Curry spilar líklega ekki í kvöld

Besti körfuboltamaður heims, Stephen Curry, er enn að glíma við ökklameiðsli og afar ólíklegt að hann spili gegn Houston Rockets í kvöld.

Golden State leiðir einvígið 2-0 og komst vel af án Curry í síðasta leik. Það er því ekki talið líklegt að liðið vilji tefla á tvær hættur og láta Curry spila of snemma.

„Eins og mér líður núna þá er ég ekki að fara að spila,“ sagði Curry en hann meiddist í fyrsta leik liðanna.

Hann gat þó æft með liðinu í gær en læknar liðsins vilja klárlega gefa honum aðeins meiri hvíld.