„Húsið er í tætlum,“ segir Elísabet Þorvaldsdóttir einn af eigendum veitingavagns við Seljalandsfoss sem splundraðist í óveðrinu sem fór yfir landið í gær.
Tvenn hjón komu að rekstri vagnsins sem var opnaður í júní árið 2013, Elísabet Þorvaldsdóttir og eiginmaður hennar Heimir Hálfdánarson og Kristín Guðbjartsdóttir og Atli Már Bjarnason.
Sjá einnig: Pylsuvagn með minjagripi opnaður við Seljalandsfoss
Elísabet er á staðnum og eru eigendurnir í þessum töluðum orðum að hreinsa upp brakið af veitingavagninum. „Það er okkar forgangsverkefni núna að tína upp og koma þessu í skjól svo það verði ekki tjón á öðrum mannvirkjum sem þetta getur fokið á.“
Hún segir óljóst um framhald á rekstri þeirra, erfitt sé að meta tjónið að svo stöddu. „Við erum bara í því að reyna að tína saman. Það verður bara að koma í ljós hvað verður í framhaldinu.“
Ekki er veðurathuganastöð við Seljalandsfoss en þó í grennd við hann. Til dæmis að Steinum þar sem meðalvindhraði var mestur í gær 24 metrar á sekúndu um sex leytið í gærkvöldi og náðu hviður allt að 52 metrum á sekúndu.
Veitingavagn við Seljalandsfoss splundraðist í óveðrinu
Tengdar fréttir
Seig niður steinkantinn um borð í Storm og naut liðsinnis almennings
Eigandi Storms naut liðsinnis hins almenna borgara við björgun bátsins í nótt.
Þetta er það sem þú þarft að vita um veðrið daginn eftir storminn
Veðrið gengið yfir landið að mestu en enn vindasamt. Rafmagn komið á aftur á flestum stöðum,
Tveir bátar sukku í Reykjavíkurhöfn í nótt
Einn bátur losnaði og töluverðar skemmdir urðu á hafnarmannvirkjum í óviðrinu.
Húsið sem fauk á Patreksfirði eins berskjaldað og mögulegt er
„Ég held það hafi bara komið ein hviða,“ segir Jónas Þrastarson hjá Björgunarsveitinni Blakki.
Vindhraði í gær nærri meti
Hámarks meðalvindhraði var 50,94 metrar á sekúndu.
Mannlaust hús fauk í heilu lagi á Patreksfirði
Brak úr húsinu fauk á önnur hús í nágrenninu.
