Fótbolti

Sociedad að fatast flugið

Runólfur Trausti Þórhallsson skrifar
Úr leik dagsins.
Úr leik dagsins. Juan Manuel Serrano/Getty Images

Gott gengi Real Sociedad í spænsku úrvalsdeildinni virðist á enda en liðið gerði 1-1 jafntefli við Eibar í dag.

Ander Barrenetxea kom Sociedad yfir á 20. mínútu leiksins og staðan 1-0 í hálfleik. Sergi Enrich jafnaði metin á 65. mínútu og þar við sat. Lokatölur 1-1.

Igor Zubeldia hélt hann hefði skorað sigurmarkið þegar tæplega tíu mínútur lifðu leiks en það var dæmt af eftir myndbandsdómari leiksins staðfesti að það hefði verið ólöglegt.

Sociedad er enn á toppi deildarinnar en leikur dagsins var þriðji leikur liðsins í röð sem endar með jafntefli. Atlético Madrid er jafnt þeim að stigum með tvo leiki til góða.

Fótbolti Spænski boltinn

Mest lesið


Fleiri fréttir

Sjá meira


×

Mest lesið