Séra Friðrik snýr sér við í gröf sinni Jakob Bjarnar skrifar 19. júní 2020 12:07 Guðmundur Jör er einn fjölmargra stuðningsmanna Vals sem lýsir yfir hinni mestu skömm á ályktun stjórnar Knattspyrnufélagsins Vals. Varaformaður stjórnar var Þorgrímur Þráinsson rithöfundur þá er hin umdeilda ályktun var skrifuð. „Man ekki til þess að hafa áður skammast mín fyrir að vera Valsari en ég geri það í dag. Stjórn Vals hefur hér sannarlega látið kappið bera fegurðina ofurliði,“ segir Guðmundur Jörundsson fatahönnuður og stuðningsmaður Vals. Hann íhugar nú stöðu sína. Guðmundur skrifar þetta inn á sérstaka stuðningsmannasíðu Vals á Facebook – Fjósið – og lætur fylgja nýlega ályktun stjórnar Knattspyrnufélags Vals. Umdeild ályktun stjórnar knattspyrnufélagsins Í Fjósinu logar allt vegna yfirlýsingarinnar sem snýr að þeim fyrirætlunum borgaryfirvalda um að reisa smáhýsi í Hlíðahverfi, fyrir neðan Eskihlíð. Smáhýsi eru ætluð einstaklingum sem erfiðlega hefur gengið að útvega búsetuúrræði vegna áfengis- og vímuefnaneyslu eða annarra veikinda. Fréttastofan fjallaði ítarlega um málið í gær eins og hér má sjá en þar var meðal annars greint frá sérstakri yfirlýsingu sem aðalstjórn Knattspyrnufélagsins Vals sendi frá sér þar sem lýst er yfir áhyggjum af þessum fyrirætlunum. Stjórnin telur „afar óheppilegt að ofangreind búsetuúrræði í svo mikilli nálægð við Hlíðarenda þar sem öflug íþróttastarfsemi fer fram. „Rúmlega 1.000 ungmenni æfa með Val og meirihluti þeirra býr í þeim hverfum þar sem smáhýsum verður komið fyrir. Er skjólstæðingum velferðarsviðs enginn greiði gerður með því að hýsa þá á þessu svæði auk þess sem það gæti vakið óöryggi og ótta meðal ungra íþróttaiðkenda sem búa í hverfinu og eiga þar leið um,“ segir meðal annars í ályktuninni. En stjórnin telur að það sé hagur þeirra að búa á öruggara svæði þar sem síður reyni á samskipti þeirra við börn og ungmenni sem eiga þar leið um. Valsfjósið logar „Er það í alvöru vilji Valsara að koma í veg fyrir að fólk sem minna mega sín fái aðstoð og skammtíma heimili nálægt Hlíðarenda? Þetta finnst mér skammarleg afstaða íþróttafélags sem ég hef alltaf staðið i þeirri trú að bjóði alla velkomna,“ segir Gísli Ólafsson sem vekur máls á yfirlýsingu stjórnar. Þeir sem taka til máls eru ýmist sammála Gísla og svo Guðmundi eða stjórninni. „Þetta er nú ekki í anda Vals,“ segir Örvar Smárason og Vala Smáradóttir segir: „Lélegt Valur, lágkúrulegt! Þetta er ekki skrifað í mínu nafni sem Valsari!“ Valsfjósið, þar sem stuðningsmenn Vals koma saman til að skiptast á skoðunum, logar. Þar skiptast menn á skoðunum um ályktun stjórnar knattspyrnufélagsins en hún leggst gegn fyrirætlunum borgaryfirvalda um að koma upp smáhýsabyggð í grennd við Hlíðarenda.visir/bára Smári Þórarinsson segir: „Ekki í mínu nafni. Mannúðin skal alltaf ráða för. Friðrik hefði haldið utan um lítilmagnan.“ Hér er vísað til séra Friðriks Friðrikssonar sem kom að stofnun Vals árið 1911 en hann hefur stöðu einskonar verndardýrlings félagsins. Ýmsir eru þó sammála stjórninni og benda á að þetta sé leið barnanna í Valsheimilið og skiptast menn mjög í tvö horn. Hefur myndast langur umræðuhali þar sem tekist er á um þetta mál. Valsmenn ekki svo léttir í lund Sverrir Diego er einn þeirra sem vill gjalda varhug við smáhýsabyggðinni: „Ég geng þarna framhjá daglega og oft er mikið rusl þarna í kring. Á þriðjudagskvöld var lögreglan að pikka upp einstakling sem hafði látið lífið út af ofneyslu þarna og þykir mér slík aðkoma sorgleg en um leið ekki barnvæn,“ segir Sverrir meðal annars. Gunnar Gunnarsson segir þetta ekki gott: „Séra Friðrik er ekki ánægður með þetta. Valur er félag mannúðar og virðingar. Hlúum að þessu ógæfufólki. Við fæðumst ekki fullkominn. Margir misstíga sig í lífinu. Þetta eru samt okkar bræður og systur. Tökum vel á móti þeim og hjálpum þeim að byggja sig upp. Mannelska og virðing gerir kraftaverk. Ekki nóg að vera „Valsmenn léttir í lund“ á hátíðarstundum. Sýnum úr hverju við erum gerðir.“ Uppfært 13:18 Í fyrri útgáfu var mynd af E. Berki Edvardssyni formanni knattspyrnudeildar Vals en sú deild innan Knattspyrnufélagsins kom í engu að umræddri ályktun heldur var það aðalstjórnin sem stóð að henni. Lesendur og Börkur eru beðnir velvirðingar á þessum misgáningi. Reykjavík Skipulag Valur Borgarstjórn Mest lesið Mannskæðasta árásin á Húta hingað til Erlent „Þetta er orðið pínu þreytt, tveir bílar á sex dögum“ Innlent Uggandi vegna atlögu að háskólum: „Við ætlum ekki að lifa í ótta“ Erlent Bað fyrir friðsamlegum kosningum meðan hann hékk á krossinum Erlent Gamall ráðherra vildi nýtt hús, en nýr ráðherra gæti fengið gamalt hús Innlent „Rosalega erfitt“ að keppa við innflutt grænmeti Innlent Einhleypir karlmenn standa verst Innlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Bresk systkini létust í kláfferjuslysinu Erlent Nafn mannsins sem lést í Garðabæ Innlent Fleiri fréttir „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Sjá meira
„Man ekki til þess að hafa áður skammast mín fyrir að vera Valsari en ég geri það í dag. Stjórn Vals hefur hér sannarlega látið kappið bera fegurðina ofurliði,“ segir Guðmundur Jörundsson fatahönnuður og stuðningsmaður Vals. Hann íhugar nú stöðu sína. Guðmundur skrifar þetta inn á sérstaka stuðningsmannasíðu Vals á Facebook – Fjósið – og lætur fylgja nýlega ályktun stjórnar Knattspyrnufélags Vals. Umdeild ályktun stjórnar knattspyrnufélagsins Í Fjósinu logar allt vegna yfirlýsingarinnar sem snýr að þeim fyrirætlunum borgaryfirvalda um að reisa smáhýsi í Hlíðahverfi, fyrir neðan Eskihlíð. Smáhýsi eru ætluð einstaklingum sem erfiðlega hefur gengið að útvega búsetuúrræði vegna áfengis- og vímuefnaneyslu eða annarra veikinda. Fréttastofan fjallaði ítarlega um málið í gær eins og hér má sjá en þar var meðal annars greint frá sérstakri yfirlýsingu sem aðalstjórn Knattspyrnufélagsins Vals sendi frá sér þar sem lýst er yfir áhyggjum af þessum fyrirætlunum. Stjórnin telur „afar óheppilegt að ofangreind búsetuúrræði í svo mikilli nálægð við Hlíðarenda þar sem öflug íþróttastarfsemi fer fram. „Rúmlega 1.000 ungmenni æfa með Val og meirihluti þeirra býr í þeim hverfum þar sem smáhýsum verður komið fyrir. Er skjólstæðingum velferðarsviðs enginn greiði gerður með því að hýsa þá á þessu svæði auk þess sem það gæti vakið óöryggi og ótta meðal ungra íþróttaiðkenda sem búa í hverfinu og eiga þar leið um,“ segir meðal annars í ályktuninni. En stjórnin telur að það sé hagur þeirra að búa á öruggara svæði þar sem síður reyni á samskipti þeirra við börn og ungmenni sem eiga þar leið um. Valsfjósið logar „Er það í alvöru vilji Valsara að koma í veg fyrir að fólk sem minna mega sín fái aðstoð og skammtíma heimili nálægt Hlíðarenda? Þetta finnst mér skammarleg afstaða íþróttafélags sem ég hef alltaf staðið i þeirri trú að bjóði alla velkomna,“ segir Gísli Ólafsson sem vekur máls á yfirlýsingu stjórnar. Þeir sem taka til máls eru ýmist sammála Gísla og svo Guðmundi eða stjórninni. „Þetta er nú ekki í anda Vals,“ segir Örvar Smárason og Vala Smáradóttir segir: „Lélegt Valur, lágkúrulegt! Þetta er ekki skrifað í mínu nafni sem Valsari!“ Valsfjósið, þar sem stuðningsmenn Vals koma saman til að skiptast á skoðunum, logar. Þar skiptast menn á skoðunum um ályktun stjórnar knattspyrnufélagsins en hún leggst gegn fyrirætlunum borgaryfirvalda um að koma upp smáhýsabyggð í grennd við Hlíðarenda.visir/bára Smári Þórarinsson segir: „Ekki í mínu nafni. Mannúðin skal alltaf ráða för. Friðrik hefði haldið utan um lítilmagnan.“ Hér er vísað til séra Friðriks Friðrikssonar sem kom að stofnun Vals árið 1911 en hann hefur stöðu einskonar verndardýrlings félagsins. Ýmsir eru þó sammála stjórninni og benda á að þetta sé leið barnanna í Valsheimilið og skiptast menn mjög í tvö horn. Hefur myndast langur umræðuhali þar sem tekist er á um þetta mál. Valsmenn ekki svo léttir í lund Sverrir Diego er einn þeirra sem vill gjalda varhug við smáhýsabyggðinni: „Ég geng þarna framhjá daglega og oft er mikið rusl þarna í kring. Á þriðjudagskvöld var lögreglan að pikka upp einstakling sem hafði látið lífið út af ofneyslu þarna og þykir mér slík aðkoma sorgleg en um leið ekki barnvæn,“ segir Sverrir meðal annars. Gunnar Gunnarsson segir þetta ekki gott: „Séra Friðrik er ekki ánægður með þetta. Valur er félag mannúðar og virðingar. Hlúum að þessu ógæfufólki. Við fæðumst ekki fullkominn. Margir misstíga sig í lífinu. Þetta eru samt okkar bræður og systur. Tökum vel á móti þeim og hjálpum þeim að byggja sig upp. Mannelska og virðing gerir kraftaverk. Ekki nóg að vera „Valsmenn léttir í lund“ á hátíðarstundum. Sýnum úr hverju við erum gerðir.“ Uppfært 13:18 Í fyrri útgáfu var mynd af E. Berki Edvardssyni formanni knattspyrnudeildar Vals en sú deild innan Knattspyrnufélagsins kom í engu að umræddri ályktun heldur var það aðalstjórnin sem stóð að henni. Lesendur og Börkur eru beðnir velvirðingar á þessum misgáningi.
Reykjavík Skipulag Valur Borgarstjórn Mest lesið Mannskæðasta árásin á Húta hingað til Erlent „Þetta er orðið pínu þreytt, tveir bílar á sex dögum“ Innlent Uggandi vegna atlögu að háskólum: „Við ætlum ekki að lifa í ótta“ Erlent Bað fyrir friðsamlegum kosningum meðan hann hékk á krossinum Erlent Gamall ráðherra vildi nýtt hús, en nýr ráðherra gæti fengið gamalt hús Innlent „Rosalega erfitt“ að keppa við innflutt grænmeti Innlent Einhleypir karlmenn standa verst Innlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Bresk systkini létust í kláfferjuslysinu Erlent Nafn mannsins sem lést í Garðabæ Innlent Fleiri fréttir „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Sjá meira