Fram
Tindastóll
FH
Breiðablik
Valur
Víkingur R.
Sara Rún Hinriksdóttir, körfuboltakona ársins, fór á kostum með liði Phoenix Constanta í Rúmeníu í dag þegar liðið fór langt með að tryggja sér sæti í undanúrslitum rúmensku bikarkeppninnar.
Phoenix vann Targoviste með 21 stigs mun, 77-56, og er því í góðum málum fyrir seinni leik liðanna sem fram fer 5. janúar.
Sara var stigahæst í sínu liði með 18 stig og tók auk þess níu fráköst og gaf tvær stoðsendingar.
Phoenix var sex stigum yfir í hálfleik, 37-31, en náði að búa sér til gott forskot í seinni hálfleiknum fyrir seinni leikinn.
