Stjórnarandstaðan mun leggja fram vantrauststillögu á Sigmund Davíð Gunnlaugsson, forsætisráðherra, og ríkisstjórn hans á Alþingi í dag að sögn Birgittu Jónsdóttur, þingmanns Pírata. Hún segir að verið sé að undirbúa tillöguna og að þingflokkarnir muni funda aftur klukkan 14.
„Við erum náttúrulega að vonast til þess að við þurfum ekki að leggja þessa tillögu fram við erum að vonast til þess að Sigmundur Davíð segi af sér fyrir þingfund í dag. Það er einfaldlega það réttasta í stöðunni,“ segir Birgitta í samtali við Vísi.
Þingfundur hefst klukkan 15 og mun forsætisráðherra sitja fyrir svörum í óundirbúnum fyrirspurnartíma. Bjarni Benediktsson, fjármálaráðherra, átti líka að sitja fyrir svörum en hann er fastur í Bandaríkjunum og mun ekki mæta á þingfund í dag.
Leggja fram vantrauststillögu í dag
Tengdar fréttir
Pabbi Sigmundar ósáttur: Einkavinir Jóhönnu og Steingríms kallaðir til sem sérfræðingar
"Það kom ekkert fram í þessum þætti sem ekki er búið að svara milljón sinnum áður,“ segir Gunnlaugur Sigmundsson.
Bjarni mætir ekki á þingfund í dag
Fjármálaráðherra missti af flugi frá Bandaríkjunum til Íslands í gær.
Þúsundir kalla eftir afsögn Sigmundar Davíðs: „Afhjúpaður sem loddari og lygari“
Gríðarlegur fjöldi hefur boðað komu sína á Austurvöll í dag til að mótmæla og krefjast kosninga vegna tengsla forsætisráðherra við aflandsfélag á Tortóla.
