Austin var hluti af nýliðavalinu í deildinni í ár en þurfti að leggja skóna á hilluna nokkrum dögum áður vegna sjaldgæfs hjartagalla. Töldu flestir körfuboltaspekingar erlendis að hann hefði verið valinn í fyrstu umferð.
Austin fékk að vita við læknisskoðun nokkrum dögum fyrir nýliðavalið í sumar að hann væri með Marfan heilkenni, sjaldgæfan hjartagalla sem gerði það að verkum að hann myndi hætta lífi sínu með því að halda áfram að leika körfubolta.
Í ljósi þess að hann þyrfti að hætta vegna veikindanna ákvað NBA-deildin á kvöldi nýliðavalsins að heiðra hann með því að velja hann og veita honum tækifæri á að upplifa stundina sem hann hafði dreymt um. Myndband af því má sjá hér fyrir neðan.
Nú hefur honum hinsvegar verið boðin staða hjá NBA-deildinni þegar hann lýkur háskólanámi sínu við Baylor háskólann í Bandaríkjunum.
