Emmanuel Macron Frakklandsforseti kynnti ríkisstjórn sína í París nú klukkan 13. Alls eru 22 ráðherrar í ríkisstjórninni, helmingurinn þeirra konur.
Hægrimaðurinn og Repúblikaninn Bruno Le Maire, sem var landbúnaðarráðherra á árunum 2009 til 2012, verður nýr fjármálaráðherra og miðjumaðurinn François Bayrou dómsmálaráðherra.
Upphaflega stóð til að ríkisstjórnin yrði kynnt til sögunnar í gær, en því var frestað til dagsins í dag til að hægt væri að kanna fjármál þeirra betur svo að forðast megi hneykslismál.
Le Drian verður utanríkisráðherra
Sósíalistinn Gérard Collomb, borgarstjóri Lyon, verður nýr innanríkisráðherra og Jean-Yves Le Drian, sem hefur verið varnarmálaráðherra landsins á síðustu árum, verður nýr utanríkisráðherra. Le Drian var einna fyrstur úr röðum Sósíalistaflokksins til að lýsa yfir stuðningi við Macron í kosningabaráttunni.Greint var frá því á mánudag að Édouard Philippe, borgarstjóri Le Havre, verði forsætisráðherra landsins.
Evrópuþingmaðurinn Sylvie Goulard verður varnarmálaráðherra og fyrrverandi Ólympíuverðlaunahafinn Laura Flessel ráðherra íþróttamála.
Ríkisstjórnin í heild sinni:
- Forsætisráðherra: Édouard Philippe
- Innanríkisráðherra: Gérard Collomb.
- Umhverfisráðherra: Nicolas Hulot.
- Dómsmálaráðherra: François Bayrou.
- Varnarmálaráðherra: Sylvie Goulard.
- Utanríkisráðherra: Jean-Yves Le Drian.
- Sveitarstjórnarmálaráðherra: Richard Ferrand.
- Heilbrigðisráðherra: Agnès Buzyn.
- Menningarmálaráðherra: Françoise Nyssen.
- Fjármálaráðherra: Bruno Le Maire.
- Vinnumálaráðherra: Muriel Penicaud.
- Menntamálaráðherra: Jean-Michel Blanquer.
- Menningarráðherra: Jacques Mézard.
- Fjárlagaráðherra: Gérald Darmanin.
- Háskólamálaráðherra: Frédérique Vidal.
- Ráðherra sem fer með mál er varða franskra svæða utan Evrópu: Annick Gerardin.
- Íþróttamálaráðherra: Laura Flessel.
- Samgönguráðherra: Elisabeth Borne.
- Evrópumálaráðherra: Marielle de Sarnez.
