Stofna félag um rekstur við Seljalandsfoss

Rangárþing eystra og Landeigendafélag Seljalandsfoss undirbúa stofnun sameiginlegs rekstrarfélags um framkvæmdir og rekstur við Seljalandsfoss og Hamragarðasvæðið.

Hratt vaxandi umsvif hafa verið við Seljalandsfoss á næstliðnum árum vegna mikillar fjölgunar ferðamanna. Áætlað er að yfir hálf milljón manna hafa komið að fossinum í fyrra. Gjaldtaka fyrir bílastæði hófst þar í júlí í sumar og veitinga- og minjagripasala hefur verið þar á svæðinu frá árinu 2013.