Þetta er ríkisstjórn þjófa Gunnar Smári Egilsson skrifar 10. apríl 2022 09:30 Þetta er semsagt ríkisstjórn Þorsteins Más Baldvinssonar. Manns sem hefur sölsað undir sig kvóta í sjávarbyggðum um allt land og skilið fólk eftir atvinnu- og eignalaust. Manns sem var formaður bankaráðs Glitnis þegar sá banki hrundi eftir að hluthafar höfðu skælt hann að innan. Manns sem hefur logið og svikið fólk, svikið undan skatti, hlunnfarið sjómenn með því að kaupa aflann af sjálfum sér á undirverði, falið hagnaðinn af auðlind almennings í útlöndum, mútað og arðrænt fólk víða um lönd. Manns sem sigaði skæruliðadeild sinni á blaðamenn til að fæla þá frá því að afhjúpa svikin, lygina og þjófnaðinn. Þegar Kveikur fjallaði um aðfarir Samherja í Namibíu hringdi sjávarútvegsráðherra í Þorstein Má og spurði hvernig honum liði, vorkenndi honum þegar það varð opinbert hvernig hann hafði hegðað sér. Þegar Þorsteinn Már vildi stefna starfsfólki Seðlabankans þá skaffaði forsætisráðherra honum upplýsingar. Þegar almenningur brást hart við þegar lögreglustjóri Sjálfstæðisflokksins á Akureyri hóf rannsókn á blaðamönnum fyrir að hafa fjallað um Samherja þá fór forsætisráðherra í opinbera heimsókn til lögreglustjórans til lýsa yfir stuðningi sínum við aðfarirnar. Þegar hlutur almennings í Íslandsbanka var seldur gegn vilja meirihluta þjóðarinnar var hringt í Þorstein Má og honum boðið að kaupa hlut með miklum afslætti. Þetta er semsagt ríkisstjórn Þorsteins Más í Samherja Og þá er þetta ekki ríkisstjórnin þín. Þetta er ekki ríkisstjórn almennings. Þetta er ríkisstjórn þjófa - - - - - - Þetta er semsagt ríkisstjórn Bakkavarabræðra Ríkisstjórn stærstu hluthafanna í Kaupþing, banka sem varð stærsta gjaldþrot Íslandssögunnar og með stærri gjaldþrotum heimssögunnar. Manna sem voru ekki bara stærstu hluthafar í bankanum heldur stærstu lántakendurnir, manna sem notuðu bankann eins og eigin seðlaprentvél. Manna sem urðu þess valdandi að lífeyrissjóðirnir ykkar töpuðu 230 milljörðum króna á núvirði. Þeir tveir menn sem persónulega hafa lækkað mest allra lífeyri landsmanna. Um 115 milljarða hvor. Ríkisstjórn manna sem földu svo mikið fé í aflöndum að þeir gátu keypti Bakkavör aftur af þrotabúi Kaupþings og lífeyrissjóðum og lifa því nú sældarlífi á sama tíma og fjöldi fjölskyldna glímir enn við afleiðingar Hrunsins. Þegar hlutur almennings í Íslandsbanka var seldur gegn vilja meirihluta þjóðarinnar var hringt í Bakkavarabræður og þeim boðið að kaupa hlut með miklum afslætti. Þetta er semsagt ríkisstjórn Bakkavarabræðra Og þá er þetta ekki ríkisstjórnin þín. Þetta er ekki ríkisstjórn almennings. Þetta er ríkisstjórn þjófa - - - - - - Þetta er semsagt ríkisstjórn Jóns Ásgeirs Jóhannessonar Ríkisstjórn stærsta hluthafa Glitnis sem hrundi fyrstur íslensku bankanna vegna misnotkunar eigendanna. Manns sem var stærsti hluthafi FL-Group sem varð eitt allra stærsta gjaldþrot Íslandssögunnar. Ríkisstjórn forstjóra Baugs sem var enn eitt af allra stærstu gjaldþrotum Íslandssögunnar. Ríkisstjórn manns sem sagt er að hafi náð 1000 milljörðum út úr bankakerfinu áður en það hrundi, líklega sá maður sem gekk lengst í misnotkun á gerspilltu bankakerfi fyrir Hrun. Þegar hlutur almennings í Íslandsbanka var seldur gegn vilja meirihluta þjóðarinnar var hringt í Jón Ásgeur og honum boðið að kaupa hlut með miklum afslætti. Þetta er semsagt ríkisstjórn Jóns Ásgeirs Jóhannessonar Og þá er þetta ekki ríkisstjórnin þín. Þetta er ekki ríkisstjórn almennings. Þetta er ríkisstjórn þjófa og ræningja - - - - - - Þetta er semsagt ríkisstjórn Benedikts Sveinssonar og Engeyinga. Manns sem skrifaði undir mannkostalýsingar á barnaníðingum, sem Sjálfstæðisflokkurinn reyndi að fela fyrir fáeinum árum. Þá voru hagsmunir pabba Bjarna Benediktssonar teknir fram yfir rétt almennings á að vita hvernig samfélaginu er stjórnað. Ríkisstjórn Engeyjarættarinnar sem hefur auðgast af pólitískum völdum sínum í meira en hundrað ár, meðal upphaflegra óligarkar Íslands sem hafa notað pólitísk áhrif til auðgast á kostnað á almennings. Ættar sem hefur átt formann Sjálfstæðisflokksins til skiptist við Thorsara og H. Ben-ættina. Ætt sem er í dag ríkasti hluti Kolkrabbans sem drottnað yfir Íslandi í bráðum hundrað ár með vanhelgum spillingartengslum viðskipta og stjórnmála. Þegar hlutur almennings í Íslandsbanka var seldur gegn vilja meirihluta þjóðarinnar var hringt í Benedikt Sveinsson, ríkasta Engeyinginn og pabba fjármálaráðherrans sem gætir hagsmuna ættarinnar, og honum boðið að kaupa hlut með miklum afslætti. Þetta er semsagt ríkisstjórn Benedikts Sveinssonar og Engeyinganna. Og þá er þetta ekki ríkisstjórnin þín. Þetta er ekki ríkisstjórn almennings. Þetta er ríkisstjórn gerspilltrar yfirstéttar sem hefur rænt þjóðina linnulaust árum og áratugum saman. - - - - - - Þetta er semsagt ríkisstjórn Þórðar Más Jóhannessonar sem braut gegn Vitalíu Lazarevu í heita pottinum. Þetta er semsagt ríkisstjórn Jakob Valgeirs Flosasonar sem fékk tugi milljarða afskrifaða svo hann gæti haldið áfram að auðgast af auðlind þjóðarinnar. Þetta er semsagt ríkisstjórn Karl Wernerssonar sem færði eignir sínar yfir á kornungan son sinn til að forða þeim frá uppgjöri við lánardrottna. Þetta er semsagt ríkisstjórn Guðbjargar Matthíasdóttur í Eyjum sem heldur Davíð Oddssyni uppi svo hann geti mært Trump og ráðist að öllu fólki sem berst fyrir hagsmuni almennings. Þegar hlutur almennings í Íslandsbanka var seldur gegn vilja meirihluta þjóðarinnar var hringt í þetta fólk og því boðið að kaupa hlut með miklum afslætti svo það gæti orðið enn ríkara. Svo almenningur yrði enn fátækari. Ef þetta er ríkisstjórn þessa fólks þá getur þetta ekki ríkisstjórnin þín. Þetta er ekki ríkisstjórn almennings, ekki ríkisstjórn þjóðarinnar. Þetta er ríkisstjórn óligarka og arðræningja, Þetta er ríkisstjórn þjófa. Höfundur er félagi í Sósíalistaflokknum. Þetta er ræða flutt á mótmælafundi á Austurvelli 9. apríl 2022 Viltu birta grein á Vísi? Sendu okkur póst. Senda grein Salan á Íslandsbanka Ríkisstjórn Katrínar Jakobsdóttur Gunnar Smári Egilsson Íslenskir bankar Mest lesið Eitruð kvenmennska Ása Lind Finnbogadóttir Skoðun Sameining Garðabæjar og Hafnarfjarðar – kostir – ókostir - skynsemi Ó. Ingi Tómasson Skoðun Leiðin til helvítis Jón Pétur Zimsen Skoðun Á undan jarðýtu komi fornleifafræðingur… Stefán Pálsson Skoðun Búum til réttlátt lífeyriskerfi Hrafn Magnússon Skoðun Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta Skoðun Þau eru fá en þörfin er stór Sif Huld Albertsdóttir Skoðun Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir Skoðun Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun Hinn nýi íslenski aðall Kolbrún Áslaugar Baldursdóttir Skoðun Skoðun Skoðun Þau eru fá en þörfin er stór Sif Huld Albertsdóttir skrifar Skoðun Samvinnufélög, valkostur í atvinnurekstri Elín H. Jónsdóttir,Guðrún Johnsen skrifar Skoðun Leiðin til helvítis Jón Pétur Zimsen skrifar Skoðun Eitruð kvenmennska Ása Lind Finnbogadóttir skrifar Skoðun Hinn nýi íslenski aðall Kolbrún Áslaugar Baldursdóttir skrifar Skoðun Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta skrifar Skoðun Gjaldskrár munu ekki virka til að koma aftur framleiðslu af stað Sæþór Randalsson skrifar Skoðun Mannúð og samvinna á tímum sögulegra þjáninga Sólrún María Ólafsdóttir skrifar Skoðun Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir skrifar Skoðun Þegar rykið hefur sest Jörgen Ingimar Hansson skrifar Skoðun Búum til réttlátt lífeyriskerfi Hrafn Magnússon skrifar Skoðun Á undan jarðýtu komi fornleifafræðingur… Stefán Pálsson skrifar Skoðun Hin raunverulega byggðastefna Jón Þór Kristjánsson skrifar Skoðun Sameining Garðabæjar og Hafnarfjarðar – kostir – ókostir - skynsemi Ó. Ingi Tómasson skrifar Skoðun Rúmir 30 milljarðar í fangelsi Guðmundur Ingi Þóroddsson skrifar Skoðun Sérstök staða orkusveitarfélaga! Guðmundur Haukur Jakobsson skrifar Skoðun Miklar endurbætur á lánum menntasjóðs námsmanna Elín Íris Fanndal skrifar Skoðun Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal skrifar Skoðun Er almenningur rusl? Sigurður Ingi Friðleifsson skrifar Skoðun Líffræðilega ómögulegt Björn Ólafsson skrifar Skoðun Veiðigjaldið stendur undir kostnaði Heiðrún Lind Marteinsdóttir skrifar Skoðun Minn gamli góði flokkur Hólmgeir Baldursson skrifar Skoðun Hve lengi tekur sjórinn við? Björn Brynjúlfur Björnsson skrifar Skoðun Orkan okkar, börnin og barnabörnin Jóna Bjarnadóttir skrifar Skoðun Að fjárfesta í sjálfbærri verðmætasköpun Ingibjörg Ösp Stefánsdóttir skrifar Skoðun Að bregðast ungu fólki í viðkvæmri stöðu Ingibjörg Isaksen skrifar Skoðun Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal skrifar Skoðun Hliðarveruleiki hræðsluáróðurs og „pólitískur forarpyttur“ Þórður Snær Júlíusson skrifar Skoðun Fyrir hverja er Sjúkratryggingar Íslands? Hrefna Sif Jónsdóttir skrifar Skoðun Nauðsynlegar breytingar á Menntasjóði námsmanna Ragna Sigurðardóttir skrifar Sjá meira
Þetta er semsagt ríkisstjórn Þorsteins Más Baldvinssonar. Manns sem hefur sölsað undir sig kvóta í sjávarbyggðum um allt land og skilið fólk eftir atvinnu- og eignalaust. Manns sem var formaður bankaráðs Glitnis þegar sá banki hrundi eftir að hluthafar höfðu skælt hann að innan. Manns sem hefur logið og svikið fólk, svikið undan skatti, hlunnfarið sjómenn með því að kaupa aflann af sjálfum sér á undirverði, falið hagnaðinn af auðlind almennings í útlöndum, mútað og arðrænt fólk víða um lönd. Manns sem sigaði skæruliðadeild sinni á blaðamenn til að fæla þá frá því að afhjúpa svikin, lygina og þjófnaðinn. Þegar Kveikur fjallaði um aðfarir Samherja í Namibíu hringdi sjávarútvegsráðherra í Þorstein Má og spurði hvernig honum liði, vorkenndi honum þegar það varð opinbert hvernig hann hafði hegðað sér. Þegar Þorsteinn Már vildi stefna starfsfólki Seðlabankans þá skaffaði forsætisráðherra honum upplýsingar. Þegar almenningur brást hart við þegar lögreglustjóri Sjálfstæðisflokksins á Akureyri hóf rannsókn á blaðamönnum fyrir að hafa fjallað um Samherja þá fór forsætisráðherra í opinbera heimsókn til lögreglustjórans til lýsa yfir stuðningi sínum við aðfarirnar. Þegar hlutur almennings í Íslandsbanka var seldur gegn vilja meirihluta þjóðarinnar var hringt í Þorstein Má og honum boðið að kaupa hlut með miklum afslætti. Þetta er semsagt ríkisstjórn Þorsteins Más í Samherja Og þá er þetta ekki ríkisstjórnin þín. Þetta er ekki ríkisstjórn almennings. Þetta er ríkisstjórn þjófa - - - - - - Þetta er semsagt ríkisstjórn Bakkavarabræðra Ríkisstjórn stærstu hluthafanna í Kaupþing, banka sem varð stærsta gjaldþrot Íslandssögunnar og með stærri gjaldþrotum heimssögunnar. Manna sem voru ekki bara stærstu hluthafar í bankanum heldur stærstu lántakendurnir, manna sem notuðu bankann eins og eigin seðlaprentvél. Manna sem urðu þess valdandi að lífeyrissjóðirnir ykkar töpuðu 230 milljörðum króna á núvirði. Þeir tveir menn sem persónulega hafa lækkað mest allra lífeyri landsmanna. Um 115 milljarða hvor. Ríkisstjórn manna sem földu svo mikið fé í aflöndum að þeir gátu keypti Bakkavör aftur af þrotabúi Kaupþings og lífeyrissjóðum og lifa því nú sældarlífi á sama tíma og fjöldi fjölskyldna glímir enn við afleiðingar Hrunsins. Þegar hlutur almennings í Íslandsbanka var seldur gegn vilja meirihluta þjóðarinnar var hringt í Bakkavarabræður og þeim boðið að kaupa hlut með miklum afslætti. Þetta er semsagt ríkisstjórn Bakkavarabræðra Og þá er þetta ekki ríkisstjórnin þín. Þetta er ekki ríkisstjórn almennings. Þetta er ríkisstjórn þjófa - - - - - - Þetta er semsagt ríkisstjórn Jóns Ásgeirs Jóhannessonar Ríkisstjórn stærsta hluthafa Glitnis sem hrundi fyrstur íslensku bankanna vegna misnotkunar eigendanna. Manns sem var stærsti hluthafi FL-Group sem varð eitt allra stærsta gjaldþrot Íslandssögunnar. Ríkisstjórn forstjóra Baugs sem var enn eitt af allra stærstu gjaldþrotum Íslandssögunnar. Ríkisstjórn manns sem sagt er að hafi náð 1000 milljörðum út úr bankakerfinu áður en það hrundi, líklega sá maður sem gekk lengst í misnotkun á gerspilltu bankakerfi fyrir Hrun. Þegar hlutur almennings í Íslandsbanka var seldur gegn vilja meirihluta þjóðarinnar var hringt í Jón Ásgeur og honum boðið að kaupa hlut með miklum afslætti. Þetta er semsagt ríkisstjórn Jóns Ásgeirs Jóhannessonar Og þá er þetta ekki ríkisstjórnin þín. Þetta er ekki ríkisstjórn almennings. Þetta er ríkisstjórn þjófa og ræningja - - - - - - Þetta er semsagt ríkisstjórn Benedikts Sveinssonar og Engeyinga. Manns sem skrifaði undir mannkostalýsingar á barnaníðingum, sem Sjálfstæðisflokkurinn reyndi að fela fyrir fáeinum árum. Þá voru hagsmunir pabba Bjarna Benediktssonar teknir fram yfir rétt almennings á að vita hvernig samfélaginu er stjórnað. Ríkisstjórn Engeyjarættarinnar sem hefur auðgast af pólitískum völdum sínum í meira en hundrað ár, meðal upphaflegra óligarkar Íslands sem hafa notað pólitísk áhrif til auðgast á kostnað á almennings. Ættar sem hefur átt formann Sjálfstæðisflokksins til skiptist við Thorsara og H. Ben-ættina. Ætt sem er í dag ríkasti hluti Kolkrabbans sem drottnað yfir Íslandi í bráðum hundrað ár með vanhelgum spillingartengslum viðskipta og stjórnmála. Þegar hlutur almennings í Íslandsbanka var seldur gegn vilja meirihluta þjóðarinnar var hringt í Benedikt Sveinsson, ríkasta Engeyinginn og pabba fjármálaráðherrans sem gætir hagsmuna ættarinnar, og honum boðið að kaupa hlut með miklum afslætti. Þetta er semsagt ríkisstjórn Benedikts Sveinssonar og Engeyinganna. Og þá er þetta ekki ríkisstjórnin þín. Þetta er ekki ríkisstjórn almennings. Þetta er ríkisstjórn gerspilltrar yfirstéttar sem hefur rænt þjóðina linnulaust árum og áratugum saman. - - - - - - Þetta er semsagt ríkisstjórn Þórðar Más Jóhannessonar sem braut gegn Vitalíu Lazarevu í heita pottinum. Þetta er semsagt ríkisstjórn Jakob Valgeirs Flosasonar sem fékk tugi milljarða afskrifaða svo hann gæti haldið áfram að auðgast af auðlind þjóðarinnar. Þetta er semsagt ríkisstjórn Karl Wernerssonar sem færði eignir sínar yfir á kornungan son sinn til að forða þeim frá uppgjöri við lánardrottna. Þetta er semsagt ríkisstjórn Guðbjargar Matthíasdóttur í Eyjum sem heldur Davíð Oddssyni uppi svo hann geti mært Trump og ráðist að öllu fólki sem berst fyrir hagsmuni almennings. Þegar hlutur almennings í Íslandsbanka var seldur gegn vilja meirihluta þjóðarinnar var hringt í þetta fólk og því boðið að kaupa hlut með miklum afslætti svo það gæti orðið enn ríkara. Svo almenningur yrði enn fátækari. Ef þetta er ríkisstjórn þessa fólks þá getur þetta ekki ríkisstjórnin þín. Þetta er ekki ríkisstjórn almennings, ekki ríkisstjórn þjóðarinnar. Þetta er ríkisstjórn óligarka og arðræningja, Þetta er ríkisstjórn þjófa. Höfundur er félagi í Sósíalistaflokknum. Þetta er ræða flutt á mótmælafundi á Austurvelli 9. apríl 2022
Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta Skoðun
Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir Skoðun
Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun
Skoðun Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta skrifar
Skoðun Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir skrifar
Skoðun Sameining Garðabæjar og Hafnarfjarðar – kostir – ókostir - skynsemi Ó. Ingi Tómasson skrifar
Skoðun Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal skrifar
Skoðun Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal skrifar
Samningur HSÍ við Rapyd – Opið bréf til frambjóðenda í formannskjöri Hópur stuðningsmanna Íslands í handbolta Skoðun
Hvernig getum við notað nýjar ráðleggingar um mataræði? Óla Kallý Magnúsdóttir,Jóhanna E. Torfadóttir Skoðun
Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun