honum tilkynnt að rannsókn málsins hefði verið hætt. Kókaínið í blóði mannsins hafi ekki verið í mælanlegu magni. Í viðbótarmatsgerð sem gerð var í janúar í ár kemur hins vegar fram að bensóýlekgónin hafi greinst í blóði hans. Það sé umbrotsefni kókaíns sem myndist í líkamanum eftir neyslu kókaíns og greinist lengur en kókaín í blóði. Eina skýring þess að efnið greinist í lífsýnum sé neysla kókaíns. Áður en viðbótarmatsgerðin var lögð fram hafði maðurinn hins vegar lagt fram bótakröfu á hendur ríkinu. Henni var hafnað og þá stefndi hann ríkinu og vísaði til laga um bótarétt þeirra sem bornir hafa verið sökum en mál þeirra er svo fellt niður. Hann sagðist ekkert hafa gert til að stuðla að aðgerðum lögreglu, nefnilega að handtaka hann og flytja hann á lögreglustöð til blóðsýnatöku, og ætti því rétt á bótum. Umbrotsefni kókaíns sogast inn um húðina Maðurinn kvað handtökuna hafa valdið sér álitshnekki og frelsissviptinguna í heild mikilli andlegri vanlíðan. Hann sagði það liggja fyrir að hann hefði verið handtekinn að ósekju, enda hefði blóðprufan staðfest að hann hefði ekki ekið undir áhrifum. Blóðpufan hafi valdið honum töluverðum miska enda hafi með henni verið gengið eins nálægt friðhelgi einkalífs hans og líkama og unnt sé. Hann sagðist ekki skilja hvernig munnvatnssýni á vettvangi hefði gefið til kynna að hann hefði neytt kókaíns og lagði fram ástralska vísindarannsókn sem sýndi fram á að prófið sem notað var á vettvangi skili rangri jákvæðri niðurstöðu í fimm til tíu prósent tilvika er varða greiningu á virka efninu í kannabis. Auðvelt sé að yfirfæra það yfir á kókaín og því óhætt að fullyrða að prófið sé ónákvæmt. Eftir að áðurnefnd viðbótarmatsgerð var lögð fram vísaði lögmaður mannsins til fræðigreinar sem hann afhenti dóminum til hliðsjónar þar sem fram kemur að greina megi kókaínneyslu í samfélagi með því að greina umbrotsefni kókaíns í skólpi viðkomandi samfélags. Hann sagði manninn vinna við pípulagnir og að það umbrotsefni kókaíns sem greint heðfi verið í blóði mannsins hefði mögulega komist í blóðrás hans vegna þess að hann kæmist mikið í tæri við skólp í vinnu sinni. Aðspurður um hvernig umrætt umbrotsefni hefði mögulega komist í blóðrás stefnanda kvaðst hann ekki vera sérfræðingur á þessu sviði en það hefði mögulega átt leið í gegnum húð stefnanda. Kenning verjandans „afar langsótt“ Ríkið sagði manninn hafa stuðlað sjálfur að þeim aðgerðum sem lögreglan beitti hann með of hröðum akstri. Aðgerðir lögreglunnar hafi ekki valdið manninum óþarfa miska eða tjoni umfram það sem óhjákvæmilega hljótist. Þannig ætti maðurinn ekki rétt á bótum. Í niðurstöðum dómsins segir að óhætt sé að ganga út frá því, þrátt fyrir mótmæli mannsins, að hann hafi nokkru fyrir akstur í umrætt sinn neytt kókaíns. Breyti þar engu sú málsástæða sem lögmaður mannsins kynnti til sögunnar í málflutningi sínum að mögulega hefði umbrotsefni kókaíns komist í líkama hans úr skólpi þar sem hann hefði sinnt pípulagningarstörfum. Dómurinn segir hana „afar langsótta“ að sínu mati. Þar að auki hafi lögreglan haft afskipti af manninum eftir að hann hefði ekið á miklum hraða og lögreglumönnum þótt hann sýna merki um fíkniefnaneyslu. Þegar litið er til þessa er það mat dómsins að maðurinn hafi mátt reikna með að þurfa að sæta þeim rannsóknar- og þvingunaraðgerðum sem beitt var við rannsókn málsins. Telur dómurinn því að hann hafi stuðlað að þeim aðgerðum sem hann byggði kröfur sínar á og því beri að sýkna ríkið af öllum kröfum hans. Dómsmál Reykjavík Fíkniefnabrot Mest lesið Svikahrappurinn gripinn glóðvolgur og grunaður um fleiri svik Innlent Segir andúð meiri í garð Miðflokksmanna en trans fólks Innlent Kína sendir skilaboð til Bandaríkjanna og Trump svarar um hæl Erlent „Við hvað ertu hræddur?“ Innlent Drekinn beraði vígtennurnar Erlent Fimmtán látnir hið minnsta eftir að kláfur fór út af sporinu Erlent Segja tilraunir með „fljúgandi Chernobyl“ hafnar Erlent Rannsaka stórfellda líkamsárás í Seljahverfi Innlent Tók dóttur sína og erfingja með til Kína Erlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Fleiri fréttir Lögregla tók hús á Skorrdælingum sem fjölgar í aðdraganda kosninga Gætu fengið að kjósa í sínu gamla sveitarfélagi „Við hvað ertu hræddur?“ Nálgunarbannið of torsótt og máttlaust án ökklabands Trump tilnefnir sendiherrann nýja SHÍ gagnrýnir fækkun heilbrigðiseftirlita Samstaða hinsegin samfélagsins, skiptar skoðanir Grindvíkinga og Labubu-æði Reyndust hafa þýfi úr fleiri innbrotum í fórum sínum „Það skiptir máli að vera í réttu bandalagi“ Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Sjá meira
Aðdragandi málsins er sá að maðurinn var handtekinn sumarið 2023 á Suðurlandsbraut í Reykjavík og fram kemur í frumskýrslu lögreglu að hann hefði ekið á miklum hraða. Lögreglan stöðvaði bílinn til gá að ástandi og réttindum ökumannsins. Þá segir að ökumaðurinn hafi borið þess merki að vera undir áhrifum fíknefna. Hann hafi verið „með útvíkkuð sjáöldur, mjög þurr í munni, auk þess sem hann [hafi] ítrekað skellt saman tönnum.“ Héraðsdómur Reykjavíkur kvað upp dóm sinn 16. júní síðastliðinn og hann má lesa í heild sinni hér. Kókaínneysla eina skýringin Maðurinn neitaði að hafa innbyrt fíkniefni og kókaín mældist í munnvatnssýni. Hann var í kjölfarið handtekinn og færður á lögreglustöð til blóðsýnatöku. Hann var látinn laus og svo var honum tilkynnt að rannsókn málsins hefði verið hætt. Kókaínið í blóði mannsins hafi ekki verið í mælanlegu magni. Í viðbótarmatsgerð sem gerð var í janúar í ár kemur hins vegar fram að bensóýlekgónin hafi greinst í blóði hans. Það sé umbrotsefni kókaíns sem myndist í líkamanum eftir neyslu kókaíns og greinist lengur en kókaín í blóði. Eina skýring þess að efnið greinist í lífsýnum sé neysla kókaíns. Áður en viðbótarmatsgerðin var lögð fram hafði maðurinn hins vegar lagt fram bótakröfu á hendur ríkinu. Henni var hafnað og þá stefndi hann ríkinu og vísaði til laga um bótarétt þeirra sem bornir hafa verið sökum en mál þeirra er svo fellt niður. Hann sagðist ekkert hafa gert til að stuðla að aðgerðum lögreglu, nefnilega að handtaka hann og flytja hann á lögreglustöð til blóðsýnatöku, og ætti því rétt á bótum. Umbrotsefni kókaíns sogast inn um húðina Maðurinn kvað handtökuna hafa valdið sér álitshnekki og frelsissviptinguna í heild mikilli andlegri vanlíðan. Hann sagði það liggja fyrir að hann hefði verið handtekinn að ósekju, enda hefði blóðprufan staðfest að hann hefði ekki ekið undir áhrifum. Blóðpufan hafi valdið honum töluverðum miska enda hafi með henni verið gengið eins nálægt friðhelgi einkalífs hans og líkama og unnt sé. Hann sagðist ekki skilja hvernig munnvatnssýni á vettvangi hefði gefið til kynna að hann hefði neytt kókaíns og lagði fram ástralska vísindarannsókn sem sýndi fram á að prófið sem notað var á vettvangi skili rangri jákvæðri niðurstöðu í fimm til tíu prósent tilvika er varða greiningu á virka efninu í kannabis. Auðvelt sé að yfirfæra það yfir á kókaín og því óhætt að fullyrða að prófið sé ónákvæmt. Eftir að áðurnefnd viðbótarmatsgerð var lögð fram vísaði lögmaður mannsins til fræðigreinar sem hann afhenti dóminum til hliðsjónar þar sem fram kemur að greina megi kókaínneyslu í samfélagi með því að greina umbrotsefni kókaíns í skólpi viðkomandi samfélags. Hann sagði manninn vinna við pípulagnir og að það umbrotsefni kókaíns sem greint heðfi verið í blóði mannsins hefði mögulega komist í blóðrás hans vegna þess að hann kæmist mikið í tæri við skólp í vinnu sinni. Aðspurður um hvernig umrætt umbrotsefni hefði mögulega komist í blóðrás stefnanda kvaðst hann ekki vera sérfræðingur á þessu sviði en það hefði mögulega átt leið í gegnum húð stefnanda. Kenning verjandans „afar langsótt“ Ríkið sagði manninn hafa stuðlað sjálfur að þeim aðgerðum sem lögreglan beitti hann með of hröðum akstri. Aðgerðir lögreglunnar hafi ekki valdið manninum óþarfa miska eða tjoni umfram það sem óhjákvæmilega hljótist. Þannig ætti maðurinn ekki rétt á bótum. Í niðurstöðum dómsins segir að óhætt sé að ganga út frá því, þrátt fyrir mótmæli mannsins, að hann hafi nokkru fyrir akstur í umrætt sinn neytt kókaíns. Breyti þar engu sú málsástæða sem lögmaður mannsins kynnti til sögunnar í málflutningi sínum að mögulega hefði umbrotsefni kókaíns komist í líkama hans úr skólpi þar sem hann hefði sinnt pípulagningarstörfum. Dómurinn segir hana „afar langsótta“ að sínu mati. Þar að auki hafi lögreglan haft afskipti af manninum eftir að hann hefði ekið á miklum hraða og lögreglumönnum þótt hann sýna merki um fíkniefnaneyslu. Þegar litið er til þessa er það mat dómsins að maðurinn hafi mátt reikna með að þurfa að sæta þeim rannsóknar- og þvingunaraðgerðum sem beitt var við rannsókn málsins. Telur dómurinn því að hann hafi stuðlað að þeim aðgerðum sem hann byggði kröfur sínar á og því beri að sýkna ríkið af öllum kröfum hans.
Dómsmál Reykjavík Fíkniefnabrot Mest lesið Svikahrappurinn gripinn glóðvolgur og grunaður um fleiri svik Innlent Segir andúð meiri í garð Miðflokksmanna en trans fólks Innlent Kína sendir skilaboð til Bandaríkjanna og Trump svarar um hæl Erlent „Við hvað ertu hræddur?“ Innlent Drekinn beraði vígtennurnar Erlent Fimmtán látnir hið minnsta eftir að kláfur fór út af sporinu Erlent Segja tilraunir með „fljúgandi Chernobyl“ hafnar Erlent Rannsaka stórfellda líkamsárás í Seljahverfi Innlent Tók dóttur sína og erfingja með til Kína Erlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Fleiri fréttir Lögregla tók hús á Skorrdælingum sem fjölgar í aðdraganda kosninga Gætu fengið að kjósa í sínu gamla sveitarfélagi „Við hvað ertu hræddur?“ Nálgunarbannið of torsótt og máttlaust án ökklabands Trump tilnefnir sendiherrann nýja SHÍ gagnrýnir fækkun heilbrigðiseftirlita Samstaða hinsegin samfélagsins, skiptar skoðanir Grindvíkinga og Labubu-æði Reyndust hafa þýfi úr fleiri innbrotum í fórum sínum „Það skiptir máli að vera í réttu bandalagi“ Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Sjá meira