Louvre-safni lokað vegna þjófnaðar

Þetta staðfestir Rachida Dati, menningarráðherra Frakklands, í færslu á samfélagsmiðlinum X. 

„Þjófnaður átti sér stað í morgun þegar Louvre safnið var opnað. Enginn er slasaður. Ég er á vettvangi með starfsmönnum safnsins og lögreglunni. Rannsókn stendur yfir,“ skrifar Dati.

Atvikið átti sér stað þegar safnið var opnað klukkan níu að staðartíma eða klukkan sjö á íslenskum tíma.

Safninu hefur því verið lokað en stendur á X að safnið sé lokað vegna einstakra ástæðna. Ekki liggur fyrir hverju var stolið en fjöldi listaverka á heima á safninu, þar á meðal hin heimsfræga Mona Lisa.

Fréttin verður uppfærð.