Hin „hægfara smálægð“ vestan við landist mun grynnast smám saman og mun því draga úr ofankomu þegar kemur fram á daginn og verður úrkomulítið seinnipartinn eða í kvöld.
Líkur eru á að létti víða til fyrir norðan í nótt og má því búast við hörku næturfrosti á þeim slóðum, sérstaklega í innsveitum. Þó áfram verði kalt í veðri má búast við því að geti orðið frostlaust við suðvesturströndina í dag.
Strekkings austanátt verður syðst á landinu á morgun að sögn veðurfræðings og dálítil él, en hægari fyrir norðan og áfram frost. Það hvessir svo almennilega á fimmtudag með rigningu eða slyddu sunnan- og suðaustanlands og fer hlýnandi en útlit er fyrir austan storm syðst.
Veðurhorfur á landinu næstu daga
Á miðvikudag:
Vaxandi suðaustanátt, 10-18 m/s seinnipartinn, en hægari N- og A-lands. Snjókomu eða slyddu með köflum, en þurrt á N- og A-landi. Hiti 0 til 5 stig með suðvestur- og suðurströndinni, en frost 0 til 12 stig annars staðar, kaldast í innsveitum NA-lands.
Á fimmtudag:
Gengur í austan 10-18, en 18-25 syðst og í Öræfum. Slydda eða rigning S- og SA-lands, en snjókoma eða slydda á Austfjörðum og á NA-landi. Þurrt lengst af V- og NV-lands en dálítil slydda þar um kvöldið. Hiti 0 til 5 stig, en vægt frost norðanlands.
Á föstudag:
Norðaustan 8-15 m/s. Snjókoma á NA-landi og N-til á Vestfjörðum, en slydda á Austfjörðum. Annars úrkomulítið. Vægt frost inn til landsins, en víða frostlaust við ströndina.
Á laugardag:
Austlæg átt, 5-13 og hvassast við S-ströndina. Rigning eða slydda vestantil, en stöku él á austanverðu landinu. Hiti breytist lítið.
Á sunnudag:
Vaxandi suðaustlæga átt og vætu SV- og V-lands, en bjartviðri um landið norðaustanvert. Heldur hlýnandi.
Á mánudag:
Útlit fyrir stífa suðaustanátt með talsverðri eða mikilli rigningu, en úrkomulítið NA-til. Milt veður.
