Ferðamenn kaupa ekki bara minjagripi Sæunn Gísladóttir skrifar 2. nóvember 2015 07:00 Kortavelta erlendra ferðamanna í íslenskum verslunum hefur færst töluvert í aukana undanfarin misseri. Einungis 14,6 prósent af veltunni er í minjagripabúðum. Kaupmenn á Laugavegi segjast finna fyrir aukinni verslun ferðamanna. Samhliða aukningu ferðamanna hefur erlend kortavelta í íslenskum verslunum færst í aukana. Ferðamenn eru ekki einungis spenntir fyrir minjagripum heldur styðja þeir einnig við íslenskar fataverslanir, hönnunarverslanir og sérverslanir. Jakob Frímann Magnússon, framkvæmdastjóri Miðborgarinnar okkar, segist telja að miðbærinn væri ekki jafn skemmtilegur ef ekki væri fyrir ferðamenn. „Það var ósköp mikið fásinni og ósköp tómlegt árin áður en ferðamannastraumurinn kom, sérstaklega svona á haust og vetrarmánuðum.“ Kortavelta erlendra ferðamanna nam 22,2 milljörðum króna í ágúst síðastliðnum sem var 30,7 prósent aukning milli ára. Þar af nam kortavelta í íslenskum verslunum 3,6 milljörðum króna sem er 22 prósent aukning milli ára. Verslun ferðamanna er því farin að hafa töluverð áhrif, sér í lagi í Reykjavíkurborg, sem 97 prósent ferðamanna heimsóttu árið 2014, samkvæmt tölum frá Ferðamálastofu. Búðum sem sérhæfa sig í minjagripum, svokölluðum „lundabúðum“ hefur fjölgað talsvert að undanförnu. Hins vegar nam kortavelta í þeim búðum einungis 14,6 prósentum af heildarkortaveltu erlendra ferðamanna í íslenskum verslunum í ágúst og einungis 15 prósentum í september. Verslunarmenn á Laugavegi sem Fréttablaðið ræddi við segjast hafa fundið fyrir aukningunni í áhuga ferðamanna á verslunum sem ekki eru sérsniðnar fyrir ferðamenn.Jakob Frímann segist aldrei hafa tekið undir þær raddir að það halli eitthvað á verslanir aðrar en ferðamannaverslanir. „Ferðamannaverslanir eru hrein viðbót við það sem fyrir var og hafa verið í umtalsverðum vexti milli ára sem er ofureðlileg afleiðing þessarar miklu aukningar á erlendum gestum og viðskiptavinum sem við höfum séð hér aukast milli ára,“ segir Jakob Frímann. „Þessar sjarmerandi sérverslanir eins og Brynja og Vísir sem eru með „kaupmanns á horninu“ stemningu höfða auðvitað alveg sérstaklega til þeirra ferðamanna sem sjá slíkt varla neins staðar annars staðar í heiminum lengur.“Hanna Soffía Þormar, verslunarstjóri Spúútnik.Upplifa Reykjavík sem tískustað Í ágústmánuði jókst kortavelta erlendra ferðamanna í fataverslunum um 33 prósent. Hanna Soffía Þormar, verslunarstjóri Spúútnik á Laugavegi, segist hafa fundið fyrir einhverri aukningu í fatasölu til ferðamanna. „Ég er búin að vera að vinna í rúmlega fjögur ár í Spúútnik í miðbænum og ég myndi segja að sala til ferðamanna væri jafnt og þétt að aukast. Það er ekki endilega bundið lengur við týpíska ferðamannatíma, heldur allan ársins hring. Það er meira á sumrin, en það hefur orðið svolítil aukning á veturna,“ segir Hanna Soffía. „Ég myndi segja að það væri enginn ákveðinn tími sem ferðamennirnir hætta að koma. Margir koma á Airwaves, gamlárskvöld og Sónar, það er eitthvað sem dregur ferðamenn að á öllum tímum.“ Hanna Soffía telur að erlendir ferðamenn upplifi Reykjavík á vissan hátt sem tískustað. „Ég hef heyrt það frá ferðamönnum að þeim finnst Íslendingar mjög vel klæddir hérna í miðbænum. Ég hef fengið mjög jákvætt „feedback“ frá þeim.“Frank Michelsen, úrsmiður og eigandi Michelsen.Veturferðamenn verðmætastir Frank Michelsen, úrsmiður og verslunarstjóri í Michelsen, segist einnig finna fyrir auknum áhuga ferðamanna. Hins vegar sé mest um ferðamenn hjá þeim á veturna. „Við erum ekki mikið að finna fyrir sumarferðamönnunum en verðmætustu ferðamennirnir fyrir okkur eru þeir sem eru að fara í helgarferðir yfir veturinn,“ segir Frank. „Þeir ferðamenn sem koma yfir sumarið eru að koma til að njóta náttúrunnar. Þeir ferðamenn sem koma yfir veturinn, ráðstefnugestir til dæmis, eru að koma og njóta borgarinnar og versla í leiðinni.“ Aðspurður segir hann aukningu hafa orðið í sölu í fyrravetur til ferðamanna. Hins vegar sé ekki komin mikil reynsla á það fyrir árið 2015.Guðrún Jóhannesdóttir, eigandi KokkuHafa áhrif á vöruúrval Guðrún Jóhannesdóttir, eigandi Kokku, segir eðlilegt að finna fyrir þessum aukna áhuga ferðamanna. „Þegar maður er ferðamaður langar mann ekki bara í minjagripabúðir. Fólk hefur áhuga á að skoða skemmtilegar vörur í skemmtilegum búðum og ég held að fólk sæki mikið í miðbæinn vegna þess að þar er mikið af sjálfstæðum litlum búðum, þar sem kaupmennirnir velja sjálfir vörurnar og vöruúrvalið er því sérstakara.“ Guðrún segist fagna fjölgun ferðamanna í miðborginni, hún sé að gera það að verkum að miðborgin sé að stækka. Fjölgað hefur verslunum og afþreyingu til dæmis á Hverfisgötu og er Grandasvæðið að blómstra. Hún segir fjölda erlendra viðskiptavina hafa áhrif á vöruvalið inn í búðina. „Ef fólk er að leita að einhverju litlu sniðugu að setja í ferðatöskuna þá auðvitað eykur maður úrvalið af því. Að sjálfsögðu hefur það áhrif en þá eru það kannski líka litlir sætir hlutir sem íslendingar hafa gaman af. Okkar markhópur er alltaf Íslendingar, það eru þeir sem eyða pening hjá okkur,“ segir Guðrún. Ferðamennska á Íslandi Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Nafn mannsins sem lést í vinnuslysi í Árborg Innlent Fjórir í bílnum en enginn við stýrið Innlent Fleiri fréttir Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Boða til kyrrðarstundar því íslenskt samfélag standi á krossgötum Engar ábendingar borist þrátt fyrir ákall Ríki og sveitarfélög benda á hvort annað varðandi NPA Útlendingum á Íslandi fjölgar hratt Brynjar snýr sér að mannréttindamálum Almenn ánægja með nýtt útlit Alþingis Brynjar segir af sér Forsætisráðherra mætir fyrstur manna í Samtalið Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Sjá meira
Samhliða aukningu ferðamanna hefur erlend kortavelta í íslenskum verslunum færst í aukana. Ferðamenn eru ekki einungis spenntir fyrir minjagripum heldur styðja þeir einnig við íslenskar fataverslanir, hönnunarverslanir og sérverslanir. Jakob Frímann Magnússon, framkvæmdastjóri Miðborgarinnar okkar, segist telja að miðbærinn væri ekki jafn skemmtilegur ef ekki væri fyrir ferðamenn. „Það var ósköp mikið fásinni og ósköp tómlegt árin áður en ferðamannastraumurinn kom, sérstaklega svona á haust og vetrarmánuðum.“ Kortavelta erlendra ferðamanna nam 22,2 milljörðum króna í ágúst síðastliðnum sem var 30,7 prósent aukning milli ára. Þar af nam kortavelta í íslenskum verslunum 3,6 milljörðum króna sem er 22 prósent aukning milli ára. Verslun ferðamanna er því farin að hafa töluverð áhrif, sér í lagi í Reykjavíkurborg, sem 97 prósent ferðamanna heimsóttu árið 2014, samkvæmt tölum frá Ferðamálastofu. Búðum sem sérhæfa sig í minjagripum, svokölluðum „lundabúðum“ hefur fjölgað talsvert að undanförnu. Hins vegar nam kortavelta í þeim búðum einungis 14,6 prósentum af heildarkortaveltu erlendra ferðamanna í íslenskum verslunum í ágúst og einungis 15 prósentum í september. Verslunarmenn á Laugavegi sem Fréttablaðið ræddi við segjast hafa fundið fyrir aukningunni í áhuga ferðamanna á verslunum sem ekki eru sérsniðnar fyrir ferðamenn.Jakob Frímann segist aldrei hafa tekið undir þær raddir að það halli eitthvað á verslanir aðrar en ferðamannaverslanir. „Ferðamannaverslanir eru hrein viðbót við það sem fyrir var og hafa verið í umtalsverðum vexti milli ára sem er ofureðlileg afleiðing þessarar miklu aukningar á erlendum gestum og viðskiptavinum sem við höfum séð hér aukast milli ára,“ segir Jakob Frímann. „Þessar sjarmerandi sérverslanir eins og Brynja og Vísir sem eru með „kaupmanns á horninu“ stemningu höfða auðvitað alveg sérstaklega til þeirra ferðamanna sem sjá slíkt varla neins staðar annars staðar í heiminum lengur.“Hanna Soffía Þormar, verslunarstjóri Spúútnik.Upplifa Reykjavík sem tískustað Í ágústmánuði jókst kortavelta erlendra ferðamanna í fataverslunum um 33 prósent. Hanna Soffía Þormar, verslunarstjóri Spúútnik á Laugavegi, segist hafa fundið fyrir einhverri aukningu í fatasölu til ferðamanna. „Ég er búin að vera að vinna í rúmlega fjögur ár í Spúútnik í miðbænum og ég myndi segja að sala til ferðamanna væri jafnt og þétt að aukast. Það er ekki endilega bundið lengur við týpíska ferðamannatíma, heldur allan ársins hring. Það er meira á sumrin, en það hefur orðið svolítil aukning á veturna,“ segir Hanna Soffía. „Ég myndi segja að það væri enginn ákveðinn tími sem ferðamennirnir hætta að koma. Margir koma á Airwaves, gamlárskvöld og Sónar, það er eitthvað sem dregur ferðamenn að á öllum tímum.“ Hanna Soffía telur að erlendir ferðamenn upplifi Reykjavík á vissan hátt sem tískustað. „Ég hef heyrt það frá ferðamönnum að þeim finnst Íslendingar mjög vel klæddir hérna í miðbænum. Ég hef fengið mjög jákvætt „feedback“ frá þeim.“Frank Michelsen, úrsmiður og eigandi Michelsen.Veturferðamenn verðmætastir Frank Michelsen, úrsmiður og verslunarstjóri í Michelsen, segist einnig finna fyrir auknum áhuga ferðamanna. Hins vegar sé mest um ferðamenn hjá þeim á veturna. „Við erum ekki mikið að finna fyrir sumarferðamönnunum en verðmætustu ferðamennirnir fyrir okkur eru þeir sem eru að fara í helgarferðir yfir veturinn,“ segir Frank. „Þeir ferðamenn sem koma yfir sumarið eru að koma til að njóta náttúrunnar. Þeir ferðamenn sem koma yfir veturinn, ráðstefnugestir til dæmis, eru að koma og njóta borgarinnar og versla í leiðinni.“ Aðspurður segir hann aukningu hafa orðið í sölu í fyrravetur til ferðamanna. Hins vegar sé ekki komin mikil reynsla á það fyrir árið 2015.Guðrún Jóhannesdóttir, eigandi KokkuHafa áhrif á vöruúrval Guðrún Jóhannesdóttir, eigandi Kokku, segir eðlilegt að finna fyrir þessum aukna áhuga ferðamanna. „Þegar maður er ferðamaður langar mann ekki bara í minjagripabúðir. Fólk hefur áhuga á að skoða skemmtilegar vörur í skemmtilegum búðum og ég held að fólk sæki mikið í miðbæinn vegna þess að þar er mikið af sjálfstæðum litlum búðum, þar sem kaupmennirnir velja sjálfir vörurnar og vöruúrvalið er því sérstakara.“ Guðrún segist fagna fjölgun ferðamanna í miðborginni, hún sé að gera það að verkum að miðborgin sé að stækka. Fjölgað hefur verslunum og afþreyingu til dæmis á Hverfisgötu og er Grandasvæðið að blómstra. Hún segir fjölda erlendra viðskiptavina hafa áhrif á vöruvalið inn í búðina. „Ef fólk er að leita að einhverju litlu sniðugu að setja í ferðatöskuna þá auðvitað eykur maður úrvalið af því. Að sjálfsögðu hefur það áhrif en þá eru það kannski líka litlir sætir hlutir sem íslendingar hafa gaman af. Okkar markhópur er alltaf Íslendingar, það eru þeir sem eyða pening hjá okkur,“ segir Guðrún.
Ferðamennska á Íslandi Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Nafn mannsins sem lést í vinnuslysi í Árborg Innlent Fjórir í bílnum en enginn við stýrið Innlent Fleiri fréttir Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Boða til kyrrðarstundar því íslenskt samfélag standi á krossgötum Engar ábendingar borist þrátt fyrir ákall Ríki og sveitarfélög benda á hvort annað varðandi NPA Útlendingum á Íslandi fjölgar hratt Brynjar snýr sér að mannréttindamálum Almenn ánægja með nýtt útlit Alþingis Brynjar segir af sér Forsætisráðherra mætir fyrstur manna í Samtalið Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Sjá meira