Hjalti Þór Vignisson hefur verið ráðinn í starf bæjarstjóra í sveitafélaginu Hornafirði. Á fréttavefnum Horn.is kemur fram að það hafi verið samdóma álit nýs meirihluta framsóknarmanna og Samfylkingar að ráða Hjalta í starfið. Hann hefur undanfarið verið aðstoðarbæjarstjóri samhliða því að vera forstöðumaður Menningarmiðstöðvar Hornafjarðar. Hjalti mun hefja störf um leið og nýr meirihluti tekur við um miðjan júní. Hann verður líklega yngsti bæjarstjóri landsins en hann er 28 ára að aldri.
Nýr bæjarstjóri á Hornafirði
