Erla Björg ráðin menningarritstjóri Rúv

Silja Rún Sigurbjörnsdóttir skrifar 5. maí 2026 10:51

Erla Björg var ristjóri fréttastofu Sýnar. Vísir/Anton Brink

Erla Björg Gunnarsdóttir hefur verið ráðin menningarritstjóri Rúv. Erla lét af störfum sem ritstjóri fréttastofu Sýnar fyrr á árinu.

Erla Björg hefur sinnt fjölbreyttum störfum í fjölmiðlum undanfarin ár. Hún tók til starfa hjá fréttastofu Sýnar, þá 365, árið 2014. Erla Björg er með meistaragráðu í menningar- og fagurfræði frá Háskólanum í Árósum og BA-gráðu í stjórnmála- og bókmenntafræði frá Háskóla Íslands.

Alls bárust 48 umsóknir um starfið en hlutverk menningarritstjóra Rúv er að leiða alla vinnu menningarefnis þvert á miðla og miðlunarleiðir og bera ábyrgð á ristjórn menningarvefs Rúv.

„Við erum spennt að fá Erlu Björg til liðs við okkur til að leiða menningarumfjöllun RÚV. Hún hefur mikla og langa reynslu af ritstjórn og blaða- og fréttamennsku og eins góða þekkingu á íslensku menningarlífi. Menningarritstjóri mun gegna lykilhlutverki í mótun menningarumfjöllunar þvert á miðla RÚV til framtíðar og því ljóst að mikill akkur er í aðkomu Erlu Bjargar að því stefnumótunarstarfi sem framundan er,“ segir Fanney Birna Jónsdóttir, dagskrárstjóri Rásar 1, í tilkynningu.

Þessi sóttu um starfið:

Anna Gunndís Guðmundsdóttir

Arnaldur Grétarsson

Arnar Eggert Thoroddsen

Atli Bollason

Áslaug Guðrúnardóttir

Birta Ösp Rósinberg Harðardóttir

Björn Kristinsson

Bryndís Hinriksdóttir

Brynhildur Björnsdóttir

Dagmar Öder Einarsdóttir

Dagur Gunnarsson