Kynferðisbrotadeild tekur til starfa í byrjun næsta árs þegar lögregluembættin á höfuðborgarsvæðinu verða sameinuð.
Steinunn Guðbjartsdóttir, einn af lögmönnum neyðarmóttöku þolenda kynferðisbrota, fagnar þessu. Hún bendir á að nú sé bara ein ofbeldisbrotadeild í Reykjavík sem sinni líkamsárásum, morðum og kynferðisbrotum. Þessi mál eru eðlisólík, segir Steinunn, og að með stofnun deildarinnar megi búast við að sérfræðiþekking og áhugi á þessum málum aukist og rannsókn taki skemmri tíma.
