Frey fer ekki til Man. Utd

Umboðsmaður franska markvarðarins Sebastien Frey hefur fullvissað stuðningsmenn Fiorentina um að félagið sé ekki við það að missa markvörðinn sinn til Man. Utd.

Hermt var á dögunum að Man. Utd ætlaði sér að bjóða 18 milljón evrur í markvörðinn. Umboðsmaðurinn segir það engu breyta þar sem Frey sé sáttur í herbúðum félagsins.

„Stuðningsmennirnir þurfa ekkert að óttast. Frey líður vel í Flórens og ég hef aldrei rætt við forráðamenn Man. Utd," sagði umbinn.

Frey hefur spilað á Ítalíu nánast allan sinn feril en hann kom til Inter frá Cannes árið 1998. Hann var einnig hjá Verona og Parma áður en hann kom til Fiorentina árið 2005.