„Ekki fallegt“ að selja hús sem var gjöf til Alzheimer-sjúklinga Snorri Másson skrifar 8. september 2021 19:20 Fríðuhús verður selt þegar starfsemin fær nýtt húsnæði. Stöð 2/Egill Áform um að selja húsnæði vinsæls dagvistunarúrræðis fyrir heilabilunarsjúklinga mæta mótstöðu aðstandenda. Fríðuhús var gjöf til Alzheimer-samtakanna á sínum tíma, sem fyrrverandi starfsmaður segir „ekki fallegt“ að setja á sölu. Skjólstæðingar í Fríðuhúsi eiga það sameiginlegt að vera með heilabilun af einhverri gerð. Það er þeim mörgum gleðiefni að geta mætt á vinnutíma á virkum dögum í húsið, þar sem þeir una sér við allt frá hannyrðum og matreiðslu til söngæfinga og leikfimi frá níu til fimm. Nú stefnir í miklar breytingar á þessu starfi. Alzheimer-samtökin stefna á að selja Fríðuhús og færa starfsemina annað. Þessi ákvörðun hefur reynst umdeild. Forstöðumaður hússins til fjölda ára, Sigríður Lóa Rúnarsdóttir, sagði starfi sínu lausu á dögunum og aðstandendur vilja að hætt sé við áformin. Kolbrún Hrund Víðisdóttir, aðstandandi skjólstæðings, segir að aðstandendum hafi fyrst ekki verið tilkynnt beint um áformin. „En forstöðukonan var að fara að hætta, sem okkur þykir öllum mjög vænt um og hefur staðið sig alveg frábærlega í starfi. Svo var leitað eftir því hver ástæðan fyrir því væri og þá kemur í ljós að það á að selja fasteignina, sem var gefin til þessara góðu mála. Það er það sem hryggir okkur aðstandendur að svo sé,“ segir Kolbrún. Vel á annan tug einstaklinga dvelja daglega í Fríðuhúsi, þar sem fastir liðir í þjálfuninni eru m.a. samverustundir, upplestur, söngur, leikfimi, útivera, gönguferðir, aðstoð í eldhúsi, hannyrðir, kertagerð, heimsókn frá presti, barnakór. Vinabandið kemur einu sinni í mánuði og spilar fyrir dansi, farið í dagsferðir, farið á söfn og sýningar.Stöð 2/Egill Fríðuhús sendur við Austurbrún í Reykjavík og var gjöf frá Pétri Símonarsyni til Alzheimer-samtakanna og hefur verið starfrækt frá aldamótum. Sigrún Spanó Sigurjónsdóttir hefur búið í hverfinu frá barnæsku og meðal annars starfað í Fríðuhúsi. Hún býr nú í næsta húsi og heimsækir fólkið oft. Sigrún segir áfall að nú eigi að selja húsið. „Pétur missti konu sína úr Alzheimer og hann ánafnaði Alzheimer-samtökunum húsið til þess að starfsemi fyrir þetta fólk yrði þarna,“ segir Sigrún. Það eru kannski skiptar skoðanir um að selja hús sem er gefið í þessu skyni? „Já. Mér finnst þetta bara ekki fallegt,“ segir Sigrún. Andvirði sölunnar renni óskipt til fólks með heilabilun Ragnheiður Ríkharðsdóttir, stjórnarformaður Alzheimer-samtakanna, segist í samtali við fréttastofu ekki telja tímabært að tjá sig um áformin á meðan ekkert er fast í hendi. Ragnheiður Ríkharðsdóttir. Í tölvupósti sem Ragnheiður sendi aðstandendum í lok síðasta mánuðar segir að deila megi um hvort Fríðuhús henti í raun undir þessa starfsemi. Þar kemur fram að fjármagna þurfi aðra starfsemi á vegum félagsins og að borgin hyggist leita að leigulausu húsnæði fyrir starfsemina. Loks segir Ragnheiður að ekki hvarfli að samtökunum að leggja af starfsemi hússins, þótt henni verði haldið áfram í öðru húsnæði þegar þar að kemur. Í póstinum segir að takist að finna Fríðuhúsi skjól í öðru húsnæði, muni samtökin selja fasteignina. „Andvirðið mun þannig renna óskipt til fólks með heilabilun eins og gjöfinni var ætlað á sínum tíma,“ skrifar Ragnheiður. Leit stendur yfir af hálfu borgarinnar að nýju húsnæði en Alzheimersamtökin segjast setja sem skilyrði að húsið henti enn betur en núverandi húsnæði. Heilbrigðismál Reykjavík Eldri borgarar Félagasamtök Mest lesið „Eins og að fá hnefahögg í andlitið“ Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Innlent Skoða að efla geðheilbrigðisþjónustu á Austurlandi eftir röð áfalla Innlent Bílvelta í Kömbunum Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Starfsfólk Alcoa vilji setja fyrirtækinu mörk Innlent Fleiri fréttir Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Sjá meira
Skjólstæðingar í Fríðuhúsi eiga það sameiginlegt að vera með heilabilun af einhverri gerð. Það er þeim mörgum gleðiefni að geta mætt á vinnutíma á virkum dögum í húsið, þar sem þeir una sér við allt frá hannyrðum og matreiðslu til söngæfinga og leikfimi frá níu til fimm. Nú stefnir í miklar breytingar á þessu starfi. Alzheimer-samtökin stefna á að selja Fríðuhús og færa starfsemina annað. Þessi ákvörðun hefur reynst umdeild. Forstöðumaður hússins til fjölda ára, Sigríður Lóa Rúnarsdóttir, sagði starfi sínu lausu á dögunum og aðstandendur vilja að hætt sé við áformin. Kolbrún Hrund Víðisdóttir, aðstandandi skjólstæðings, segir að aðstandendum hafi fyrst ekki verið tilkynnt beint um áformin. „En forstöðukonan var að fara að hætta, sem okkur þykir öllum mjög vænt um og hefur staðið sig alveg frábærlega í starfi. Svo var leitað eftir því hver ástæðan fyrir því væri og þá kemur í ljós að það á að selja fasteignina, sem var gefin til þessara góðu mála. Það er það sem hryggir okkur aðstandendur að svo sé,“ segir Kolbrún. Vel á annan tug einstaklinga dvelja daglega í Fríðuhúsi, þar sem fastir liðir í þjálfuninni eru m.a. samverustundir, upplestur, söngur, leikfimi, útivera, gönguferðir, aðstoð í eldhúsi, hannyrðir, kertagerð, heimsókn frá presti, barnakór. Vinabandið kemur einu sinni í mánuði og spilar fyrir dansi, farið í dagsferðir, farið á söfn og sýningar.Stöð 2/Egill Fríðuhús sendur við Austurbrún í Reykjavík og var gjöf frá Pétri Símonarsyni til Alzheimer-samtakanna og hefur verið starfrækt frá aldamótum. Sigrún Spanó Sigurjónsdóttir hefur búið í hverfinu frá barnæsku og meðal annars starfað í Fríðuhúsi. Hún býr nú í næsta húsi og heimsækir fólkið oft. Sigrún segir áfall að nú eigi að selja húsið. „Pétur missti konu sína úr Alzheimer og hann ánafnaði Alzheimer-samtökunum húsið til þess að starfsemi fyrir þetta fólk yrði þarna,“ segir Sigrún. Það eru kannski skiptar skoðanir um að selja hús sem er gefið í þessu skyni? „Já. Mér finnst þetta bara ekki fallegt,“ segir Sigrún. Andvirði sölunnar renni óskipt til fólks með heilabilun Ragnheiður Ríkharðsdóttir, stjórnarformaður Alzheimer-samtakanna, segist í samtali við fréttastofu ekki telja tímabært að tjá sig um áformin á meðan ekkert er fast í hendi. Ragnheiður Ríkharðsdóttir. Í tölvupósti sem Ragnheiður sendi aðstandendum í lok síðasta mánuðar segir að deila megi um hvort Fríðuhús henti í raun undir þessa starfsemi. Þar kemur fram að fjármagna þurfi aðra starfsemi á vegum félagsins og að borgin hyggist leita að leigulausu húsnæði fyrir starfsemina. Loks segir Ragnheiður að ekki hvarfli að samtökunum að leggja af starfsemi hússins, þótt henni verði haldið áfram í öðru húsnæði þegar þar að kemur. Í póstinum segir að takist að finna Fríðuhúsi skjól í öðru húsnæði, muni samtökin selja fasteignina. „Andvirðið mun þannig renna óskipt til fólks með heilabilun eins og gjöfinni var ætlað á sínum tíma,“ skrifar Ragnheiður. Leit stendur yfir af hálfu borgarinnar að nýju húsnæði en Alzheimersamtökin segjast setja sem skilyrði að húsið henti enn betur en núverandi húsnæði.
Heilbrigðismál Reykjavík Eldri borgarar Félagasamtök Mest lesið „Eins og að fá hnefahögg í andlitið“ Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Innlent Skoða að efla geðheilbrigðisþjónustu á Austurlandi eftir röð áfalla Innlent Bílvelta í Kömbunum Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Starfsfólk Alcoa vilji setja fyrirtækinu mörk Innlent Fleiri fréttir Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Sjá meira