Meira en fimmtíu bálreiðir mótmælendur komu í veg fyrir að færeyskir sjómenn gætu landað makrílafla í bænum Peterhead í Skotlandi í fyrrakvöld.
Seint um kvöldið gáfust Færeyingarnir upp og sigldu úr höfn.
Skoskir sjómenn eru afar ósáttir við veiðar Færeyinga og Íslendinga á makríl þrátt fyrir að ekki hafi tekist samkomulag um skiptingu heildarafla úr stofninum. Bæði norsk stjórnvöld og ráðamenn í Evrópusambandinu hafa gagnrýnt þessar veiðar.- gb
