Styttist í gjalddaga á risaláni til Actavis Jón Aðalsteinn Bergsveinsson skrifar 17. júní 2009 08:30 Björgólfur Thor Gjalddagi á lánasafni Deutsche Bank til Novators vegna yfirtöku félagsins á Actavis í júlí í hittifyrra rennur upp á næsta ári. Lánið hljóðar upp á um fjóra milljarða evra, jafnvirði um sjö hundruð milljarða króna að núvirði. Það, ásamt öðrum lánum sem Novator tók í tengslum við yfirtökuna, liggur nú í bókum Actavis. Eftir því sem næst verður komist er félagið í skilum með öll lán sem tekin voru í tengslum við yfirtökuna fyrir tæpum tveimur árum. Lítið hefur verið gefið upp um lánveitingar til Novators í tengslum við yfirtökuna, sem kostaði sex milljarða evra, jafnvirði rúmra eitt þúsund milljarða króna, og voru stærstu fyrirtækjakaup Íslandssögunnar. Eftir því sem næst verður komist var lán Deutsche Bank kúlulán með um sex prósenta vöxtum með veði í bréfunum sjálfum. Slíkt er reyndar ekki óalgengt í skuldsettum yfirtökum. Þetta er mesta skuldabyrði Actavis í dag og umfangsmesta lánveiting Deutsche Bank til eins lántakanda. Landsbankinn og Kaupþing lánuðu hundrað milljónir evra hvort í tengslum við yfirtökuna. Líkt og fram kom í umfjöllun fjölmiðla í síðustu viku um stöðu Novator Pharma, félagsins sem skrifað er fyrir eignarhlut Björgólfs Thors Björgólfssonar, stjórnarformanns Actavis, nema skuldbindingar gagnvart Landsbankanum í Lundúnum 206 milljónum evra, jafnvirði 35 milljarða króna hið minnsta. Skuldbindingar félagsins gagnvart bönkunum tveimur nema þessu samkvæmt nálægt 53 milljörðum íslenskra króna. Ekki liggur fyrir hvort bankarnir komu að hlutafjáraukningu félagsins í september í fyrra en þá þurfti Novator að bæta við tuttugu milljörðum króna í sjóði Actavis. Eftir því sem næst verður komist eru lán íslensku bankanna með breytirétti og ellefu prósenta vöxtum. Þau eru aftast í kröfuhafaröðinni en þó á undan hlutafjáreign, sem iðulega er aftast. Skuldbindingar félaga sem tengjast Björgólfi Thor gagnvart Landsbankanum koma ekki fram í ársreikningum bankans. Í reikningunum eru tilteknar skuldbindingar Björgólfs Guðmundssonar, föður hans, gagnvart bankanum. Einungis skuldbindingar stjórnarmanna gagnvart félögum á borð við gamla Landsbankann eru tilteknar í ársreikningum, samkvæmt upplýsingum endurskoðenda bankans á sínum tíma. Ekki skiptir máli þótt Björgólfur Thor hafi átti rúman fjörutíu prósenta hlut í Landsbankanum ásamt föður sínum í gegnum eignarhaldsfélagið Samson. Ásgeir Friðgeirsson, upplýsingafulltrúi Björgólfs, segir eðlilegt að íslensku bankarnir hafi komið að fyrri fjárfestingarverkefnum Björgólfs Thors, svo sem í búlgarska fjarskiptafyrirtækinu BTC, og hagnast vel. Viðmælendur Markaðarins segja stöðu Actavis sterka þrátt fyrir alþjóðlegar efnahagsþrengingar. Ljóst þykir að framtíð Actavis liggur í höndum Deutsche Bank, sem hafi frá upphafi stefnt á að selja samheitalyfjafyrirtækið áður en gjalddaginn rynni upp á næsta ári. Bandaríski fjárfestingarbankinn Merrill Lynch hefur veitt ráðgjöf um framtíð Actavis síðan í október í fyrra. Ásgeir segir allt í skoðun: „Menn hafa ekkert útilokað. Það er vindasamt á mörkuðum og menn stöðugt að skoða stöðuna. Hlutirnir geta breyst mikið á sex mánuðum." Hann segir að þar á meðal hafi komið til greina að skrá Actavis aftur á markað. Ekki komi þó til greina að skrá það hér. Orðrómur fór á kreik í síðustu viku að þýska samheitalyfjafyrirtækið Stada væri að íhuga kaup á hlut Actavis. Það hefur ekki fengist staðfest enda félagið ekki upplýsingaskylt eftir að það var tekið af markaði. Nokkrir möguleikar munu þó vera í stöðunni til að greiða upp lánið. Einn þeirra er að selja Actavis til evrópskra lyfjafyrirtækja. Þau munu þó fremur hafa áhuga á að kaupa hluta Actavis en félagið allt. Bandarísk lyfjafyrirtæki munu þó áhugasamari um félagið allt enda líti þau á Actavis sem dyr inn á evrópskan lyfjamarkað. Takist ekki að selja félagið má gera ráð fyrir að semja verði um lengri frest á gjalddaganum eða endurfjármagna það eftir öðrum leiðum, samkvæmt heimildum Markaðarins. Markaðir Mest lesið Vodafone, Stöð 2, Stöð 2+ og Stöð 2 Sport sameinast undir merki Sýnar Viðskipti innlent SVEIT þarf að greiða milljón á dag þar til gögn eru afhent Viðskipti innlent Búinn að afnema regluverkið sem tafði fyrir opnun Kastrup Viðskipti innlent Skúli og félagar aftur sýknaðir af milljarðakröfum Viðskipti innlent Segir ljóst að SVEIT hafi eitthvað að fela Viðskipti innlent Stórfyrirtæki flýi borgina vegna skatta Viðskipti innlent Starbucks frestar opnun fram í lok sumars Viðskipti innlent Húsgagnahöllin sektuð fyrir ósanngjarnar auglýsingar Neytendur Mjög mikilvægt að eiga besta vin í vinnunni Atvinnulíf SVEIT kærir dagsektir Samkeppniseftirlitsins Viðskipti innlent Fleiri fréttir Stórfyrirtæki flýi borgina vegna skatta Skúli og félagar aftur sýknaðir af milljarðakröfum Magnús Þór leggur Samtökum iðnaðarins ráð Búinn að afnema regluverkið sem tafði fyrir opnun Kastrup Segir ljóst að SVEIT hafi eitthvað að fela Íris nýr sviðsstjóri hjá VSB verkfræðistofu SVEIT kærir dagsektir Samkeppniseftirlitsins Vodafone, Stöð 2, Stöð 2+ og Stöð 2 Sport sameinast undir merki Sýnar Starbucks frestar opnun fram í lok sumars SVEIT þarf að greiða milljón á dag þar til gögn eru afhent Embla Medical hlaut útflutningsverðlaun forsetans og Ragnar Kjartans heiðraður Aukinn samdráttur á flugi til Íslands með breyttu Play Skattur á atvinnuhúsnæði hækkað um helming á áratug Tekur við fyrirtækjaráðgjöf Arion banka Hlutabréf Play ruku upp við opnun markaða „Erum bara að hætta þeirri starfsemi sem hefur gengið illa“ Áttatíu milljóna gjaldþrot Heimabakarís á Húsavík Vilja taka yfir Play Boða komu HBO Max til landsins á ný Pála ráðin kynningarfulltrúi BHM Bjarki og Axel Valdemar nýir forstöðumenn hjá atNorth Umsóknir í HA aldrei verið fleiri Keyptu Brauðhúsið til að fara ekki á hausinn 118 ára sögu Hans Petersen að ljúka Boða tæp 10% þjóðarinnar á hluthafafund Miðeind festir kaup á Snöru Keypti hús við Sóleyjargötu af borginni á 310 milljónir Minni þorskafli kosti fleiri milljarða Verður nýr yfirlögfræðingur SFF Ráðin forstöðumaður hjá Eimskip Sjá meira
Gjalddagi á lánasafni Deutsche Bank til Novators vegna yfirtöku félagsins á Actavis í júlí í hittifyrra rennur upp á næsta ári. Lánið hljóðar upp á um fjóra milljarða evra, jafnvirði um sjö hundruð milljarða króna að núvirði. Það, ásamt öðrum lánum sem Novator tók í tengslum við yfirtökuna, liggur nú í bókum Actavis. Eftir því sem næst verður komist er félagið í skilum með öll lán sem tekin voru í tengslum við yfirtökuna fyrir tæpum tveimur árum. Lítið hefur verið gefið upp um lánveitingar til Novators í tengslum við yfirtökuna, sem kostaði sex milljarða evra, jafnvirði rúmra eitt þúsund milljarða króna, og voru stærstu fyrirtækjakaup Íslandssögunnar. Eftir því sem næst verður komist var lán Deutsche Bank kúlulán með um sex prósenta vöxtum með veði í bréfunum sjálfum. Slíkt er reyndar ekki óalgengt í skuldsettum yfirtökum. Þetta er mesta skuldabyrði Actavis í dag og umfangsmesta lánveiting Deutsche Bank til eins lántakanda. Landsbankinn og Kaupþing lánuðu hundrað milljónir evra hvort í tengslum við yfirtökuna. Líkt og fram kom í umfjöllun fjölmiðla í síðustu viku um stöðu Novator Pharma, félagsins sem skrifað er fyrir eignarhlut Björgólfs Thors Björgólfssonar, stjórnarformanns Actavis, nema skuldbindingar gagnvart Landsbankanum í Lundúnum 206 milljónum evra, jafnvirði 35 milljarða króna hið minnsta. Skuldbindingar félagsins gagnvart bönkunum tveimur nema þessu samkvæmt nálægt 53 milljörðum íslenskra króna. Ekki liggur fyrir hvort bankarnir komu að hlutafjáraukningu félagsins í september í fyrra en þá þurfti Novator að bæta við tuttugu milljörðum króna í sjóði Actavis. Eftir því sem næst verður komist eru lán íslensku bankanna með breytirétti og ellefu prósenta vöxtum. Þau eru aftast í kröfuhafaröðinni en þó á undan hlutafjáreign, sem iðulega er aftast. Skuldbindingar félaga sem tengjast Björgólfi Thor gagnvart Landsbankanum koma ekki fram í ársreikningum bankans. Í reikningunum eru tilteknar skuldbindingar Björgólfs Guðmundssonar, föður hans, gagnvart bankanum. Einungis skuldbindingar stjórnarmanna gagnvart félögum á borð við gamla Landsbankann eru tilteknar í ársreikningum, samkvæmt upplýsingum endurskoðenda bankans á sínum tíma. Ekki skiptir máli þótt Björgólfur Thor hafi átti rúman fjörutíu prósenta hlut í Landsbankanum ásamt föður sínum í gegnum eignarhaldsfélagið Samson. Ásgeir Friðgeirsson, upplýsingafulltrúi Björgólfs, segir eðlilegt að íslensku bankarnir hafi komið að fyrri fjárfestingarverkefnum Björgólfs Thors, svo sem í búlgarska fjarskiptafyrirtækinu BTC, og hagnast vel. Viðmælendur Markaðarins segja stöðu Actavis sterka þrátt fyrir alþjóðlegar efnahagsþrengingar. Ljóst þykir að framtíð Actavis liggur í höndum Deutsche Bank, sem hafi frá upphafi stefnt á að selja samheitalyfjafyrirtækið áður en gjalddaginn rynni upp á næsta ári. Bandaríski fjárfestingarbankinn Merrill Lynch hefur veitt ráðgjöf um framtíð Actavis síðan í október í fyrra. Ásgeir segir allt í skoðun: „Menn hafa ekkert útilokað. Það er vindasamt á mörkuðum og menn stöðugt að skoða stöðuna. Hlutirnir geta breyst mikið á sex mánuðum." Hann segir að þar á meðal hafi komið til greina að skrá Actavis aftur á markað. Ekki komi þó til greina að skrá það hér. Orðrómur fór á kreik í síðustu viku að þýska samheitalyfjafyrirtækið Stada væri að íhuga kaup á hlut Actavis. Það hefur ekki fengist staðfest enda félagið ekki upplýsingaskylt eftir að það var tekið af markaði. Nokkrir möguleikar munu þó vera í stöðunni til að greiða upp lánið. Einn þeirra er að selja Actavis til evrópskra lyfjafyrirtækja. Þau munu þó fremur hafa áhuga á að kaupa hluta Actavis en félagið allt. Bandarísk lyfjafyrirtæki munu þó áhugasamari um félagið allt enda líti þau á Actavis sem dyr inn á evrópskan lyfjamarkað. Takist ekki að selja félagið má gera ráð fyrir að semja verði um lengri frest á gjalddaganum eða endurfjármagna það eftir öðrum leiðum, samkvæmt heimildum Markaðarins.
Markaðir Mest lesið Vodafone, Stöð 2, Stöð 2+ og Stöð 2 Sport sameinast undir merki Sýnar Viðskipti innlent SVEIT þarf að greiða milljón á dag þar til gögn eru afhent Viðskipti innlent Búinn að afnema regluverkið sem tafði fyrir opnun Kastrup Viðskipti innlent Skúli og félagar aftur sýknaðir af milljarðakröfum Viðskipti innlent Segir ljóst að SVEIT hafi eitthvað að fela Viðskipti innlent Stórfyrirtæki flýi borgina vegna skatta Viðskipti innlent Starbucks frestar opnun fram í lok sumars Viðskipti innlent Húsgagnahöllin sektuð fyrir ósanngjarnar auglýsingar Neytendur Mjög mikilvægt að eiga besta vin í vinnunni Atvinnulíf SVEIT kærir dagsektir Samkeppniseftirlitsins Viðskipti innlent Fleiri fréttir Stórfyrirtæki flýi borgina vegna skatta Skúli og félagar aftur sýknaðir af milljarðakröfum Magnús Þór leggur Samtökum iðnaðarins ráð Búinn að afnema regluverkið sem tafði fyrir opnun Kastrup Segir ljóst að SVEIT hafi eitthvað að fela Íris nýr sviðsstjóri hjá VSB verkfræðistofu SVEIT kærir dagsektir Samkeppniseftirlitsins Vodafone, Stöð 2, Stöð 2+ og Stöð 2 Sport sameinast undir merki Sýnar Starbucks frestar opnun fram í lok sumars SVEIT þarf að greiða milljón á dag þar til gögn eru afhent Embla Medical hlaut útflutningsverðlaun forsetans og Ragnar Kjartans heiðraður Aukinn samdráttur á flugi til Íslands með breyttu Play Skattur á atvinnuhúsnæði hækkað um helming á áratug Tekur við fyrirtækjaráðgjöf Arion banka Hlutabréf Play ruku upp við opnun markaða „Erum bara að hætta þeirri starfsemi sem hefur gengið illa“ Áttatíu milljóna gjaldþrot Heimabakarís á Húsavík Vilja taka yfir Play Boða komu HBO Max til landsins á ný Pála ráðin kynningarfulltrúi BHM Bjarki og Axel Valdemar nýir forstöðumenn hjá atNorth Umsóknir í HA aldrei verið fleiri Keyptu Brauðhúsið til að fara ekki á hausinn 118 ára sögu Hans Petersen að ljúka Boða tæp 10% þjóðarinnar á hluthafafund Miðeind festir kaup á Snöru Keypti hús við Sóleyjargötu af borginni á 310 milljónir Minni þorskafli kosti fleiri milljarða Verður nýr yfirlögfræðingur SFF Ráðin forstöðumaður hjá Eimskip Sjá meira