Hrafnhildur Lúthersdóttir varð í gær önnur sundkonan frá Íslandi til að tryggja sér keppnisrétt á Ólympíuleikunum í Ríó á næsta ári.
Hrafnhildur náði lágmarkinu í 200 m fjórsundi er hún synti á 2:13,83 mínútum og bætti þar með Íslandsmetið í greininni um 1,04 sekúndur. Hún bætti einnig mótsmet Smáþjóðaleikanna.
A-lágmark fyrir ÓL í Ríó er 2:14,26 mínútur og tími Hrafnhildar því langt undir lágmarkinu.
Hún á þó eftir að keppa í bringusundi sem er hennar sterkasta grein og verður forvitnilegt að sjá hvernig henni vegnar í henni.
Hrafnhildur náði Ólympíulágmarki
Tengdar fréttir
Hrafnhildur bætti met Eyglóar | Níu íslensk verðlaun í sundinu
Hrafnhildur Lúthersdóttir og Eygló Ósk Gústafsdóttir unnu bæði gullverðlaun á fyrsta keppnisdegi í sundi á Smáþjóðaleikunum í Reykjavík. Anton Sveinn McKee bætti Íslandsmet.
