Ástin á götunni

Giggs verður fyrirliði

Ryan Giggs er kominn inn í byrjunarlið Manchester United á ný og verður fyrirliði liðsins í leiknum gegn Lille í Meistaradeildinni nú á eftir. Manchester United mun spila kerfið 4-3-3 í leiknum og Darren Fletcher mun taka stöðu Park Ji-Sung á miðjunni.

Sport 23.10.2005 17:50

Meistaradeildin á Sýn í kvöld

Nokkrir leikir fara fram í Meistaradeild Evrópu í kvöld og aðalleikur kvöldsins á Sýn verður stórleikur Bayern Munchen og Juventus, en útsending hefst klukkan 18:30. Þá verður leikur Manchester United og Lille sýndur klukkan 21:20, en hann er sýndur beint á Sýn Extra klukkan 18:30.

Sport 23.10.2005 17:50

Essien sleppur

Michael Essien, leikmaður Chelsea, sleppur við frekari refsingu frá enska knattspyrnusambandinu eftir að farið var yfir myndbandsupptökur af broti hans í leiknum gegn Bolton um helgina. Brot hans þótti ljótt og var hann talinn sleppa vel með gult spjald, en sambandinu þótti ekki fótur fyrir frekari aðgerðum í málinu.

Sport 23.10.2005 17:50

Verða að sætta sig við fallbaráttu

Phil Neville, leikmaður Everton, segir að leikmenn liðsins verði nú að sætta sig við það að liðið sé í fallbaráttunni í ensku úrvalsdeildinni, því þrátt fyrir að allir hafi beðið eftir að liðið rétti úr kútnum og færi að vinna, hefur það enn ekki gerst.

Sport 23.10.2005 17:50

Henry kom Arsenal yfir

Thierry Henry er búinn að koma liði Arsenal yfir gegn Sparta Prag í Tékklandi, en liðin eigast við í Meistaradeildinni. Eins og fram kom í frétt hér á vefnum fyrir nokkrum mínútum, var Henry á varamannabekk liðsins í kvöld, en hann kom inná fyrir Jose Antonio Reyes eftir aðeins fimmtán mínútna leik og skoraði mark sex mínútum síðar.

Sport 23.10.2005 17:50

Henry á bekknum hjá Arsenal

Thierry Henry verður á varamannabekknum hjá Arsenal í leiknum gegn Sparta Prag í Meistardeildinni á eftir, en Pascal Cygan og Kolo Toure verða vörninni. Þá koma þeir Robin van Persie og Gilberto aftur inn í liðið.

Sport 23.10.2005 17:50

Wenger saknar Vieira

Arsene Wenger hefur nú í fyrsta sinn viðurkennt að kannski hafði það ekki verið mjög góð hugmynd að selja Patrick Vieira til Juventus í sumar, en bendir á að liðið hafi verið einstaklega óheppið með meiðsli.

Sport 23.10.2005 17:50

Hálfleikur í Meistaradeildinni

Nú er kominn hálfleikur í leikjunum átta í Meistaradeild Evrópu. Aðeins fjögur mörk hafa litið dagsins ljós til þessa og þar af eru tvö þeirra í leik Bayern Munchen og Juventus, sem fyrirfram hefði ef til vill ekki verið talinn markaleikur umferðarinnar.

Sport 23.10.2005 17:50

Cissé líklegur gegn Anderlecht

Rafael Benitez segir vel koma til greina að nýta hungur franska framherjans Djibril Cissé með því að gefa honum tækifæri í byrjunarliðinu gegn Anderlecht í Meistaradeildinni annað kvöld, en liðin eigast við í G-riðli.

Sport 23.10.2005 17:50

Djurgarden sænskur meistari

Djurgarden, lið Kára Árnasonar og Sölva Geirs Ottesen, tryggði sér sænska meistaratitilinn í knattspyrnu í kvöld, þegar liðið krækti í stig gegn liði Jóhanns Guðmundssonar, Örgryte. Þar með tryggði liðið sér sigur í deildinni þegar ein umferð er eftir, því Gautaborg tapaði fyrir Hammarby á sama tíma.

Sport 23.10.2005 17:50

Jafnt hjá Charlton og Fulham

Charlton og Fulham gerðu 1-1 jafntefli í leik kvöldsins í ensku úrvalsdeildinni. Collins John kom Fulham yfir í fyrri hálfleik en Danny Murphy jafnaði fyrir Charlton í upphafi síðari hálfleiks. Hermann Hreiðarsson lék allan tímann í vörn Charlton, en Heiðar Helguson fékk ekki tækifæri með Fulham.

Sport 23.10.2005 17:50

Xavier féll á lyfjaprófi

Portúgalski varnarmaðurinn Abel Xavier hjá Middlesbrough er kominn tímabundið leikbann í öllum keppnum, eftir að hafa fallið á lyfjaprófi sem hann fór í eftir leik Boro og Xanthi þann 29. september síðastliðinn.

Sport 23.10.2005 17:34

Rooney verður í banni gegn Lille

Manchester United verður án Wayne Rooney í leiknum gegn Lille í Meistaradeildinni annað kvöld, en liðið getur huggað sig við að Ryan Giggs kemur aftur inn í hópinn eftir að hafa misst af leiknum gegn Sunderland um helgina vegna tognunar á læri.

Sport 23.10.2005 17:34

Djurgården sænskir meistarar

Hvorki Kári Árnason né Sölvi Ottesen komu við sögu með liði sínu Djurgården sem tryggði sér sænska meistaratitilinn í knattpspyrnu í kvöld þegar liðið gerði markalaust jafntefli við Örgryte í næst síðustu umferð úrvalsdeildarinnar. Kári og Sölvi sátu á varamannabekknum allan leikinn.

Sport 23.10.2005 17:50

Henry í hópnum gegn Sparta Prag

Thierry Henry hefur óvænt verið settur inn í leikmannahóp Arsenal fyrir leikinn gegn Sparta Prag í Meistaradeildinni annað kvöld, en mikil meiðsli eru í hóp Arsenal þessa dagana. Henry hefur ekki spilað leik fyrir Arsenal síðan í lok ágúst vegna nárameiðsla.

Sport 23.10.2005 17:34

Arsenal ekki sterkt án lykilmanna

Knattspyrnustjórinn Martin Jol hjá Tottenham nýtur gríðarlegra vinsælda há stuðningsmönnum liðsins þessa dagana og varla hafa ummæli hans í garð erkifjendanna liðsins í dag verið til þess að draga úr aðdáun stuðningsmanna Tottenham.

Sport 23.10.2005 17:34

Essien gæti fengið bann

Miðjumaðurinn Michael Essien gæti átt yfir höfði sér leikbann fyrir ljóta tæklingu hans á varnarmanninn Tal Ben Haim hjá Bolton um helgina, en vel má vera að knattspyrnusambandið fari yfir myndband af atvikinu í vikunni.

Sport 23.10.2005 17:34

Wenger þreyttur á meiðslum

Arsene Wenger, stjóri Arsenal, virðist vera búinn að fá sig fullsaddan af tíðum meiðslum leikmanna sinna, ekki síst þegar þeir eru að spila með landsliðum sínum og telur það koma afar illa niður á Arsenal í deildarkeppninni. Meiðsli Alexander Hleb voru dropinn sem fyllti mælinn hjá Wenger.

Sport 23.10.2005 17:34

Manchester United ræður þjálfara

Manchester United tilkynnti í dag ráðningu nýs þjálfara fyrir unglingalið félagsins í stað Ricky Sbragia, sem gekk í raðir Bolton á dögunum. Nýji þjálfarinn heitir Rene Meulensteen og er hollenskur. Hann hefur verið hjá Manchester United síðan 2001 og hefur fram til þessa starfað sem tækniþjálfari hjá liðinu.

Sport 23.10.2005 17:50

Kári og Sölvi sænskir meistarar ?

Úrslitin í sænsku úrvalsdeildinni í fótbolta þetta tímabilið gætu ráðist ráðist á næstu 2 klukkutímum en nú kl. 17 hófust fjórir síðustu leikir næst síðustu umferðar. Djurgården sem er á toppnum heimsækir Örgryte og getur með sigri nánast gulltryggt sér sænska titilinn. Kári Árnason og Sölvi Geir Ottesen eru báðir á varamannabekk Djurgården.

Sport 23.10.2005 17:34

Ferguson tekur ekki við Írum

Sir Alex Ferguson brást ókvæða við þegar hann var spurður hvort hann ætlaði að taka við stöðu landsliðsþjálfara Íra eftir að Brian Kerr hætti með liðið, en haft var eftir Dennis Irvin, fyrrum leikmanni Manchester United, að Ferguson hefði verið í sambandi við írska knattspyrnusambandið um að taka við stöðunni.

Sport 23.10.2005 17:34

Valsstúlkur úr leik í UEFA Cup

Kvennalið Vals er úr leik í Evrópukeppni félagsliða í knattspyrnu eftir 11-1 tap gegn Evrópumeisturum Turbine Potsdam en leikurinn sem fór fram ytra í dag var síðari viðureign liðanna í 8 liða úrslitum keppninnar. Margrét Lára Viðarsdóttir skoraði mark Vals þegar hún minnkaði muninn í 2-1 en hún tábrotnaði skömmu síðar og var skipt af velli...

Sport 23.10.2005 15:05

Markið læknaði sár Cissé

Franski sóknarmaðurinn Djibril Cissé hjá Liverpool virðist hafa gleymt óánægju sinni í herbúðum félagsins eftir að mark hans tryggði liðinu sigur á Blackburn í gær og hefur nú tekið stjóra sinn í sátt. Hann vandaði þó stuðningsmönnum Blackburn ekki kveðjurnar eftir leikinn.

Sport 23.10.2005 15:05

Sögulegur sigur Aston Villa

Kevin Phillips stimplaði sig í sögubækurnar hjá Aston Villa í dag þegar hann skoraði sigurmark liðsins í 0-1 sigri í nágrannaslagnum við Birmingham í ensku úrvalsdeildinni í fótbolta. Þetta var fyrsti úrvalsdeildarsigur Villa á nágrönnum sínum í 7 viðureignum eða síðan Birmingham endurheimtu sæti sitt í úrvalsdeild árið 2002.

Sport 23.10.2005 15:05

Ítalía: Kýldi vallarstarfsmann

Alessandro Del Piero skoraði eina mark Juventus sem heldur áfram ótrauðri sigurgöngu sinni í ítölsku úrvalsdeildinni í fótbolta með 1-0 sigri á Messina í gærkvöldi. Juve er nú með fullt hús stiga að loknum 7 umferðum. Í hinum leik gærkvöldsins tapaði Siena fyrir Udinese, 2-3 í leik þar sem afar sjaldgæf sjón varð fyrir augum áhorfenda.

Sport 23.10.2005 15:04

Mourinho hrósað fyrir Eið Smára

Breskir fjölmiðlar hrósa Jose Mourinho knattspyrnustjóra Chelsea í hástert fyrir breytinguna sem hann gerði á liðinu í hálfleik gegn Bolton í ensku úrvalsdeildinni í gær. Þá skipti hann Eiði Smári Guðjohnsen inn á í staðinn fyrir Asier del Horno í stöðunni 0-1 fyrir Bolton og sú breyting gjörbreytti gangi leiksins sem Chelsea vann 5-1.

Sport 23.10.2005 15:04

Inter í 2. sætið á Ítalíu

Inter Milan lyfti sér upp í 2. sæti ítölsku úrvalsdeildarinnar í fótbolta í dag með stórsigri á Livorno, 5-0. Inter er 6 stigum á eftir toppliði Juventus sem er með fullt hús stiga eftir 7 umferðir. Fiorentina sem var jafnt AC Milan í 2. sæti fyrir umferðina mistókst að saxa á forskot Juve þar sem liðið tapaði fyrir Lazio, 1-0 í dag.

Sport 23.10.2005 15:05

Pearce ánægður með Andy Cole

Stuart Pearce, knattspyrnustjóri Manchester City, var ánægður með frammistöðu Andy Cole í gær, þegar hann skoraði bæði mörk liðsins í sigri 2-1 á nýliðum West Ham á afmælisdaginn sinn.

Sport 23.10.2005 15:05

Real Madrid komið á toppinn

Ronaldo skoraði þrennu og skaut Real Madrid á topp spænsku úrvalsdeildarinnar í fótbolta í gærkvöldi með 3-0 sigri á Atlético Madrid í gærkvöldi en þá fóru fram 3 leikir í deildinni. Deportivo La Coruña gerði jafntefli við Barcelona í 6 marka þriller.

Sport 23.10.2005 15:04

Ívar & Brynjar með í sigri Reading

Brynjar Björn Gunnarsson og Ívar Ingimarsson léku báðir allan leikinn með Reading sem endurheimti 2. sætið í ensku 1. deildinni í knattspyrnu í dag með 2-0 sigri á Ipswich. Reading er 3 stigum á eftir toppliði Sheffield Utd í deildinni.

Sport 23.10.2005 15:05