Úkraínski herinn segir að þyrla á þeirra vegum hafi verið skotin niður af aðskilnaðarsinnum í austurhluta landsins.
Frá þessu greinir BBC. Talsmenn hersins segja að þyrlan hafi verið að flytja herbúnað og að hún hafi hrapað stuttu eftir að hún tók á loft í grennd við borgina Slóvíansk, sem er á valdi aðskilnaðarsinna.
Níu manns voru um borð og talið er að allir séu látnir. Í gær sögðu talsmenn aðskilnaðarsinna, sem vilja innlimun austurhluta Úkraínu í Rússland, að þeir myndu virða vopnahlé sem boðað var af úkraínskum stjórnvöldum.
Þyrla skotin niður í Úkraínu
Tengdar fréttir
Átökin breiðast hratt út
Talið er að ellefu manns hafi fallið í átökunum í austurhluta Úkraínu sem breiðast nú hratt út til nærliggjandi borga og bæja.
Vopnahléi lýst yfir í Úkraínu
Petró Porosjenkó, forseti Úkraínu, er búinn að lýsa einhliða yfir vopnahléi í Austur-Úkraínu.
Umdeild atkvæðagreiðsla í Úkraínu
Aðskilnaðarsinnar í Donetsk og Luhansk standa fyrir þjóðaratkvæðagreiðslu um hvort Austur-Úkraína eigi að fá að stjórna sér sjálf.
Enn þokast í samkomulagsátt
Rússland og Úkraína eru í gær sögð hafa náð markverðum árangri í viðræðum um lækkun á afhendingarverði gass og um skuldir ríkisstjórnar Úkraínu við Rússland vegna fyrri gasviðskipta.
Stjórnvöld í Úkraínu endurheimta Mariupol
Innanríkisráðherra landsins, Arseníj Avakoff, sagði í gær að öryggissveitir ríkisstjórnarinnar hefðu nú fulla stjórn á höfuðvígum aðskilnaðarsinna í borginni.
Rússar vilja ekki frekari innlimun
Uppreisnarmenn í Donetsk og Luhansk lýsa yfir sjálfstæði, en fá engar undirtektir hjá rússneskum stjórnvöldum.
