Nýr kjarasamningur flugvirkja sem starfa hjá Icelandair var samþykktur í rafrænni kosningu sem lauk í dag. Óskar Einarsson, formaður Flugvirkjafélags Íslands, segir samninginn hafa verið samþykktan með nokkuð góðum meirihluta. Hann hafði ekki nákvæma tölu við höndina þegar blaðamaður náði af honum tali.
Kosningin stóð yfir í viku og voru 290 á kjörskrá. Þátttaka í kosningunni var um áttatíu prósent að sögn Óskars sem hann telur nokkuð góða þátttöku. Samningurinn, sem skrifað var undir þann 19. desember, er til ársloka 2019. Óskar vildi ekki fara náið út í breytingarnar á kjarasamningum.
Verkfallsaðgerðir flugvirkja hjá Icelandair stóðu hófust síðastliðinn sunnudag og stóðu yfir í tvo daga. Verkfallið hafði áhrif á flug um tuttugu þúsund farþega Icelandair.
Flugvirkjar samþykktu samninginn

Tengdar fréttir

Verkfallið hafði áhrif á ferðir um 20 þúsund flugfarþega
Fella þurfti niður 64 flug Icelandair, eða um helming allra fluga flugfélagsins, á meðan á verkfalli flugvirkja félagsins stóð yfir.

Fá kynningu á samningi
Samningurinn verður kynntur á félagsfundi þar sem jafnframt verður útskýrt hvernig staðið verður að atkvæðagreiðslu um samninginn.

Flugvirkjar sagðir brattir þegar nýr kjarasamningur var kynntur
Fundurinn stóð yfir í eina og hálfa klukkustund þar sem meðal annars var útskýrt frekar form kosninga um samninginn og opnað fyrir spurningar úr sal þessi efnis.