Heldur áfram samningaviðræðum við meinta mannræningja Kristín Ólafsdóttir skrifar 2. júní 2020 21:47 Tom Hagen og Anne-Elisabeth Hagen. Vísir/AP Norski auðkýfingurinn Tom Hagen, sem grunaður er um morðið á eiginkonu sinni Anne-Elisabeth Hagen, hefur ekki látið af samningaviðræðum við meinta mannræningja konu sinnar. Hann sendi þeim skilaboð nú fyrir helgi, þar sem hann kvaðst reiðubúinn að borga lausnargjald. Þessu greinir norska dagblaðið VG frá í dag. Ekkert hefur spurst til Anne-Elisabeth síðan hún hvarf af heimili þeirra hjóna í Lorenskógi 31. október 2018. Lausnargjaldskrafa meintra mannræningja, sem hljóðaði upp á milljónir króna í órekjanlegri rafmynt, fannst á vettvangi og málið var því rannsakað sem mannrán fyrst um sinn. Síðar breytti lögregla tilgátu sinni og gaf út að hún teldi að Anne-Elisabeth hefði verið myrt og í lok apríl síðastliðnum var Tom Hagen handtekinn, grunaður um að hafa orðið konu sinni að bana. Kröfu um gæsluvarðhald yfir honum var þó hafnað og hann er frjáls ferða sinna síðan í byrjun maí. VG greinir nú frá því að síðasta föstudag, 29. maí, hafi Tom Hagen sent dulkóðuð bitcoin-skilaboð til hinna meintu mannræningja. Skilaboðin hafi hljóðað svo: „Ég staðfesti að ég vil borga.“ „Slæmur tími, fyrr eða hún deyr“ Þetta er í fyrsta sinn sem Hagen sendir meintum mannræningjum staðfestingu af þessum toga, eftir því sem VG kemst næst. Þá er jafnframt um að ræða fyrstu bitcoin-skilaboðin sem fara þeim á milli síðan í janúar 2019. Svein Holden, lögmaður Hagen-fjölskyldunnar, á blaðamannafundi þann 9. janúar síðastliðinn.EPA/TORE MEEK VG hefur eftir Svein Holden verjanda Hagen að fjölskyldunni sé mikið í mun að komast í samband við meinta mannræningja. Þess vegna hafi verið ákveðið að senda skilaboðin nú og vonast sé til þess að svar berist. „Lögregla hefur ekki haft aðkomu að þessu ferli,“ segir Holden. Þá birtir VG nú í fyrsta sinn dulkóðuð bitcoin-samskipti Tom Hagen og meintra mannræningja. Hagen sendi fyrstu skilaboðin 2. nóvember 2018, tveimur dögum eftir að Anne-Elisabeth hvarf. Þar virðist Hagen lofa að senda lausnargjald í rafmyntinni Monero eftir sjö daga. Viku síðar, 10. nóvember 2018, berast skilaboð frá meintum mannræningjum. „Slæmur tími, fyrr eða hún deyr.“ Þremur dögum síðar svarar Tom Hagen: „Það er komið upp vandamál, vantar lengri tíma.“ Fleiri skilaboð og millifærsla Í janúar 2019 tóku Tom Hagen og meintir mannræningjar upp nýjan samskiptamáta; dulkóðaðan tölvupóstþjón. Tom Hagen sendi nokkur skilaboð í gegnum hann í maí og 8. júlí barst svar. „Tom, ertu núna tilbúinn að semja? Skilurðu að það yrðu mistök af þinni hálfu að svíkja okkur?“ Þá segir einnig í skilaboðum hinna meintu mannræningja að Anne-Elisabeth þurfi að komast undir læknishendur. Þá þykir þeim Tom Hagen hafa verið heldur lengi að koma sér að verki og segja að ekki sé hægt að staðfesta hversu lengi til viðbótar Anne-Elisabeth muni lifa. Eftir að skilaboðin bárust 8. júlí greiddi Tom Hagen meintum mannræningjum 1,3 milljónir evra, um 180 milljónir íslenskra króna. Ekkert hefur heyrst frá þeim síðan en samkvæmt upplýsingum VG reyndi Tom Hagen enn einu sinni að setja sig í samband við þá nú í febrúar. VG hefur eftir heimildarmanni sem sagður er þekkja til málsins að Hagen hafi ekki náð sambandi heldur aðeins fengið villumeldingu. Tölvupóstþjónninn hafi verið gerður óvirkur. Tom Hagen er eins og áður segir grunaður um að hafa orðið konu sinni að bana. Lögregla telur að hinir meintu mannræningjar séu ekki til heldur hafi Tom Hagen sett mannránið á svið til að hylma yfir eigin slóð, ef til vill með hjálp sérfræðings á svið rafmynta sem einnig var handtekinn í tengslum við málið en síðar sleppt. Hagen og sérfræðingurinn neita báðir sök og hafna öllum ásökunum lögreglu. Anne-Elisabeth Hagen Noregur Tengdar fréttir Telja líklegast að Anne-Elisabeth hafi verið kyrkt og líkinu ekið brott Lögregla í Noregi telur að Anne-Elisabeth Hagen, sem saknað hefur verið síðan í lok október árið 2018, hafi verið myrt inni á heimili hennar og eiginmannsins, auðkýfingsins Tom Hagen. 22. maí 2020 12:29 Sagði lögreglu frá „stráknum“ strax eftir hvarfið Tom Hagen, sem grunaður er um morð eða aðild að morði á eiginkonu sinni, Anne-Elisabeth Hagen, minntist á mann, sérfræðing á sviði rafmynta sem nú er grunaður um aðild að málinu, í yfirheyrslum skömmu eftir að Anne-Elisabeth hvarf í október 2018. 14. maí 2020 09:56 Hagen sleppt úr gæsluvarðhaldi Tom Hagen hefur verið sleppt úr gæsluvarðhaldi eftir að Hæstiréttur Noregs úrskurðaði gegn lögreglunni um framlengingu. 8. maí 2020 15:36 Mest lesið Þorgerður niðurlægi konur með því að kalla Trump heillandi Innlent Barnasáttmálinn verið þverbrotinn í barnvænu sveitarfélagi Innlent „Þetta er svona hús sem er alltaf verið að flytja í og úr“ Innlent Stofna sérstakan dómstól vegna árásarglæpa Rússa Erlent Veik stofnun skaði fjárhag ríkissjóðs Innlent Tók í spaðann á Trump: „Hann er nú heillandi, karlinn“ Erlent Orð Kristrúnar vöktu „gott bros“ Bandaríkjaforseta Innlent Kristrún missti af fundi með Selenskí Erlent Bassi Maraj sakfelldur fyrir líkamsárás Innlent Segja manninn hafa glímt við alvarleg veikindi Innlent Fleiri fréttir Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana „Þrátt fyrir allan þennan vígbúnað þá er þetta mjög vinalegt“ „Honum fylgir auðvitað ákveðinn ófyrirsjáanleiki“ Óbreyttir borgarar féllu í árásum Rússa á úkraínskar borgir Íranir neita að hafa skotið eldflaugum Áhrifavaldur sakaður um að bera ábyrgð á dauða dóttur sinnar Segir vopnahlé í höfn Trump þakkar Írönum fyrir að láta vita af sér Rýma sextán þorp vegna gróðurelda í Grikklandi Íranir ráðast á herstöð Bandaríkjamanna í Katar Handtóku Evrópubúa sakaðan um njósnir fyrir Ísrael Byrjað að smella af með stærstu myndavél í heimi Meira örplast í flöskum úr gleri en plasti Hífðu lystisnekkjuna sem sökk upp úr sjónum við Sikiley Sjá meira
Norski auðkýfingurinn Tom Hagen, sem grunaður er um morðið á eiginkonu sinni Anne-Elisabeth Hagen, hefur ekki látið af samningaviðræðum við meinta mannræningja konu sinnar. Hann sendi þeim skilaboð nú fyrir helgi, þar sem hann kvaðst reiðubúinn að borga lausnargjald. Þessu greinir norska dagblaðið VG frá í dag. Ekkert hefur spurst til Anne-Elisabeth síðan hún hvarf af heimili þeirra hjóna í Lorenskógi 31. október 2018. Lausnargjaldskrafa meintra mannræningja, sem hljóðaði upp á milljónir króna í órekjanlegri rafmynt, fannst á vettvangi og málið var því rannsakað sem mannrán fyrst um sinn. Síðar breytti lögregla tilgátu sinni og gaf út að hún teldi að Anne-Elisabeth hefði verið myrt og í lok apríl síðastliðnum var Tom Hagen handtekinn, grunaður um að hafa orðið konu sinni að bana. Kröfu um gæsluvarðhald yfir honum var þó hafnað og hann er frjáls ferða sinna síðan í byrjun maí. VG greinir nú frá því að síðasta föstudag, 29. maí, hafi Tom Hagen sent dulkóðuð bitcoin-skilaboð til hinna meintu mannræningja. Skilaboðin hafi hljóðað svo: „Ég staðfesti að ég vil borga.“ „Slæmur tími, fyrr eða hún deyr“ Þetta er í fyrsta sinn sem Hagen sendir meintum mannræningjum staðfestingu af þessum toga, eftir því sem VG kemst næst. Þá er jafnframt um að ræða fyrstu bitcoin-skilaboðin sem fara þeim á milli síðan í janúar 2019. Svein Holden, lögmaður Hagen-fjölskyldunnar, á blaðamannafundi þann 9. janúar síðastliðinn.EPA/TORE MEEK VG hefur eftir Svein Holden verjanda Hagen að fjölskyldunni sé mikið í mun að komast í samband við meinta mannræningja. Þess vegna hafi verið ákveðið að senda skilaboðin nú og vonast sé til þess að svar berist. „Lögregla hefur ekki haft aðkomu að þessu ferli,“ segir Holden. Þá birtir VG nú í fyrsta sinn dulkóðuð bitcoin-samskipti Tom Hagen og meintra mannræningja. Hagen sendi fyrstu skilaboðin 2. nóvember 2018, tveimur dögum eftir að Anne-Elisabeth hvarf. Þar virðist Hagen lofa að senda lausnargjald í rafmyntinni Monero eftir sjö daga. Viku síðar, 10. nóvember 2018, berast skilaboð frá meintum mannræningjum. „Slæmur tími, fyrr eða hún deyr.“ Þremur dögum síðar svarar Tom Hagen: „Það er komið upp vandamál, vantar lengri tíma.“ Fleiri skilaboð og millifærsla Í janúar 2019 tóku Tom Hagen og meintir mannræningjar upp nýjan samskiptamáta; dulkóðaðan tölvupóstþjón. Tom Hagen sendi nokkur skilaboð í gegnum hann í maí og 8. júlí barst svar. „Tom, ertu núna tilbúinn að semja? Skilurðu að það yrðu mistök af þinni hálfu að svíkja okkur?“ Þá segir einnig í skilaboðum hinna meintu mannræningja að Anne-Elisabeth þurfi að komast undir læknishendur. Þá þykir þeim Tom Hagen hafa verið heldur lengi að koma sér að verki og segja að ekki sé hægt að staðfesta hversu lengi til viðbótar Anne-Elisabeth muni lifa. Eftir að skilaboðin bárust 8. júlí greiddi Tom Hagen meintum mannræningjum 1,3 milljónir evra, um 180 milljónir íslenskra króna. Ekkert hefur heyrst frá þeim síðan en samkvæmt upplýsingum VG reyndi Tom Hagen enn einu sinni að setja sig í samband við þá nú í febrúar. VG hefur eftir heimildarmanni sem sagður er þekkja til málsins að Hagen hafi ekki náð sambandi heldur aðeins fengið villumeldingu. Tölvupóstþjónninn hafi verið gerður óvirkur. Tom Hagen er eins og áður segir grunaður um að hafa orðið konu sinni að bana. Lögregla telur að hinir meintu mannræningjar séu ekki til heldur hafi Tom Hagen sett mannránið á svið til að hylma yfir eigin slóð, ef til vill með hjálp sérfræðings á svið rafmynta sem einnig var handtekinn í tengslum við málið en síðar sleppt. Hagen og sérfræðingurinn neita báðir sök og hafna öllum ásökunum lögreglu.
Anne-Elisabeth Hagen Noregur Tengdar fréttir Telja líklegast að Anne-Elisabeth hafi verið kyrkt og líkinu ekið brott Lögregla í Noregi telur að Anne-Elisabeth Hagen, sem saknað hefur verið síðan í lok október árið 2018, hafi verið myrt inni á heimili hennar og eiginmannsins, auðkýfingsins Tom Hagen. 22. maí 2020 12:29 Sagði lögreglu frá „stráknum“ strax eftir hvarfið Tom Hagen, sem grunaður er um morð eða aðild að morði á eiginkonu sinni, Anne-Elisabeth Hagen, minntist á mann, sérfræðing á sviði rafmynta sem nú er grunaður um aðild að málinu, í yfirheyrslum skömmu eftir að Anne-Elisabeth hvarf í október 2018. 14. maí 2020 09:56 Hagen sleppt úr gæsluvarðhaldi Tom Hagen hefur verið sleppt úr gæsluvarðhaldi eftir að Hæstiréttur Noregs úrskurðaði gegn lögreglunni um framlengingu. 8. maí 2020 15:36 Mest lesið Þorgerður niðurlægi konur með því að kalla Trump heillandi Innlent Barnasáttmálinn verið þverbrotinn í barnvænu sveitarfélagi Innlent „Þetta er svona hús sem er alltaf verið að flytja í og úr“ Innlent Stofna sérstakan dómstól vegna árásarglæpa Rússa Erlent Veik stofnun skaði fjárhag ríkissjóðs Innlent Tók í spaðann á Trump: „Hann er nú heillandi, karlinn“ Erlent Orð Kristrúnar vöktu „gott bros“ Bandaríkjaforseta Innlent Kristrún missti af fundi með Selenskí Erlent Bassi Maraj sakfelldur fyrir líkamsárás Innlent Segja manninn hafa glímt við alvarleg veikindi Innlent Fleiri fréttir Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana „Þrátt fyrir allan þennan vígbúnað þá er þetta mjög vinalegt“ „Honum fylgir auðvitað ákveðinn ófyrirsjáanleiki“ Óbreyttir borgarar féllu í árásum Rússa á úkraínskar borgir Íranir neita að hafa skotið eldflaugum Áhrifavaldur sakaður um að bera ábyrgð á dauða dóttur sinnar Segir vopnahlé í höfn Trump þakkar Írönum fyrir að láta vita af sér Rýma sextán þorp vegna gróðurelda í Grikklandi Íranir ráðast á herstöð Bandaríkjamanna í Katar Handtóku Evrópubúa sakaðan um njósnir fyrir Ísrael Byrjað að smella af með stærstu myndavél í heimi Meira örplast í flöskum úr gleri en plasti Hífðu lystisnekkjuna sem sökk upp úr sjónum við Sikiley Sjá meira
Telja líklegast að Anne-Elisabeth hafi verið kyrkt og líkinu ekið brott Lögregla í Noregi telur að Anne-Elisabeth Hagen, sem saknað hefur verið síðan í lok október árið 2018, hafi verið myrt inni á heimili hennar og eiginmannsins, auðkýfingsins Tom Hagen. 22. maí 2020 12:29
Sagði lögreglu frá „stráknum“ strax eftir hvarfið Tom Hagen, sem grunaður er um morð eða aðild að morði á eiginkonu sinni, Anne-Elisabeth Hagen, minntist á mann, sérfræðing á sviði rafmynta sem nú er grunaður um aðild að málinu, í yfirheyrslum skömmu eftir að Anne-Elisabeth hvarf í október 2018. 14. maí 2020 09:56
Hagen sleppt úr gæsluvarðhaldi Tom Hagen hefur verið sleppt úr gæsluvarðhaldi eftir að Hæstiréttur Noregs úrskurðaði gegn lögreglunni um framlengingu. 8. maí 2020 15:36