Ungur maður gerði í nótt tilraun til einskonar bankaráns með því að reyna að stela hraðbanka í heilu lagi við Laugaveg í Reykjavík. Hann beitti öflugu kúbeini og var búinn að losa bankann úr festingunum þegar lögregla greip hann glóðvolgan á vettvangi. Hraðbankinn er það þungur að þjófurinn hefði varla getað numið hann á brott einn síns liðs, en ekki liggur fyrir hvort hann átti sér vitorðsmann.
