Orðsending frá Dögun til lesenda Fréttablaðsins Þorleifur Gunnlaugsson skrifar 24. maí 2014 17:13 Fréttablaðið heldur uppteknum hætti og hunsar Dögun í Reykjavík í daglegri úttekt um ýmis mál, tengdum borgarrekstrinum og afstöðu annarra framboða. Því höfum við brugðið á það ráð að fjalla um sömu mál hér á vefmiðlinum vísir.is. Kunnum við þakkir fyrir að sá miðill skuli vera okkur opinn. Fáir munu vilja ljá okkur lið ef við eigum þess ekki kost að koma stefnumálum okkar og útfærslum á framfæri. Ekki trúi ég öðru en einhverjum lesendum Fréttablaðsins þyki þeir vera hlunnfarnir að fá ekki að kynnast sjónarmiðum allra framboða. Umfjöllun dagsins eru fjármál borgarinnar. Þar hefur Dögun í Reykjavík mótað ákveðnar áherslur bæði hvað varðar útgjöld og tekjur.Félagsbústaðir hf. er stöndugt fyrirtæki í eigu borgarinnar með yfir 2200 íbúðir og 19 milljarða eiginfjárstöðu. Uppbygging mikils fjölda íbúða á þeirra vegum verður að mestu fjármögnuð með lánum. Þess utan leggur Dögun í Reykjavík áherslu á að aðrar stofnframkvæmdir verði að mestu leyti látnar bíða á meðan svarað verður gríðarlegri eftirspurn eftir félagslegu húsnæðiÁ meðan innheimt er gjald fyrir grunnþjónustu á borð við leikskóla, frístundaheimili og skólamáltíðir vill Dögun í Reykjavík tekjutengja gjaldskrár þannig að lágtekju- og millitekjuhópar borgi minna.Með því að tekjutengja frístundakortið verður börnum efnaminni foreldra auðveldað að stunda íþróttir og tómstundir.Með því að selja bílastæðahús borgarinnar og láta andvirðið renna í samgöngusjóð er hægt að styrkja almenningssamgöngur verulega. Reikna má með því að sala bílastæðahúsa gefi á fjórða milljarð króna til borgarinnar. Tillaga sem gerir þetta mögulegt rataði inn í samgöngufrumvarp sem enn er óafgreitt. Markaðsvæðing bílastæðahúsanna mun að öllum líkindum verða til þess að bílastæðagjöld í miðbænum hækka. Samkvæmt tillögum okkar flyst opinber stuðningur í samgöngumálum frá einkabílnum og yfir á almenningssamgöngur.Borgin hefur á undanförnum árum útvistað margvíslegri þjónustu og verkefnum, selt tæki og búnað og leigt aftur. Þetta hefur í mörgum tilfellum haft aukinn kostnað og óöryggi varðandi þjónustu í för með sér. Dögun í Reykjavík vill að borgin eignist aftur bíla, tæki og búnað og að Vélamiðstöð og Trésmiðja borgarinnar verði endurreist. Einnig taki borgin yfir tryggingar, ræstingar og flesta aðra þjónustu sem hefur verið úthýst. Mun þetta hafa mikið hagræði í för með sér þar sem stærðarhagkvæmnin er mikil, auk þess að fjölga störfum á vegum borgarinnar.Dögun í Reykjavik vill stofna banka í eigu Reykjavíkurborgar sem rekinn verður til hagsbóta fyrir borgarbúa. Ágóðinn verði nýttur til að greiða að hluta til fyrir útgjöld borgarinnar og hún geti sótt þangað lánsfé á hagstæðum kjörum. Einnig verði möguleiki á að endurfjármagna dýr lán.Dögun í Reykjavík vill að allir íbúar borgarinnar, sem það geta, greiði til borgarsamfélagsins. Þess vegna mun framboðið vinna að því að hluti fjármagnstekjuskatts fólks með háar tekjur, renni til sveitarfélagsins. Dögun í Reykjavík vill minnka miðstýringu borgarinnar til muna og auka á dreifstýringu. Þetta hefði það í för með sér að allt sem tilheyrir nærumhverfinu, flyttist til hverfanna. Þetta var gert í Osló og þar í borg sögðu ráðamenn að það hefði haft í för með sér 10% hagræðingu fyrir borgina, sem fyrst og fremst var rakin til þess að nærumhverfið fór betur með fé. Dögun í Reykjavík vill að Reykjavíkurborg styðji við hvers kyns samvinnurekstur íbúanna.Dögun í Reykjavík vill að 15-25% fjárhagsáætlunar borgarinnar verði unnin með beinni aðkomu íbúanna.Dögun í Reykjavík vill að möguleikar rafrænnar stjórnsýslu og rafræns lýðræðis verði nýttir til hins ýtrasta. Þetta mun ekki aðeins bæta þjónustuna heldur einnig draga úr kostnaði.Síðast en ekki síst vill Dögun í Reykjavík stokka upp fjárhagsramma borgarinnar. Rammarnir, sem sniðnir eru um þarfir hvers málaflokks fyrir sig, voru ákveðnir fyrir margt löngu og síðan hefur ýmislegt breyst. Borgin hefur tekið að sér stór verkefni, s.s. málaflokk fatlaðra og óumdeilt er að hrunið hefur aukið verulega á velferðarkostnað. Því er að mati Dögunar í Reykjavík tímabært að hugsa öll fjárútlát upp á nýtt, með þá forgangsröðun í huga að allir hafi í sig og á, þak yfir höfuðið og að öll börn hafi möguleika á að þroskast á eðlilegan hátt. Að öðru leiti bendi ég á stefnu Dögunar í Reykjavík á heimasíðu framboðsins og stjórnmála app okkar.Þorleifur Gunnlaugsson, oddviti Dögunar í Reykjavík. Viltu birta grein á Vísi? Sendu okkur póst. Senda grein Forsetakosningar 2016 Skoðun Kosningar 2014 Höfuðborgarsvæðið Mest lesið Þegar ég fékk séns Heiða Ingimarsdóttir Skoðun Ósnertanlegir eineltisseggir og óhæfir starfsmenn Diljá Mist Einarsdóttir Skoðun Evrópumet! Háskólamenntun minnst metin á Íslandi Vilhjálmur Hilmarsson Skoðun Opinber skýring til Sigurjóns Þórðarsonar Heiðrún Lind Marteinsdóttir Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Ekkert kerfi lifir af pólitískan geðþótta Guðrún Hafsteinsdóttir Skoðun Verður greinilega að vera Ísrael Hjörtur J. Guðmundsson Skoðun Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson Skoðun Að vera hvítur og kristinn Guðbrandur Einarsson Skoðun Þegar undirskrift skiptir máli – um gervigreind, vottun og verðmæti mannlegra athafna Henning Arnór Úlfarsson Skoðun Skoðun Skoðun Áhrif veiðigjalda ná út fyrir atvinnugreinina Ásgerður Kristín Gylfadóttir skrifar Skoðun Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson skrifar Skoðun RÚV - ljósritunarstofa ríkisins? Birgir Finnsson skrifar Skoðun Að vera hvítur og kristinn Guðbrandur Einarsson skrifar Skoðun Heilbrigðisþjónusta í heimabyggð – loksins orðin að veruleika Anton Guðmundsson skrifar Skoðun Komum heil heim eftir hvítasunnuhelgina Ágúst Mogensen skrifar Skoðun Leiðin til Parísar (bókstaflega) Ólafur St. Arnarsson skrifar Skoðun Ósnertanlegir eineltisseggir og óhæfir starfsmenn Diljá Mist Einarsdóttir skrifar Skoðun Opinber skýring til Sigurjóns Þórðarsonar Heiðrún Lind Marteinsdóttir skrifar Skoðun Ekkert kerfi lifir af pólitískan geðþótta Guðrún Hafsteinsdóttir skrifar Skoðun Þegar undirskrift skiptir máli – um gervigreind, vottun og verðmæti mannlegra athafna Henning Arnór Úlfarsson skrifar Skoðun Hoppað yfir girðingarnar Vilhjálmur Árnason skrifar Skoðun Þegar ég fékk séns Heiða Ingimarsdóttir skrifar Skoðun Verður greinilega að vera Ísrael Hjörtur J. Guðmundsson skrifar Skoðun Evrópumet! Háskólamenntun minnst metin á Íslandi Vilhjálmur Hilmarsson skrifar Skoðun Ríkið tekur – landsbyggðirnar fá minna Hjálmar Bogi Hafliðason skrifar Skoðun Snjallasta stefnubreyting Samfylkingarinnar Jóhann Frímann Arinbjarnarson skrifar Skoðun Þegar samfélagið þagnar Benóný Valur Jakobsson skrifar Skoðun Stjórnleysi í íslenskri dýravernd Árni Stefán Árnason skrifar Skoðun Olíumjólk Sigurður Ingi Friðleifsson skrifar Skoðun Leikskólagjöld í Kópavogi þau hæstu á landinu Örn Arnarson skrifar Skoðun Pólitískur gúmmítékki Jens Garðar Helgason skrifar Skoðun Þegar bændur bregðast dýrum sínum – Valda þeim þjáningu og skelfilegum dauðdaga Ole Anton Bieltvedt skrifar Skoðun Morðæðið á Gaza - Vitfirringin má ekki eyðileggja mennskuna Jón Baldvin Hannesson skrifar Skoðun Orðsins fyllsta merking Eiríkur Kristjánsson skrifar Skoðun Dóru Björt svarað! Jón G. Hauksson skrifar Skoðun Ísland og hafið: viðbrögð við brotum Ísraels á alþjóðalögum Inga Björk Margrétar Bjarnadóttir,Magnús Magnússon skrifar Skoðun Ekki mínir hagsmunir Berglind Hlín Baldursdóttir skrifar Skoðun Ætlar vinstri meirihlutinn að skila auðu? Þórdís Lóa Þórhalldóttir skrifar Skoðun Óásættanleg málsmeðferð Linda Íris Emilsdóttir,Katrín Oddsdóttir skrifar Sjá meira
Fréttablaðið heldur uppteknum hætti og hunsar Dögun í Reykjavík í daglegri úttekt um ýmis mál, tengdum borgarrekstrinum og afstöðu annarra framboða. Því höfum við brugðið á það ráð að fjalla um sömu mál hér á vefmiðlinum vísir.is. Kunnum við þakkir fyrir að sá miðill skuli vera okkur opinn. Fáir munu vilja ljá okkur lið ef við eigum þess ekki kost að koma stefnumálum okkar og útfærslum á framfæri. Ekki trúi ég öðru en einhverjum lesendum Fréttablaðsins þyki þeir vera hlunnfarnir að fá ekki að kynnast sjónarmiðum allra framboða. Umfjöllun dagsins eru fjármál borgarinnar. Þar hefur Dögun í Reykjavík mótað ákveðnar áherslur bæði hvað varðar útgjöld og tekjur.Félagsbústaðir hf. er stöndugt fyrirtæki í eigu borgarinnar með yfir 2200 íbúðir og 19 milljarða eiginfjárstöðu. Uppbygging mikils fjölda íbúða á þeirra vegum verður að mestu fjármögnuð með lánum. Þess utan leggur Dögun í Reykjavík áherslu á að aðrar stofnframkvæmdir verði að mestu leyti látnar bíða á meðan svarað verður gríðarlegri eftirspurn eftir félagslegu húsnæðiÁ meðan innheimt er gjald fyrir grunnþjónustu á borð við leikskóla, frístundaheimili og skólamáltíðir vill Dögun í Reykjavík tekjutengja gjaldskrár þannig að lágtekju- og millitekjuhópar borgi minna.Með því að tekjutengja frístundakortið verður börnum efnaminni foreldra auðveldað að stunda íþróttir og tómstundir.Með því að selja bílastæðahús borgarinnar og láta andvirðið renna í samgöngusjóð er hægt að styrkja almenningssamgöngur verulega. Reikna má með því að sala bílastæðahúsa gefi á fjórða milljarð króna til borgarinnar. Tillaga sem gerir þetta mögulegt rataði inn í samgöngufrumvarp sem enn er óafgreitt. Markaðsvæðing bílastæðahúsanna mun að öllum líkindum verða til þess að bílastæðagjöld í miðbænum hækka. Samkvæmt tillögum okkar flyst opinber stuðningur í samgöngumálum frá einkabílnum og yfir á almenningssamgöngur.Borgin hefur á undanförnum árum útvistað margvíslegri þjónustu og verkefnum, selt tæki og búnað og leigt aftur. Þetta hefur í mörgum tilfellum haft aukinn kostnað og óöryggi varðandi þjónustu í för með sér. Dögun í Reykjavík vill að borgin eignist aftur bíla, tæki og búnað og að Vélamiðstöð og Trésmiðja borgarinnar verði endurreist. Einnig taki borgin yfir tryggingar, ræstingar og flesta aðra þjónustu sem hefur verið úthýst. Mun þetta hafa mikið hagræði í för með sér þar sem stærðarhagkvæmnin er mikil, auk þess að fjölga störfum á vegum borgarinnar.Dögun í Reykjavik vill stofna banka í eigu Reykjavíkurborgar sem rekinn verður til hagsbóta fyrir borgarbúa. Ágóðinn verði nýttur til að greiða að hluta til fyrir útgjöld borgarinnar og hún geti sótt þangað lánsfé á hagstæðum kjörum. Einnig verði möguleiki á að endurfjármagna dýr lán.Dögun í Reykjavík vill að allir íbúar borgarinnar, sem það geta, greiði til borgarsamfélagsins. Þess vegna mun framboðið vinna að því að hluti fjármagnstekjuskatts fólks með háar tekjur, renni til sveitarfélagsins. Dögun í Reykjavík vill minnka miðstýringu borgarinnar til muna og auka á dreifstýringu. Þetta hefði það í för með sér að allt sem tilheyrir nærumhverfinu, flyttist til hverfanna. Þetta var gert í Osló og þar í borg sögðu ráðamenn að það hefði haft í för með sér 10% hagræðingu fyrir borgina, sem fyrst og fremst var rakin til þess að nærumhverfið fór betur með fé. Dögun í Reykjavík vill að Reykjavíkurborg styðji við hvers kyns samvinnurekstur íbúanna.Dögun í Reykjavík vill að 15-25% fjárhagsáætlunar borgarinnar verði unnin með beinni aðkomu íbúanna.Dögun í Reykjavík vill að möguleikar rafrænnar stjórnsýslu og rafræns lýðræðis verði nýttir til hins ýtrasta. Þetta mun ekki aðeins bæta þjónustuna heldur einnig draga úr kostnaði.Síðast en ekki síst vill Dögun í Reykjavík stokka upp fjárhagsramma borgarinnar. Rammarnir, sem sniðnir eru um þarfir hvers málaflokks fyrir sig, voru ákveðnir fyrir margt löngu og síðan hefur ýmislegt breyst. Borgin hefur tekið að sér stór verkefni, s.s. málaflokk fatlaðra og óumdeilt er að hrunið hefur aukið verulega á velferðarkostnað. Því er að mati Dögunar í Reykjavík tímabært að hugsa öll fjárútlát upp á nýtt, með þá forgangsröðun í huga að allir hafi í sig og á, þak yfir höfuðið og að öll börn hafi möguleika á að þroskast á eðlilegan hátt. Að öðru leiti bendi ég á stefnu Dögunar í Reykjavík á heimasíðu framboðsins og stjórnmála app okkar.Þorleifur Gunnlaugsson, oddviti Dögunar í Reykjavík.
Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson Skoðun
Þegar undirskrift skiptir máli – um gervigreind, vottun og verðmæti mannlegra athafna Henning Arnór Úlfarsson Skoðun
Skoðun Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson skrifar
Skoðun Þegar undirskrift skiptir máli – um gervigreind, vottun og verðmæti mannlegra athafna Henning Arnór Úlfarsson skrifar
Skoðun Þegar bændur bregðast dýrum sínum – Valda þeim þjáningu og skelfilegum dauðdaga Ole Anton Bieltvedt skrifar
Skoðun Ísland og hafið: viðbrögð við brotum Ísraels á alþjóðalögum Inga Björk Margrétar Bjarnadóttir,Magnús Magnússon skrifar
Við stöndum með Anahitu og Elissu Valgerður Árnadóttir,Rósa Líf Darradóttir,Aldís Amah Hamilton,Þorgerður María Þorbjarnardóttir,Árni Finnsson Skoðun
Þegar undirskrift skiptir máli – um gervigreind, vottun og verðmæti mannlegra athafna Henning Arnór Úlfarsson Skoðun