May hélt í morgun ræðu þar sem hún útlistaði hvernig bresk stjórnvöld hugðust nálgast Brexit, en ræðunnar var beðið með mikilli eftirvæntingu.
May sagði að hún myndi þó þrýsta á að Bretar fái sem greiðastan aðgang að innri markaðnum eftir útgöngu. Þá sagði hún að breska þingið muni fá að eiga lokaorðið um hvernig sambandi Bretlands og Evrópusambandsins verði háttað.
Í ræðunni sagði May að „miklar fjárveitingar“ Breta til Evrópusambandsins muni nú ljúka.
Í frétt BBC kemur fram að May hafi útlistað markmið breskra stjórnvalda þegar kæmi að viðræðunum við ESB í tólf liðum.
Á meðal þeirra atriða sem May nefndi voru:
- Neðri deild breska þingsins greiði atkvæði um lokasamning ESB og Bretlands, áður en hann tekur gildi
- Unnið verður að því að viðhalda „sameiginlegu ferðasvæði“ milli Bretlands og Írlands
- Breska stjórnin mun vinna að því að ná sem víðtækustum fríverslunarsamningi
- May sagðist vilja að gerður verði tollasamningur við ESB
- Ríkisborgarar aðildarríkja ESB verði áfram velkomnir í Bretlandi
„Nú verðum við að stíga skref til baka og spyrja okkur hvers konar land við viljum vera. Ég vil að Bretland muni aftur stíga fram öflugra en áður, öruggara og sameinað. Ég vil að þetta verði raunverulega alþjóðlegt Bretland,“ sagði May.
"The government will put the final deal agreed between the UK and the EU to a vote in both houses of parliament before it comes into force" pic.twitter.com/KOjtrO40wV
— DailySunday Politics (@daily_politics) January 17, 2017
"The days of Britain making vast contributions to the European Union every year will end" @theresa_may #brexit pic.twitter.com/CSP3nBc0aB
— DailySunday Politics (@daily_politics) January 17, 2017
"No deal for Britain is better than a bad deal for Britain" says @theresa_may as she warns against "punitive deal" that punishes Britain pic.twitter.com/lvmLAPdj20
— DailySunday Politics (@daily_politics) January 17, 2017
