Erlendur ferðamaður sem sætir rannsókn lögreglunnar á höfuðborgarsvæðinu vegna gruns um kynferðisbrot gagnvart íslenskri konu aðfaranótt sunnudags er laus úr gæsluvarðhaldi. Hann hefur hins vegar verið úrskurðaður í farbann til þriðjudags.
Eins og fram hefur komið í fréttum Vísis, sem sjá má hér að neðan, var maðurinn hluti af fjölmennum hópi sem kom hingað til lands tl að steggja sameiginlega vin. Gistu þeir á hótelinu Room with a view á Laugavegi en var vísað af hótelinu eftir að lögregla handtók manninn og samferðamenn hans voru teknir til skýrslutöku.
Konan lagði fram kæru á hendur manninum sem er sem fyrr segir laus úr haldi en má ekki yfirgefa landið fyrr en á þriðjudag. Árni Þór Sigmundsson, yfirmaður kynferðisbrotadeildar lögreglu, segir að rannsókn miði vel og stefnt sé á að ljúka henni innan tíðar. Hann vill ekki gefa uppi hvert kynferðisbrotið sé sem maðurinn er grunaður um.
Meintur kynferðisbrotamaður í farbanni til þriðjudags
Tengdar fréttir
Úr steggjapartýi í gæsluvarðhald: Fylgdarliði mannsins vísað af hótelinu
Erlendur ferðamaður hefur verið úrskurðaður í gæsluvarðhald til fimmtudags vegna gruns um kynferðisbrot gegn íslenskri konu.
Í haldi vegna gruns um kynferðisbrot á hótelherbergi
Kona lagði fram kæru vegna kynferðisbrots á hóteli á Laugavegi aðfaranótt sunnudags.
Í gæsluvarðhald vegna gruns um kynferðisbrot á hóteli
Engar upplýsingar fást um það hvort hinn grunaði og sú sem kærði séu ferðamenn eða ekki.
