Innlent

Hnífstunga á Austur­velli

Eiður Þór Árnason skrifar
Lítið liggur fyrir um eðli aðgerðanna og lögreglan verst allra fregna.
Lítið liggur fyrir um eðli aðgerðanna og lögreglan verst allra fregna. vísir/vilhelm

Einn var handtekinn eftir hnífstunguárás á Austurvelli í dag. Lögreglu barst tilkynning um málið um klukkan 14 og flúði grunaður árásarmaður af vettvangi. Hann var síðar handtekinn í Kringlunni. 

Þetta segir Sævar Guðmundsson, aðalvarðstjóri hjá lögreglunni á höfuðborgarsvæðinu. Málið sé í rannsókn og hann hafi ekki upplýsingar um ástand hins særða. Hann vildi ekki veita frekari upplýsingar að svo stöddu. 

Sérsveit ríkislögreglustjóra tók þátt í aðgerðum lögreglunnar á Austurvelli og í Kringlunni. Á ljósmyndum sem fréttastofa hefur undir höndum frá því fyrr í dag má sjá lögreglu- og sjúkrabifreiðar við Austurvöll auk hóps lögreglumanna að störfum. Síðar var hluta Austurvallar lokað með lögregluborðum á meðan vettvangsrannsókn stóð.

Rannveig Þórisdóttir, staðgengill upplýsingafulltrúa ríkislögreglustjóra, staðfestir aðkomu sérsveitarinnar að aðgerðinni. Að sögn sjónvarvottar tóku fjórir lögreglumenn auk öryggisvarða þátt í handtökunni í Kringlunni og sáust sérsveitarmenn í verslunarmiðstöðinni. 

Lögregla stóð í aðgerðum á Austurvelli í dag.Aðsend

Fréttin er í vinnslu. 

Veist þú meira um málið? Við tökum á móti ábendingum af öllu tagi á ritstjorn@visir.is. Fullum trúnaði er heitið.




Fleiri fréttir

Sjá meira


×