Lekandatilfellum fer hratt fjölgandi

Á fyrstu fimm mánuðum ársins greindust 55 einstaklingar með lekanda. Á sama tímabili árið 2017 voru tilfellin í kringum 30 talsins.

Tilfelli árið 2018 taka nær eingöngu til karla, en 51 karlmaður greindist með lekanda á móti 4 konum. Lekandafaraldurinn er einkennandi fyrir karlmenn sem hafa mök við karlmenn.

Samkvæmt upplýsingum frá sóttvarnalækni er faraldurinn fyrst og fremst innlendur. 34 eða 62 prósent þeirra sem greindust voru íslenskir ríkisborgarar.