Guðlaugur Þór Þórðarson, utanríkis- og þróunarsamvinnuráðherra er kominn í sóttkví. Það er eftir að starfsmaður utanríkisráðuneytisins greindist smitaður af Covid-19 í gær.
Í tilkynningu frá ráðuneytinu segir að Guðlaugur Þór hafi ekki fundið fyrir einkennum og kenni sér einskis meins.
Hann fór í PCR-próf í morgun og mun fara í annað á laugardag. Verði það neikvætt verður hann laus úr sóttkví. Tveir aðrir starfsmenn ráðuneytisins eru í sóttkví.
194 greindust með kórónuveiruna innanlands í gær. Þetta er næsthæsti fjöldi sem greinst hefur á einum degi frá upphafi faraldursins, en mesti fjöldinn var 206 þann 15. nóvember síðastliðinn.
