Ben Gordon skaut Washington í kaf 15. apríl 2006 06:56 Ben Gordon jafnaði NBA metið með því að hitta úr 9 af 9 þriggja stiga skotum sínum í leiknum við Washington í nótt NordicPhotos/GettyImages Chicago Bulls heldur dauðahaldi í áttunda sætið í Austurdeildinni í NBA eftir nauman en gríðarlega mikilvægan sigur á Washington Wizards í nótt 103-101. Ben Gordon var maðurinn á bak við sigur Chicago, en hann skoraði 32 stig í leiknum og hitti úr öllum níu þriggja stiga skotum sínum sem er jöfnun á NBA meti Latrell Sprewell frá árinu 2003. Gilbert Arenas skoraði 36 stig fyrir Washington, en aðeins 4 stig í fjórða leikhluta og er reyndar sárþjáður vegna bakmeiðsla. Sigur Chicago þýðir að baráttan um sæti 5-9 í Austurdeildinni er öll upp í loft og allt getur gerst á lokasprettinum. Um leið og Chicago styrkti stöðu sína í baráttunni um síðasta sætið í úrslitakeppnina, steinlágu keppinautar þeirra í Philadelphia fyrir Miami á útivelli 104-85 í leik sem sýndur var beint á NBA TV. Dwayne Wade skoraði 25 stig fyrir Miami en Allen Iverson skoraði 30 stig fyrir Philadelphia, en útlitið er frekar dökkt hjá liðinu með að ná í úrslitakeppnina. Utah Jazz er í sömu stöðu í Vesturdeildinni og í nótt vann liðið sinn 5. leik í röð og ætlar ekki að gefast upp í baráttunni um 8. sætið þar. Utah skellti New Orleans á útivelli 105-104 og þar með eru möguleikar New Orleans nánast úr sögunni. Andrei Kirilenko átti enn einn stórleikinn fyrir Utah með 25 stig, 9 fráköst, 7 varin skot og 6 stoðsendingar. David West var einnig frábær í liði New Orleans með 31 stig og 12 fráköst. LA Clippers er nú komið í 5. sætið í Vesturdeildinni ásamt Memphis eftir 101-97 útisigur á Seattle. Elton Brand skoraði 30 stig og hirti 15 fráköst fyrir Clippers en Ray Allen skoraði 33 stig fyrir Seattle og vantar nú aðeins 12 þriggja stiga körfur í síðustu þremur leikjunum til að slá NBA met Dennis Scott yfir flesta þrista skoraða á einu tímabili. Kobe Bryant sló stigametið hjá LA Lakers á einu tímabili þegar hann sallaði 50 stigum á lánlaust og undirmannað lið Portland í 110-99 sigri Lakers. Þetta var í 6. skiptið í vetur og 11. skiptið á ferlinum sem Bryant fer yfir 50 stiga múrinn. Lamar Odom náði þrennu annan leikinn í röð með 16 stigum, 12 fráköstum og 12 stoðsendingum. Martell Webster skoraði 18 stig fyrir Portland. Charlotte lagði Atlanta 116-110. Raymont Felton skoraði 27 stig og gaf 8 stoðsendingar hjá Charlotte, en Joe Johnson skoraði 35 stig og gaf 9 stoðsendingar hjá Atlanta. Mike James setti persónulegt met gegn sínum gömlu félögum þegar hann skoraði 39 stig fyrir Toronto í 108-103 sigri liðsins á Detroit Pistons. Rip Hamilton skoraði 16 stig fyrir Detroit, sem tapaði þar með aðeins sínum 16. leik í vetur og virðist vera komið með hugann við úrslitakeppnina. New Jersey lagði Boston 79-74. Vince Carter skoraði 15 stig fyrir New Jersey, en Paul Pierce skoraði 22 stig fyrir Boston. Milwaukee vann auðveldan sigur á New York 97-80. Michael Redd skoraði 23 stig fyrir Milwaukee en Maurice Taylor skoraði 22 stig fyrir New York. Larry Brown var ekki á hliðarlínunni hjá New York af heilsufarsástæðum, en hann var enn eina ferðina fluttur á sjúkrahús eftir síðasta leik og þó læknar hefðu gefið honum grænt ljós á leikinn í kvöld - ákvað hann að hvíla sig. Indiana vann átakalítinn sigur á Minnesota 89-77 og nú bíða margir eftir því að forráðamenn deildarinnar geri athugasemdir við liðsuppstillingu Minnesota undanfarið, því vafasamt þykir að allir lykilmenn liðsins skuli vera komnir á meiðslalistann í lokin þegar að engu er að keppa. Jermaine O´Neal skoraði 29 stig og hirti 12 fráköst fyrir Indiana, en Adrian Griffin skoraði 18 stig og hirti 12 fráköst fyrir Minnesota. Golden State lagði Phoenix 110-102. Jason Richardson skoraði 27 stig fyrir Golden State, en Shawn Marion skoraði 31 stig og hirti 12 fráköst fyrir Phoenix og franski framherjinn Boris Diaw náði aftur þrennu með 11 stigum, 16 stoðsendingum og 11 fráköstum. Byrjunarbakverðir Phoenix, þeir Raja Bell og Steve Nash, voru hvíldir í leiknum. Erlendar Íþróttir Körfubolti NBA Mest lesið „Ég valdi bara bestu gelluna, hún gæti reyndar verið mamma mín“ Sport Tryggði sig á heimsleikana en endaði á sjúkrahúsi tveimur dögum síðar Sport Forsetinn gaf öllum nýja bíla Fótbolti „Stress og spenningur að flytja einn út og þurfa læra á uppþvottavél“ Handbolti Mömmu þjálfarans fannst framkoma Bellingham viðbjóðsleg Fótbolti Fyrrum methafi lést aðeins 28 ára Sport Óvænt stjarna með súperinnkomu af bekknum þegar Pacers komst í 2-1 Körfubolti Tannlæknir keppir á opna bandaríska Golf Alexander-Arnold kominn með númer Fótbolti Sú markahæsta frá upphafi „með hreina samvisku“ Fótbolti Fleiri fréttir Funduðu á eyju um kaup Arsenal á Gyökeres Bíða eftir gúmmíi og spila á Þórsvelli eins og stelpurnar Þrjár erlendar til nýliðanna á Akureyri Freyr missir stjörnuleikmann í marga mánuði „Ennþá bjartsýnn en tapið á föstudaginn var þungt högg“ Draumur Cunha rættist Lindex-mótið á dagskrá í kvöld Morata og fjölskylda hans fékk morðhótanir Sané mættur til Tyrklands Sigtryggur Arnar framlengdi við Tindastól Mótherjar Íslands urðu fyrir áfalli rétt fyrir EM Forsetinn gaf öllum nýja bíla Bað þjóðina um að fyrirgefa þeim Lífsferill íþróttamannsins: Að vera eða ekki vera afreks Setti heimsmet og gaf síðan ungum aðdáenda medalíuna sína „Stress og spenningur að flytja einn út og þurfa læra á uppþvottavél“ Þær sem láta frysta eggin sín halda stöðu sinni á heimslistanum Tannlæknir keppir á opna bandaríska Íslensku konurnar niður um eitt sæti á FIFA-listanum Tryggði sig á heimsleikana en endaði á sjúkrahúsi tveimur dögum síðar Pólski þjálfarinn segir af sér eftir deilurnar við Lewandowski „Ég valdi bara bestu gelluna, hún gæti reyndar verið mamma mín“ Óvænt stjarna með súperinnkomu af bekknum þegar Pacers komst í 2-1 Alexander-Arnold kominn með númer Sú markahæsta frá upphafi „með hreina samvisku“ Mömmu þjálfarans fannst framkoma Bellingham viðbjóðsleg Fyrrum methafi lést aðeins 28 ára Dagskráin í dag: Nóg af golfi, Lindex mótið og íshokkí Sané fær ofurlaun hjá Galatasaray Sigurjón kjörinn forseti Alþjóða kraftlyftingasambandsins Sjá meira
Chicago Bulls heldur dauðahaldi í áttunda sætið í Austurdeildinni í NBA eftir nauman en gríðarlega mikilvægan sigur á Washington Wizards í nótt 103-101. Ben Gordon var maðurinn á bak við sigur Chicago, en hann skoraði 32 stig í leiknum og hitti úr öllum níu þriggja stiga skotum sínum sem er jöfnun á NBA meti Latrell Sprewell frá árinu 2003. Gilbert Arenas skoraði 36 stig fyrir Washington, en aðeins 4 stig í fjórða leikhluta og er reyndar sárþjáður vegna bakmeiðsla. Sigur Chicago þýðir að baráttan um sæti 5-9 í Austurdeildinni er öll upp í loft og allt getur gerst á lokasprettinum. Um leið og Chicago styrkti stöðu sína í baráttunni um síðasta sætið í úrslitakeppnina, steinlágu keppinautar þeirra í Philadelphia fyrir Miami á útivelli 104-85 í leik sem sýndur var beint á NBA TV. Dwayne Wade skoraði 25 stig fyrir Miami en Allen Iverson skoraði 30 stig fyrir Philadelphia, en útlitið er frekar dökkt hjá liðinu með að ná í úrslitakeppnina. Utah Jazz er í sömu stöðu í Vesturdeildinni og í nótt vann liðið sinn 5. leik í röð og ætlar ekki að gefast upp í baráttunni um 8. sætið þar. Utah skellti New Orleans á útivelli 105-104 og þar með eru möguleikar New Orleans nánast úr sögunni. Andrei Kirilenko átti enn einn stórleikinn fyrir Utah með 25 stig, 9 fráköst, 7 varin skot og 6 stoðsendingar. David West var einnig frábær í liði New Orleans með 31 stig og 12 fráköst. LA Clippers er nú komið í 5. sætið í Vesturdeildinni ásamt Memphis eftir 101-97 útisigur á Seattle. Elton Brand skoraði 30 stig og hirti 15 fráköst fyrir Clippers en Ray Allen skoraði 33 stig fyrir Seattle og vantar nú aðeins 12 þriggja stiga körfur í síðustu þremur leikjunum til að slá NBA met Dennis Scott yfir flesta þrista skoraða á einu tímabili. Kobe Bryant sló stigametið hjá LA Lakers á einu tímabili þegar hann sallaði 50 stigum á lánlaust og undirmannað lið Portland í 110-99 sigri Lakers. Þetta var í 6. skiptið í vetur og 11. skiptið á ferlinum sem Bryant fer yfir 50 stiga múrinn. Lamar Odom náði þrennu annan leikinn í röð með 16 stigum, 12 fráköstum og 12 stoðsendingum. Martell Webster skoraði 18 stig fyrir Portland. Charlotte lagði Atlanta 116-110. Raymont Felton skoraði 27 stig og gaf 8 stoðsendingar hjá Charlotte, en Joe Johnson skoraði 35 stig og gaf 9 stoðsendingar hjá Atlanta. Mike James setti persónulegt met gegn sínum gömlu félögum þegar hann skoraði 39 stig fyrir Toronto í 108-103 sigri liðsins á Detroit Pistons. Rip Hamilton skoraði 16 stig fyrir Detroit, sem tapaði þar með aðeins sínum 16. leik í vetur og virðist vera komið með hugann við úrslitakeppnina. New Jersey lagði Boston 79-74. Vince Carter skoraði 15 stig fyrir New Jersey, en Paul Pierce skoraði 22 stig fyrir Boston. Milwaukee vann auðveldan sigur á New York 97-80. Michael Redd skoraði 23 stig fyrir Milwaukee en Maurice Taylor skoraði 22 stig fyrir New York. Larry Brown var ekki á hliðarlínunni hjá New York af heilsufarsástæðum, en hann var enn eina ferðina fluttur á sjúkrahús eftir síðasta leik og þó læknar hefðu gefið honum grænt ljós á leikinn í kvöld - ákvað hann að hvíla sig. Indiana vann átakalítinn sigur á Minnesota 89-77 og nú bíða margir eftir því að forráðamenn deildarinnar geri athugasemdir við liðsuppstillingu Minnesota undanfarið, því vafasamt þykir að allir lykilmenn liðsins skuli vera komnir á meiðslalistann í lokin þegar að engu er að keppa. Jermaine O´Neal skoraði 29 stig og hirti 12 fráköst fyrir Indiana, en Adrian Griffin skoraði 18 stig og hirti 12 fráköst fyrir Minnesota. Golden State lagði Phoenix 110-102. Jason Richardson skoraði 27 stig fyrir Golden State, en Shawn Marion skoraði 31 stig og hirti 12 fráköst fyrir Phoenix og franski framherjinn Boris Diaw náði aftur þrennu með 11 stigum, 16 stoðsendingum og 11 fráköstum. Byrjunarbakverðir Phoenix, þeir Raja Bell og Steve Nash, voru hvíldir í leiknum.
Erlendar Íþróttir Körfubolti NBA Mest lesið „Ég valdi bara bestu gelluna, hún gæti reyndar verið mamma mín“ Sport Tryggði sig á heimsleikana en endaði á sjúkrahúsi tveimur dögum síðar Sport Forsetinn gaf öllum nýja bíla Fótbolti „Stress og spenningur að flytja einn út og þurfa læra á uppþvottavél“ Handbolti Mömmu þjálfarans fannst framkoma Bellingham viðbjóðsleg Fótbolti Fyrrum methafi lést aðeins 28 ára Sport Óvænt stjarna með súperinnkomu af bekknum þegar Pacers komst í 2-1 Körfubolti Tannlæknir keppir á opna bandaríska Golf Alexander-Arnold kominn með númer Fótbolti Sú markahæsta frá upphafi „með hreina samvisku“ Fótbolti Fleiri fréttir Funduðu á eyju um kaup Arsenal á Gyökeres Bíða eftir gúmmíi og spila á Þórsvelli eins og stelpurnar Þrjár erlendar til nýliðanna á Akureyri Freyr missir stjörnuleikmann í marga mánuði „Ennþá bjartsýnn en tapið á föstudaginn var þungt högg“ Draumur Cunha rættist Lindex-mótið á dagskrá í kvöld Morata og fjölskylda hans fékk morðhótanir Sané mættur til Tyrklands Sigtryggur Arnar framlengdi við Tindastól Mótherjar Íslands urðu fyrir áfalli rétt fyrir EM Forsetinn gaf öllum nýja bíla Bað þjóðina um að fyrirgefa þeim Lífsferill íþróttamannsins: Að vera eða ekki vera afreks Setti heimsmet og gaf síðan ungum aðdáenda medalíuna sína „Stress og spenningur að flytja einn út og þurfa læra á uppþvottavél“ Þær sem láta frysta eggin sín halda stöðu sinni á heimslistanum Tannlæknir keppir á opna bandaríska Íslensku konurnar niður um eitt sæti á FIFA-listanum Tryggði sig á heimsleikana en endaði á sjúkrahúsi tveimur dögum síðar Pólski þjálfarinn segir af sér eftir deilurnar við Lewandowski „Ég valdi bara bestu gelluna, hún gæti reyndar verið mamma mín“ Óvænt stjarna með súperinnkomu af bekknum þegar Pacers komst í 2-1 Alexander-Arnold kominn með númer Sú markahæsta frá upphafi „með hreina samvisku“ Mömmu þjálfarans fannst framkoma Bellingham viðbjóðsleg Fyrrum methafi lést aðeins 28 ára Dagskráin í dag: Nóg af golfi, Lindex mótið og íshokkí Sané fær ofurlaun hjá Galatasaray Sigurjón kjörinn forseti Alþjóða kraftlyftingasambandsins Sjá meira